زوجي ضربني بعد زواجنا بشهر ونص << الاخت نــاعـــمـــــــه الهاشمي بليز شوفي قصتي

[انا اغليك]

ياقلبي وينك مارديتي علينا

 

[*نونه*]

لا اعرف لماذا اشعر من كلامك انك تريدي العودة لزوجك المجرم!!!!!!

امساك بمعروف او تسريح باحسان...

لهذا وجد الله الطلاق حينما تتعذر الحياة الزوجية

استخيري في موضوع الطلاق... لاني اجد ان الحياة مع هكذا نوعية من الرجال عبارة عن انتحار... و من يدري قد ياتي عليه يوم و يقتلك... لانه انسان متوحش و كل شي منه ممكن...
قرأت قصة حقيقة عن امراة صبرت على اذى و ضرب زوجها الجنوني و الهمجي حتى انتهى في انه طعنها بسكين و قتلها بدم باااارد و من ثم قطع جسدها قطع صغيرة...و رماهم في الزبالة... ياويلي مابدي اخوفك في هالتفاصيل لكنها جريمة حقيقة حصلت في بلدي... و كان والدي مستغرب يقول كيف اكملت هذه المراة العيش مع رجل مجنون همجي... كان ممكن ان تتوقع انه ممكن يقتلها في اي لحظة...

و طفلك له رب يكفله... و انتي متعملة ممكن تتوظفي اي وظيفة و لو بسيطة تخففي عن نفسك شعور انك ثقيلة على اهلك... و اكيد اهلك لن يرضوا لك الذل في منزل زوجك..

لكن انا مستغربة انه زوجك ما اتصل فيكي خلال ال4 شهور الا مرتين؟؟؟؟ فقط؟؟؟ و ماهي ردة فعله؟؟؟ هل هو مرتاح و مبسوط ام انه نااااااااادم ام انه مطنش اخر طنااااش؟؟؟؟

استخيري في الطلاق ولا تكوني عاطفية... خيري عقلك و تصوري حياتك بعد 10 سنوات معه و مع اطفالك في المستقبل... لانني ارى صورة مظلمة لمستقبلك معه... صورة اغلب ايامها اهانة و ذل و اغلب ايامها تجريح و اهمال و فقر عاطفي

 

[سبحان الله ..]

استخيري

مافي مثل الاستخاره لرب العالمين

اطلبي مشوره الله وتوكلي عليه والله يرشدك لصواب

 

[زهور الخبت]

اختي والله شيء يحير صراحه زوجك فيه نقص كبير ويبي يكمله عليك مبين ماعنده ثقه في نفسه والمشكله على قولتك فيه بيبي جاي لكن ليش ما سأل ولاكلم والله ماودي اجرحك بس شكله مايبيك أختي خلاصه الكلام أستخيري والله ربي بيكتب لك اللي فيه خير أستخيري مرتين وعشر والولد اللي في بطنك يمكن أرحم له يعيش مع أم صاحيه ولا بين أم وأب متضادين ياحليلنا ياحريم والله حااااااسه فيك الله يفرج همك تكفين قولي لنا وش صار عليك

 

[الفتاة ألم وأمل]

شوفي حبيبتي قبل لا أقرأ الردود ومممكن يكون كثير من الاخوات يوافقوني الرأي
أنا بتكلم وكأني مكانك اعاننا الله وإياك وجميع المسلمين
إنسان حقير كزوجك مستحيل أن أصبر دقيقة واحده في منزله
إنسان مريض وعنده نققققققققص فادح في شخصيته
ومتعجبه من أبيك كيف ابنتي تهان وتضرب من بداية زواجها وانصحها بالرجوع
ان أبصم لك بالعشر أنه لن يتحسن فإن تحسن 20% فقط
والحمدالله انك حامل بطفل 1 والله اعلم سيخرج على الدنيا ام لا
ولم تنجبي 3 أو 4
عزيزتي هذه ليست مشكلة ومن السهل حلها
بل يحتاج الى علاج نفسي مكثف وتغير مفاهيم قديمه الراسخه في ذهنه
قلت لك لو انا بمكانك اطلب الانفصال وابني او ابنتي رزقها معها
وانت وخيارك
وعليك بالاستخارة فمن خاب من استخار
وبالتوفيق

 

[meme99]

الله يصبرك علي الاشكال هدي
انا مابي اقول ارجعي او لا ترجعي هدا قرارك انتي
بس اختي نفسك عليها حق عليك ضرب واهانه وسب وشتيمه علي ايش كل هدا ما احد يتحمل التصرفات الغبيه هدي
الله يوفقك اقعدي في بيت اهلك لين تولدي بي السلامه عشان ما يطقك وانتي حامل وهوا الله يهديه ويحن قلبه
ادا فيه الخير وادا رجعتي البيت بعد الولاده اوقبل حاولي انك تتفديه وادا هاوش اعتبريه يغني ولا تردي عليه وستغفري واقرائ القران والله الموفق​

 

[شذا العطور]

الله يفرج همك ياحبيبتي
​

 

[ابداء]

السلام عليكم اشكركي اختي على طرح مشكلتك بصراحه ومن وجهة نظري ارى ان هذا الانسان لايستحق ان تعيشي معه ضرب واهانه وتقفيل عالباب و الجوال ماصرت ذي هذا مافي قلبه ذرة رحمه بصراحه هو اللي مريض نفسي والله اني اكتب وان ضايق صدري منه بنات الناس مولعبه بين ايدينه انتي لك كرامتك وعزت نفسك وباين عليك انك طيبه مره باقي تفكرين ترجعين له انتبهي فكري زين قبل تاخذين قرار الرجوع له وفوق ذا لايتصل ولا يكلم ولايسال بالنسبه لنونو احسن انك تجيبين واحد ولا اثنين وثلاثه واسائل العلي القدير يكتبلك اللي فيه الخير​

 

[إمرأة من ورد]

استخيري

الله يوفقج

 

[الى اين؟؟]

والله ما ارمي نفسي ابد
ولده عنده مالن بعيال الناس
وانتي اهلك ملزومين فيك
الى ضرب مره يضرب مرات
وهذا مامنه رجا
ممكن مطلق او ارمل او معدد ازين منه
والله ييسر لك الخير
لا ترمين نفسك بالتهلكه

 

[غلا بابا]

الله يوفقج ويفتح لج جميع ابوابه ويسر لج امورج ويعطيج ع قد نيتج .. الله معاج

 

[هواجسهـ]

الله يفرج لك ياااختي ويوفقك

بس هالمجتمع غصب يخلينا سلبيات حتى حقوقنا مانقدر ناخذها

خطأ

مجتمعك هو مجتمعي واقول لك لا



عن نفسي اشووف 800 ريال شهريا من الحكومه .. لي ونفقه اجباريه من المحكمه لولدي من ابوهـ

تكفي لحفظ كراامتي .. وانا جامعيه وبمرتبة شرف ..ماعندي وظيفه ولولو لو حصل مش مشكله اكون مرااسله او مستخدمه أو اشتغل بمشغل أو معهد أو دار تحفيظ المهم مااحد يدوس كرامتي


الرزق عند الله والخلايق ماعندها الا قطع الارزاق والاعناق





زوجك وانتي اخبر فيه ان نفع معه ان ترجعين ارجعي وجربي يمكن تغير بعد 4 شهور ولا هو عارف وش يسوي


وان رجعتي وهو هو مااتغير



الشكوى لله أطلبي الطلاق وتعاملي بالشديد القوي



الله يوفقك يارب

 

[هناء خالد]

الله يسمح أمورك عزيزتي
لاترجعين من نفسك بيجلس يعيرك ويذلك خليه هو الي يجيك ويعتذر لك
وانتي بعدها أملي شروطك عليه وخليه يتعهد قدام أبوك انه مايمد يده ويظربك ولايهينك وخلي أبوك يوقفه عند حده ويبين له أنه مايرضى لإهانة بنته
ونصيحه إذا رجعتي وولدتي بالسلامة خذي مانع ألين تتأكدين أنه تعدل وصار رجال كفوا حتى لو مارضى تاخذين مانع خذي من دون مايدري

 

[sدلوعه عيونهs]

الله يفكك من هالمجرم
وينصرك عليه

هذا مرررريض نفسي وش ذنبك تحملين انسان مريض

لو انتي اختي وش كنت بقولك
والله بقولك تطلقي منه ولا تضنين ان فيه امل يتغير

وربي اني ببكي وانا اقرا كلامك

بالبدايه كان اهلك يخوفونه وكانوا قوه وسند لك والدليل يوم قالك دقي على ابوك(يعني ماني خايف يحاول يستر خوفه) ولما دقيتي فعلا من القهر انك سويتها فعلا خاف وانقهر وضربه بالارض

والشي الثاني لما وداك اول مره لاهلك ماقالك وين بوديك يبيك من حالك تخافين وتقولين لا رجعني متوقع هالشي ولا هو ماوده يوديك خايف من رده فعل اهلك

بس قالك ماتدرين وين موديك ؟موديك اهلك...منتظرك تقولين لااا رجعني
وبعدين قالها خلاص قولي رجعني وارجعك
من البدايه مايبي يوديك بس يبي انك ترجيته وخليتيه يرجعك
كان خايف من اهلك بس اللحين بدا يطمن
وانتي مفروض تكلمين ابوك عن كل شي
كلل شي
عشان يعرف انك متزوجه انسان مرييييض

ويكون لك سند

ولييييش تتحملين الاهانات منه
ليش من هو عشان يهينك
لا حبيبتي كرامتك فوق راسه غصب عليه


بس شافك ساكته

والله انا اكيد ماودي انصح احد بالطلاق بس اسال نفسي لوكنت مكانك والله لاتطلق منه او اختي لوهي مكانك بقولها تطلقي منه

والطفل له رب واذا ماتطلقتي يعني تخلي يعيش مع انسان كذا كيف بيطلع؟؟؟

وبالنسبه انه دق عليك وقال اعتذري هو يبيك ترجعين بس مايبي يتنازل ويرجعك بكرامتك
مغرور ويبيك تبقين منهانه
واذا رجعتي له كذا
تكوني كنك يابو زيد ماغزيت
لا يدفع ثمن غلطته ويعتذؤ هو
وتاخذين ضمانات انه يحترمك ويحطك على راسه ولايمد يده مر ثانيه

الله يفرج عنك همك

 

[أم محمد2010]

الله يعينك انصحك بعدم الرجعه
اذا هذا اوله ينعاف تاليه
شكله ماوراه خير ومريض نفسيا
واذا رجعت صدقيني راح تتعبين اكثر من اول
دمتي بود وسلام

 

[غراابيل]

ياعزيزتي انا مااشجعك طبعا على الانفصاال لكن الواضح ان عنده عقد نفسيه

يذكرني بزوجي اللي ناويه اتطلق منه انتي شوفي نفسك روحي لأهلك زياره عاديه

وشوفي اذا فقدتيه اقل شي فيه موده ممكن تغيرينه وتغيرين عقده النفسيه واذا حسيتي انك

فعلا تعباانه ومو قادره تواصلين مافيها شي امساك بمعروف او تسريح باحساااااااااان والمريض نفسيا

هو مو انتي سبحاااااااااااااان الله حتى كلامه مثل كلام زوجي يالاااهي على بعض الرجاجيل الله يفرج كربتك

 

[sدلوعه عيونهs]

الله يكــون في عوونـك ​

,,ارجعــي ,,واسكتي عنه اذا صارخ عليـك او سبـك ولاتطلعين من الغرفه الين يخلص كلامه خليك ساكته واسمعيه ,,لانوا زوجك يحس خروجك اهاانه له او انو اللي قاعد يقوله مايهمك ,,
حاووولي تحتوووينه وتبينين له انك سنعه قومي بواجباااتك كلها
ولاتخلينه يلقى عليـك كلمه أقل شي لماا ياخذ عنك هالفكره وبعدهاا ممكن ترتتاحي شوي ,,
اذا اخذ جواالك او لاب توبك قولي له وبطريقه حلووه ورمومنسيه وانتي بحضنه <<حبيبي اذا ممكن تعطيني جوالي ابي اكلم امي مشتاقه لهاا ,,
وممكن ترسلين له رساايل حب وغرام وغزل عشاان يحس ان الجوال مهم ويخليه بيدك ينتظر منك رساايل <<ويكوون لك حجه تقولي اذا اخذ الجوال <تقولي قلبي ابي الجوال بقعد اقرا رسااايلك اذااا قريتهم احس بالحناان واستانس ,,
غيري كل شي خليك واثقه من نفسك بس بدوون ماتردي عليه او تسبيه او ترفعي صوتك علييييه ,,,
زوجك باين عليييه يحب المدح ومو شايف نفسه شي<<بدليل انه قال لاشكل ولااخلاق ولا تعليم <<فأنتي اخذي هذي النقطه لصاالحك وامدحييه كثثيير ركزي على شي حلو بوجهه مثلا تكون رسمة شفايفه حلوه او ممكن عيونه حلووه او رمووشه وقولي له رسمة شفايفك تجنن شوف وانتم عند المرايه
او قولي رمووشك ماشاء الله كثاار او ممكن تمدحي جسمه او طوله اذا حلووو ,,
واهم شي امدحي رجوولتــه ,,
انتي لاتردي عليه حتى ماتفتحي له باااب يمد يده عليـك ,,
اذا عطااك مصرووف افرحي وادعي له وقولي الليه لايحرمني منك والله يخليك لي وحتى لو كان المصروف قليل
والمره الجايه لما يشوف المدح بيزيدك
واذا مازادك ممكن تتدلعي عليه وتتغنجي وتبيني له انك محتاجه زيااده
والله احس عندي كلام كثيــر ,,بس اتمنى اكون افدتك ,,
أتمنى لك السعاده ​

الله يسخر لك زوووجك ياارب ويثبت حملك ويقومك بالسلامه ,,​

معليش اختي انا اختتتتتلف معك
كل اللي تسويه له ولا مبين بعينه
تبينها تعامل معه كانه انسان حنون
هذا مريض يشوف هذا ذل لها
يكفي انها تقول ضربها وخلها تنزل ملابسها
لو انتي محلها وش تسوين؟؟
تعاملينه بحنان؟
وش بعتبر طيبتك وحنانك؟
استغرب من مجتمعنا اللي لو كنتي متزوجه انسان مررريض وحقير يقولك خلاص اجلسي تحملي
ولا تطلقين؟؟؟؟؟؟؟

لييييييييييييه الطلاق اذا يحفظ لي كرامتي والله اتطلق ولا اعيش بذل وقهر

بس مع ذلك انا اقول ياختي اذا بترجعين له لاترجعين الا وهو معترف بغلطته وحاط فوق راسه

 

[راجية الغفران]

الله يصبرك

 

[راجية الغفران]

الله يصبرك

 

[رقة ورد]

ما عرفت شقول احس بخوف من هذا الانسان

الله يشفيه يااااااااارب

بس استخيري استخيري استخيري

مع انى مررررره خايفه من زوجك عليك

بس اذا بترجعين ارجعى بشروط واضحه

وخطوط حمراء ,, رضي بها اهلا وسهلا

ما رضي .... الله اختار لك بعده وهو خير لك

انتبهى وبدل الرجال رجال ..

و الله يجبر ما صابك ويوفقك لما فيه خير