زوجي ضربني بعد زواجنا بشهر ونص << الاخت نــاعـــمـــــــه الهاشمي بليز شوفي قصتي

[(صعبة24المنال)]

الله يسعدكم مجرد ردكم بس يرفع معنوياتي


من البدايه وبأختصار من اول ماتزوجت لاتمشيه ولاشي وزواجي مسوينه اهلي لان اهله رفضو يسوون زواج مع انها قويه لي وفوق هذا كله دخلني المطبخ من صباحيتي ومع اني كنت دلوعه ببيت اهلي صرت اتعلم واطبخ عشانه والحمدلله ع طول تأقلمت ع وضعي الجديد والحمدلله بعد صرت شاطره بالطبخ



المهم لماشاف قوة علاقتي بأهلي وصديقاتي .. اول شي سواه صار يقفل ع جوالي بخزنته عشان لاأكلم
اذا زعل اخذ جوالي واذا رضا رجعه وبعدين صار يقول مو لازم معك جوال حريم جماعتنا مامعهم ومن هالحكي



وهذا انا ع هالحال لين جاء يوم يصير يوم 24 بزواجنا قلت له بهدؤ ليش مقفل ع جوالي ليش تحرمني من الناس اللي احبهم وش معنى انت وانا لا ...... المفروض اللي يصير علي يصير عليك طمر من السرير بعصبيه وانا كنت واقفه قال ايش اللي يصير علي يصير عليك قلت ايه اقصد حط جوالك بالخزنه بعد



تدرون شسوى موقف عمري ماتخيلته ضرب جواله بالارض !!!!!!!


انا انهرت وقعدت ابكي قالي يلااااااا اكسري جوالك مثل ماكسرت جوالي عمري بحياتي ماشفت وحش بصورة انسان


قلت له انا مو قصدي تكسره



قال اكسري جوالك .. ((((للمعلوميه جوالي كان حيل غالي ع قلبي وكثير عرضوا علي يوم زواجي يجيبون لي اجهزه جديده وانا اللي رافضه
لاني من النوع اللي احب احتفظ بذكرياتي وبأغراضي حتى لوكانت قديمه ))))




المهم قلت آآآآآآآسفه ماأقدر قلبي مايطاوعني تبي تكسره انت خذه ألح علي عجز فيني قام حطه بالخزنه وطلع لصلاة الفجر


لما رجع قال اختاري انا والا جوالك ولاب توبك قلت انت لو عاقل ماخيرتني بين جوالي ولابتوبي وبينك بس انا بصير اعقل منك وبختارك بس تراك جرحتني لما قلت جرحتني ركبه جني


طلع من البيت ساعه وشوي ولما رجع قال خذي جوالك ولابتوبك وشنطة ذهبك بنروح مشوار اخذت اغراضي اللي قالهم وطلعت معه مادري وين بنروح


تخيلوا لما طلعنا برا الرياض انا اهلي برا الرياض قال ماتدرين وين موديك قلت لا قال اهلك



ع اساس بيطلقني قمت قلت له ع الاقل اغير ملابسي ماخذني بملابسي الخاصه وش موقف اهلي يشوفوني كذا



المهم بعد ماقطعنا مسافه قال تبين ارجعك قولي رجعني قلت رجعني انا اللي ترجيته عشان يرجعني

قلتها وانا مقهوره بس كنت خايفه ع ابوي اول زياره واجيه مطلقه وبملابسي الخاصه بعد

رجعنا ع اساس ينصلح حاله بس للاسف حتى الرجعه هذي صار يعايرني فيها يقول انتي ماعندك كرامه


انسان عنده شعور بالنقص يقول لي كيف حبيتيني وانا لاشكل ولاأخلاق ومو متعلم وفوق هذا كله ادخن
ردي عليه مابينا فرق ولاتقول هالكلام مره ثانيه وعمري ماحسسته ان بيننا فرق


تخيلو ينزل يدور احد بالشارع يتهاوش ويرجع يحب المشاكل لسانه ويده طويله ع الناس

يحب يمشي كلامه علي بغض النظر عن كلامه صح او غلط

لدرجة اني اذا قلت له ماعليك امر خذ هذي للمطبخ يقول كنت ناوي اشيلها بس عشانك قلتي مارح اشيل


يطلع رايق يرجع معصب يطلع معصب يرجع رايق تعبت نفسيتي منه حيل مزاجي


مره نفخ علي حيل وعصبت قلت خلاص بندخل ابوي بيننا انا ماصرت اتحمل سوالفك قال دقي ع ابوك عادي اقوم امسك الجوال ادق ع ابوي طبعآ بعد ماطلع جوالي من السجن المهم لما دقيت اخذ الجوال مني


تدرون شسوى


كسسسسسسسسسسسسسسسسسر جوالي ضرب فيه الارض


انا انهرت مو بس انهرت الا انفجرت قمت طلعت كل اللي بقلبي سبيته وجمعت أغراضي ع اساس اروح بيتنا هو دايمآ من جيته يقول روحي وانا اللي ساكته ومنطمه لان ابوي كان عنده شغله ابيها تخلص واروح بس ذاك اليوم قلت له انا ماأتحمل تصرفاتك


ولاتزوجت عشان انهان ودني اهلي طبعآ رفض يوديني

وبعدها انا من نفسي هديت لان بطبعي انسى الاساءه بسرعه

المهم قال الجوال اجيب لك بداله وسكتت ابي حياتنا تمشي


قمت جمعت حطام جوالي بحتفظ فيه قعد ينبش بأغراضي لين لقاه بس عشان يقهرني فيه قام رماه وهو يعرف اني احب احتفظ بأغراضي حتى لو كانت قديمه


المهم صبرت وظليت عنده بعدها بأسبوع زعل ع سالفة الجوال لما سبيته دوبه تذكر كلامي اللي قبل اسبوع


وقعد يسب ويطول لسانه قلت ابي اهلي رفض وقعدنا 3 ايام هو مايكلمني وانا زعلانه ماقصرت لابطبخ ولابغسل ملابسه اطبخ وانا ابكي قلت بسوي بأصلي وهو بكيفه اهم شي ارجع بيتنا وانا واثقه اني ماقصرت بشي



بعد هالثلاث ايام جاء يسب ويهاوش وانتي مريضه نفسيه يبي لك مستشفى انا ماتحملت الكلام رديت عليه بهدؤ كنت اسبه وانك خلاص طلعت من راسي بس ودني اهلي مابيك لما شفته تمادى قلت انا مابي اغلط اكثر من كذا بحترم نفسي واطلع من الغرفه


لما جيت اطلع من الغرفه دفني يقول انا اذا قلت اجلسي تجلسين قلت له الله يرحم والدينك وخر بطلع لاتطينها اكثر قام دفني مره ثانيه بعدها انا دفيته ابي اطلع

تدرون شسوى ؟!!!

ضربني ضرب تفلني العافيه 4 ايام يالله امشي ورمت عيني وخدي وطلع وجهي كله اثار ضرب ونتف شعري لدرجة ان مكان شد الشعر صار يطلع منه دم


لما ضربني انا ماسكتت قعدت اسبه واهاوش وخلاص مابيك ودني بيتنا ولما حاولت اطلع من باب الشقه قفل الباب بالمفتاح وسحبني بشعري من مدخل الشقه للغرفه

لدرجة اني كنت من قو الضرب اطيح يشيلني بشعري ويقول لي احسن موتي انا ابيك تموتين والله ساعتين ونص وهو يطلع يدخن ويرجع ويشدني بشعري حتى ماراعى اني حامل بالشهر الاول ولاخاف علي مع اني كنت تعبانه وكان فيني نزيف قبلها بفتره والدكتوره قالت لي لاتحركين كثير .. بس سبحان الله مانزل الجنين يمكن لاني خلاص مابي شي يربطني فيه الله ثبته


تدرون حتى اهانه معنويه اهاني قال لي نزلي ملابسك بضرب طبعآ ناظرني قال حتى ماأنتي كفو اني اجامعك


قفل علي كالعاده وطلع لانه عارف اني لو طلعت ع طول ع الشرطه لان جسمي كله مرضوض حتى اهلي لما شافوني ع بالهم حادث من اللي بوجهي وبعيني الجهه اليسرى من وجهي كله دم واصل الطبقه الاخيره ومعلم بوجهي كله وبكتفي الايسر ضربه كانت تخوف من كبرها ولانها حيل مزرقه( معلومه نسيت اقولها اذا زعل يطلع يخليني بالشقه لحالي يوم كامل اطبخ واكب مادري هو بيجي او لا وياخذ جوالي ويقفل علي باب الشقه )



نسيت اقولكم ان بعد الضربه بأسبوع اهلي يقولون لي عينك فيها لفه بالعربي صرتي حولا يمكن من الضرب اللي جاء ع عينك ووجهك بس مو باينه الا من زاويه معينه اذا احد واقف وانا جالسه ورفعت عيني تبين واذا ناظرت ع جنب بعد تبين ..



لولا الله ثم جيرانهم كان محد يدري عني ولا كنت رحت لأهلي .. ع فكره قبل الضرب لما كان يتكلم ويقط كلام جحد كل شي سويته له حتى قومتي الصبح اصحى 4 ونص الفجر عشان افطره واسوي غداء وقهوة العصر والعشاء اللهم اذا راحت علي نومه عن الغداء جحد كل شي سويته وربي في اشياء كثير اسويها مامنيتها عليه .. وهو حتى مصروفي يمنه علي واحمدي ربك غيرك رجالهم مايعبرونهم ولايصرفون عليهم وهو بس مرتين عطاني 500 وذلني فيها ..



ع فكره حتى ابوه كان يعبي راسه علي ويقول لأبوي بنتك مره بالمستشفى ومره بالسوق ماتقعد بالبيت مع العلم اني بيتوتيه لأقصى درجه ومو كثير اطلع وماأستبعد ان ابوه هو اللي قايل له اضربها لان ابوه سياسته بالحياه الضرب ومربي عياله ع الضرب ولانه ينزل لابوه بنفسيه ويرجع لي بنفسيه ثانيه ..



وللمعلوميه ابوه نفس اليوم اللي ضربني فيه عشان جيرانهم جاء هاوشني فضحتينا بجيراننا ومادري ايش ماقال بنت الناس بوجبها دامها ببيتي ..


بالله عليكم وحده تنضرب ومقفول عليها الباب وزوجها يقول موتي وش توقعون تسوي .. مايبيني اطق ع جيرانهم لاني كنت اطق ع دريشتهم ..


نسيت شغله بعد ان ماعمره مدح شي فيني ودايمآ يمدح بخواته وشغلهم بالبيت وحريم اخوانه ويقول حسره علي زوجتي ماتعرف تطبخ هذي الكلمه قالها وانا ماكملت اسبوع ببيته .. مع اني ماأمدح نفسي بس ماقصرت بشي حتى اللي ماأعرفه تعلمته عشانه ..



بجد انا آسفه طولت عليكم وربي اللي قلته نقطه ببحر من تصرفاته بس لاتقولون شكاك لاااااااااااا مو شكاك لانه قال لي لو اشك فيك نص بالميه ماخليتك ع ذمتي دقيقه


بس انسان تصرفاته تصرفات مراهق يطلع عشان يتهاوش
والا اذا احد ماشي مر من جنبنا قط عليه كلمه .. وفوق كل شي احسه مفكر ان الحرمه انوجدت عشان تخدمه وبس ماكأني شريكة حياته ..


عجزت اوصفه مرات احسه يغار مني ابسط شي اني خلصت كليه وهو معه متوسط بس انا بجد ماحسسته بالفرق بالعكس حتى هو يكمل وقلت له كمل ليما تدخل كليه او جامعه وبعدها تكمل ماجستير لان بطبعي انا طموحه واحب الشخص الطموح



ادري طولت بس بجد كل ماأجي اقفل اتذكر سالفه .. بس ابي اقولكم من جيت لبيت اهلي دق مره يقول عشان ابوك قال لي دق ودقيت ومره ثانيه قال لي اعتذري لي عن سبك


ابي رايكم ابوي يبي السالفه تهدأ وبيرجعني .. مو طبعي اكون سلبيه بس هالمجتمع غصب يخلينا سلبيات حتى حقوقنا مانقدر ناخذها



وربي محتاره ارجع عشان اللي ببطني وعشان نفسي والا ((((((((((((((((((في ناس كذا صار معهم وتعدل وضعهم؟!!!!!!!!))))))))))))))))))))



في ناس قالوا لي اللي يمد يده مره بيمدها مره ثانيه انا مو خايفه من الضرب بالعكس تبلدت بس عازه علي نفسي وكرامتي ..



وتكفون لاتجرحون اللي عنده نصيحه يكتبها واللي شايف اني غلطانه يقول وجهة نظره بدون تجريح
والله يجزاكم الف خير


هذا الكلام صار له 4 شهور وانا من 4 شهور ببيت اهلي والسالفه حطيتها عشان تعرفون وتحكمون لان وحده شارت علي بمنتداكم وقالت رح تحصلين اللي يساعدك


الله يسعدكم انا فكرت اكلمه عشان نرجع لبعض مع انه ماسأل عني بس وحده قالت لي بإذن الله رح تقدرين تغيرينه

يعني فديت قلبكم انسوا السالفه كلها ابي اعرف رايكم بالرجعه تأيدوني والا لا


خصوصآ اني محتاجته زي مالنونو محتاجه صار لي 6 شهور حامل مابي احرم ولدي وابوه من بعض غير هيك حيل احس اني ثقيله ع أهلي شلون جاء النونو


وجزاكم الله ألف خير

 

[(صعبة24المنال)]

شلون اذا جاء النونو بحس اني اثقل من قبل

 

[أم أحمد **]

الله يفرج همك

قسم بالله مقهورة من هالرجال حسبي الله ونعم الوكيل

مابي أحرضك تطلبي الطلاق لكن أنا لو محلك ماجلست ولا دقيقة معه

واللي في بطني له ربه يتكفل فيه

وألزم ماعلى الإنسان كرامته

وأنتِ كثري من الدعاء والاستغفار

واستخيري ربك واسأليه يهديك للقرار الصحيح

أسأل الله العظيم رب العرش العظيم أن يجعل لكِ من كل ضيق فرجاً ومخرجاً

 

[άн»»мệйќ ะ..]

لاحول لله ولا قوه الابالله الله المستعاان من هالرجل ..
ياا قلبوو من وجهت نظرري طبعآ ما اؤؤؤؤؤؤيد انك ترجعيله لانه الظاهر معه حاله نفسيه <<<سووري
وهو ما قدركي وانتى عرروس وجرحكي واهانكي ويااخد الجوال منك وعلى هدا كله كمانا يضرربك مو معقوله صراحه
بعد هدا كله وديك ترجعيله ..الي يضررب مره يضرب عشررين مره ..
قبل كل شي تسوويه استخيري وأدعــي ربي ان شاءالله يهدى ..

 

[بنت وايل]

والله ان من رايي ما ترجعين له اختي ,, تذكري قبل يوم صارت اول مشكله ورجعتي شنو قال ,, قال لك ما عندك كراااامه ,, انا برايي تقعدين بيت اهلك وصدقيني تعشين معاهم ومع البيبي ولا ترجعين كل يوم ضرب واهانات ,,
وهو لو يبي يرجعك كان اهتم واتصل ,, بس هو لا سأل عنج وعن البيبي اللي في بطنك ,, اختي كرامه الأنسان فوق كل شئ ,,

الله يهديك ان شاء الله

 

[أم حميدة]

اقرئي هنا :
http://www.niswh.com/vb/showthread.php?t=224492

 

[جروح سعادة]

الله يفرج همك وعليك بصلاة الاستخاااااااره واكثري من الاستغفار واذا فيه خير لك راح يجي ....
...ولاتتعبي حالك ياحبيبتي انتي الان المفروض تهدين عمرك حاااااااامل الله يكون بعونك......
بس زي ماقولت لك اكثري من الاستغفار وتشوفين همك بينزااااااح....
(((الله يفرج همك)))

 

[أميــ دبي ــرة]

حبيبت قلبي والله
ريلج بصراحه انسان ما يتعاشر
تصرفاته تدل على انه انسان مش عاقل
صدقيني حياتج معاه جحيم
بس بسألج سؤال اهلج عرفوا انه ضربج وانه سوه هذا كله فيج؟؟
لازم تخبرينهم
ومعقوله 4 شهوور ما سأل عنج
ويعرف انج حامل يعني ما يحاتي ما يحب يشوف تحركات ولده في بطنج؟؟
ما اعرف شو اقولج
استخيري وان شاء الله اللي فيه الخير الله بيقدمه لج

 

[أحبه ولكن]

الله يكــون في عوونـك
,,ارجعــي ,,واسكتي عنه اذا صارخ عليـك او سبـك ولاتطلعين من الغرفه الين يخلص كلامه خليك ساكته واسمعيه ,,لانوا زوجك يحس خروجك اهاانه له او انو اللي قاعد يقوله مايهمك ,,
حاووولي تحتوووينه وتبينين له انك سنعه قومي بواجباااتك كلها
ولاتخلينه يلقى عليـك كلمه أقل شي لماا ياخذ عنك هالفكره وبعدهاا ممكن ترتتاحي شوي ,,
اذا اخذ جواالك او لاب توبك قولي له وبطريقه حلووه ورمومنسيه وانتي بحضنه <<حبيبي اذا ممكن تعطيني جوالي ابي اكلم امي مشتاقه لهاا ,,
وممكن ترسلين له رساايل حب وغرام وغزل عشاان يحس ان الجوال مهم ويخليه بيدك ينتظر منك رساايل <<ويكوون لك حجه تقولي اذا اخذ الجوال <تقولي قلبي ابي الجوال بقعد اقرا رسااايلك اذااا قريتهم احس بالحناان واستانس ,,
غيري كل شي خليك واثقه من نفسك بس بدوون ماتردي عليه او تسبيه او ترفعي صوتك علييييه ,,,
زوجك باين عليييه يحب المدح ومو شايف نفسه شي<<بدليل انه قال لاشكل ولااخلاق ولا تعليم <<فأنتي اخذي هذي النقطه لصاالحك وامدحييه كثثيير ركزي على شي حلو بوجهه مثلا تكون رسمة شفايفه حلوه او ممكن عيونه حلووه او رمووشه وقولي له رسمة شفايفك تجنن شوف وانتم عند المرايه
او قولي رمووشك ماشاء الله كثاار او ممكن تمدحي جسمه او طوله اذا حلووو ,,
واهم شي امدحي رجوولتــه ,,
انتي لاتردي عليه حتى ماتفتحي له باااب يمد يده عليـك ,,
اذا عطااك مصرووف افرحي وادعي له وقولي الليه لايحرمني منك والله يخليك لي وحتى لو كان المصروف قليل
والمره الجايه لما يشوف المدح بيزيدك
واذا مازادك ممكن تتدلعي عليه وتتغنجي وتبيني له انك محتاجه زيااده
والله احس عندي كلام كثيــر ,,بس اتمنى اكون افدتك ,,
أتمنى لك السعاده
الله يسخر لك زوووجك ياارب ويثبت حملك ويقومك بالسلامه ,,​

 

[تلميذة ناعمة]

أسمعي ياأختي زوجك غلطان
ابقي عند اهلك اذا ماعرف قدرك الحين ماراح يقدرك
الحين بعد هالوقت انتي نسيتي الاساة بس اذا رحت عنده بترجع حليمة لعادتعا القديمة بالعكس راح يعايرك
اقنعي ابوك انه الحياة معه صعبة وانه يمكن تموتين بين ايديه اثيري رحمة والدك ونخوته قلي من لي يابوي اذا رميتني أنت
الحين مامعك الا جنين واحد شلون لصاروا أكثر انت اصبري والتزمي الاستغفار
الحين لاتفكرين الا بصحتك وتجهزي لنونو والنونو مادامو معك فهو بخير يمكن احسن له من هالاب المستهتر
الا اذا سأل عنه وجبه واهتم فيه
بعدالولادة ولما تقومي بالسلامة هو بيظن انه بتسألي عنه خليه لما يطيح الي براسه ويعرف قدرك
وحده أعرفها قعدت عند أهلها قريب السنة لما جاء زوجها واخذها معززة مكرمة

 

[om alreem]

اولا الله يختار لك الخير
ثانيا من وجهة نظري لا ترجعيلو نهائي خصوصا انو ما جا ولا اعتذر ولا شي كيف ترجعيلو وهو بهالنفسية؟؟ تاكدي لو رجعتيلو من نفسك راح يستمر وراح يصير مع اطفالو نفس الحكاية,,
لكن ان جا واعتذر واتعهد قدامك وقدام كل لناس انو يعاملك بما يرضي الله ساعتها ممكن ترجعيلو غير كذا احذرك..
وعادي خليكي عند اهلك مع طفل واحد ولا ترجعيلهم بعدين وفيكي عاهة لا سمح الله ,الله يفرج همك

 

[ملاك الاحاسيس]

الله يكــون في عوونـك

,,ارجعــي ,,واسكتي عنه اذا صارخ عليـك او سبـك ولاتطلعين من الغرفه الين يخلص كلامه خليك ساكته واسمعيه ,,لانوا زوجك يحس خروجك اهاانه له او انو اللي قاعد يقوله مايهمك ,,
حاووولي تحتوووينه وتبينين له انك سنعه قومي بواجباااتك كلها
ولاتخلينه يلقى عليـك كلمه أقل شي لماا ياخذ عنك هالفكره وبعدهاا ممكن ترتتاحي شوي ,,
اذا اخذ جواالك او لاب توبك قولي له وبطريقه حلووه ورمومنسيه وانتي بحضنه <<حبيبي اذا ممكن تعطيني جوالي ابي اكلم امي مشتاقه لهاا ,,
وممكن ترسلين له رساايل حب وغرام وغزل عشاان يحس ان الجوال مهم ويخليه بيدك ينتظر منك رساايل <<ويكوون لك حجه تقولي اذا اخذ الجوال <تقولي قلبي ابي الجوال بقعد اقرا رسااايلك اذااا قريتهم احس بالحناان واستانس ,,
غيري كل شي خليك واثقه من نفسك بس بدوون ماتردي عليه او تسبيه او ترفعي صوتك علييييه ,,,
زوجك باين عليييه يحب المدح ومو شايف نفسه شي<<بدليل انه قال لاشكل ولااخلاق ولا تعليم <<فأنتي اخذي هذي النقطه لصاالحك وامدحييه كثثيير ركزي على شي حلو بوجهه مثلا تكون رسمة شفايفه حلوه او ممكن عيونه حلووه او رمووشه وقولي له رسمة شفايفك تجنن شوف وانتم عند المرايه
او قولي رمووشك ماشاء الله كثاار او ممكن تمدحي جسمه او طوله اذا حلووو ,,
واهم شي امدحي رجوولتــه ,,
انتي لاتردي عليه حتى ماتفتحي له باااب يمد يده عليـك ,,
اذا عطااك مصرووف افرحي وادعي له وقولي الليه لايحرمني منك والله يخليك لي وحتى لو كان المصروف قليل
والمره الجايه لما يشوف المدح بيزيدك
واذا مازادك ممكن تتدلعي عليه وتتغنجي وتبيني له انك محتاجه زيااده
والله احس عندي كلام كثيــر ,,بس اتمنى اكون افدتك ,,
أتمنى لك السعاده

الله يسخر لك زوووجك ياارب ويثبت حملك ويقومك بالسلامه ,,​

تـــدرين احبه ولكن كلامك عيــــــــن العقل بس مع زوجهاا مايستاهل

تقولك بشهر العسل ضربهااا في رجال يسويهاا اكيد هووو ماحس بقيمتها لو سوت له كذآ بيزيد وبيشوف نفسه وبحس انها ضعيفه







اختى نصيحتي لك استخيري مره وثنين وثلاآث

استغفري وإلجي لربك الي الولاده ويمكن لـ عرف انك ولدتي يتعدل ويحس نفسه رجآآآل وصار اب

لكن اعــــــــــــــــــــــــــــــــــــــــــــــز ماعلى الانسان كرمته لو انتي اتنازلتي عنهااا زوجك مارح يحس لك قيمه لانك تنازلتي عن كرامتـك



ماحرضك على الطلاآق لكن استخيري واستغفري ربك




والله يفرج همك ويرد لك زوجآ ردأ جميلأأ .

 

[زهرة في الصحراء]

انتي ادرى بظروفك

بس لو انا قسم ما ارجع دقيقه

بكره بعد يظربك انتي ويقهرك بالنونو

لا والله اجلسي عند اهلك وربك يحلها

 

[فلفلة]

اذا كنتي صادقة فيما كتبتيه وما بالغتي

الله واكبر
تفكرين تدقين عليه ويرجعك؟؟؟؟؟؟؟؟؟؟؟؟؟؟؟

اذا قريت قريب بالجريدة ان وحدها ذبحها زوجها بعرف ان هذي انتي وبتكوني تستاهلين وتستاهلين بقوة بعد
رجلك اذا رجعتي له بها لطريقة ما بيتغير واللي تقولك ارجعي له بها السهولة امرأة ترى ان وظيفة المرأة في الحياة ان تتعرض للاهانة والضرب والاحتقار

حبوبة
رجال عائلتك يتفاهمون معه
مش انتي
ويوقفون معهاه وقفة جادة
اما امساك بمعروف
او تسريح بإحسان

اذا رضي بالامساك بمعروف توكلي على الله وارجعي له بعد اخذ التعهدات.. واذا عاد طقك او مد يده عليك عندك اهلك ارجعي لهم
والا فالوحدة ما تطلع من بيت ابوها معززة مكرمة عشان تنطق كل هالطق وتنهان كل هالاهانة
انت بشر انسانة يا اختي ما انتي بحيوان الله يعزك


الله يعينك
قصتك كلها كوم .. وتفكيرك تتصلين عليه عشان يرجعك كوم ثاني

 

[أحبه ولكن]

تـــدرين احبه ولكن كلامك عيــــــــن العقل بس مع زوجهاا مايستاهل

تقولك بشهر العسل ضربهااا في رجال يسويهاا اكيد هووو ماحس بقيمتها لو سوت له كذآ بيزيد وبيشوف نفسه وبحس انها ضعيفه






تسلمين يالغاليه ..ملاك الاحاسيس ,,
آنـا قلت لهآ هآلكلآم لآنــي حسيـت انـهآ تبغى ترجع لزوجهآ وماتبغــى تبعد طفلهآ عن آبـوه ,,
فبينت لهآ كيف تكووون اذا رجعت له ,,
وهي كمــآن ذكرت ان زوجهاآ ضربهآ لما ردت عليـه وسبته ورفعت صوتهآ عليه فمااستحمل <<انا ماابرر له فعلته بس حبيت ابين لها انها لو ماردت وطنشته كآن ممكن ماآضربها ,,
وكمان قالت انهآ شاكه ان ابـوه هو اللي يحرضـه ,,<<يعني هي كمـآن تقدر تعجن فيه على كيفهآ ,,بس يبي لها شوية حكمه ,وصبر ,,
آنـا بس قلت لهاآآ وجهة نظري ,,وهي براحتها تختاآر اللي تحسه يناسبها واللي تقتنع فيه ,,
يعطيك العافيــه حبيبتي ,,
ولصاحبــة الموضوع الله يكتب لك اللي فيــه الخيــره ياآرب ,,

 

[لاتهددني]

تـــدرين احبه ولكن كلامك عيــــــــن العقل بس مع زوجهاا مايستاهل

تقولك بشهر العسل ضربهااا في رجال يسويهاا اكيد هووو ماحس بقيمتها لو سوت له كذآ بيزيد وبيشوف نفسه وبحس انها ضعيفه






تسلمين يالغاليه ..ملاك الاحاسيس ,,
آنـا قلت لهآ هآلكلآم لآنــي حسيـت انـهآ تبغى ترجع لزوجهآ وماتبغــى تبعد طفلهآ عن آبـوه ,,
فبينت لهآ كيف تكووون اذا رجعت له ,,
وهي كمــآن ذكرت ان زوجهاآ ضربهآ لما ردت عليـه وسبته ورفعت صوتهآ عليه فمااستحمل <<انا ماابرر له فعلته بس حبيت ابين لها انها لو ماردت وطنشته كآن ممكن ماآضربها ,,
وكمان قالت انهآ شاكه ان ابـوه هو اللي يحرضـه ,,<<يعني هي كمـآن تقدر تعجن فيه على كيفهآ ,,بس يبي لها شوية حكمه ,وصبر ,,
آنـا بس قلت لهاآآ وجهة نظري ,,وهي براحتها تختاآر اللي تحسه يناسبها واللي تقتنع فيه ,,
يعطيك العافيــه حبيبتي ,,
ولصاحبــة الموضوع الله يكتب لك اللي فيــه الخيــره ياآرب ,,

انا معااااك
والله يسهل لك حبيبتي

 

[مترفة الاوجاع]

أنا من راي يابعد روحي عندك حلين - اذا تفكرين ترجعين لازم تحطي حدود لهذه المسالة جيبي احد من اهلك واحد من اهله كبار وحطي شروطك انه مايغلط عليك او يمد ايدينه عليك ولايحرمك من جوالك لانه ضرورة
ويمكن باي لحظة تتعبي وتحتاجيه وقتها وش بتسوين تنتظرينه لين يجي يفتح الخزنه
حطي حدوووووود لكل شي اذا وافق ارجعي واذا ماوافق لاترجعي ولد واحد ولا 3 او 4 وقتها بتندمي اكثر
وغير كذا لاتدقين عليه خليه هو يدق لو دقيتي وقتها بيشوف اللي سواه صح اختي الغالية تصرفي بحكمة ورجاحة عقل بعيد عن العواطف لازم تفكري توقفيه عند حده لان اللي سواااه غلط انا والله اعرف وحده زوجها كان يضربها وتسكت كل مرة وتسامحه الى مرة ضربها وانشلت بعدها قالها انقلعي من بيتي اهلها مايبغوها وزوجها السبب رماها وعندها اطفال ممكن تتحملي السي الاهانات الا الضرب لانه بيجي يوم يمكن تخسري نفسك من بينفعك توكلي على الله وصلي وقومي الليل واكثري من الدعاء وادعي كل لحظة والله ييسر لك اللي فيه الخير لك والصلاح انه على ذلك قدير

 

[ذبحني التفكير]

أختي الله يعينك ويفرج همك

نصيحتي لاترجعين
وإذا قصدك طفلك أنتِ برجعتك راح تضرين طفلك
لان مثلما مد يده عليك
راح يمدها على طفلك
اعرفي أن عدم رجعتك له يعني حماية لطفلك ولكِ
من كلامك واضح ان هالشخص مريض ويحتاج يتعالج
وانتِ تعرضتي لعنف واستغرب ليش ماشتكيتِ
هاللي صار جريمه وعليها عقوبه


ليش يابنات تسكتون على العنف
اي وحده تتعرض للعنف لازم تشتكي هالمشكله متفشيه في مجتمعنا وسكوتكم راح يخليها تنتشر اكثر واكثر
انتم بسلبيتكم ورضوخكم راح تضرون اطفالكم وتخلونهم يتربون في بيئه مشحونه بالعقد والعنف والمشاكل النفسيه
​

 

[انا اغليك]

والله يالغاليه انا حاسه فيك لان كثير من تصرفات زوجك شفتها بزوجي

لنل جلست معه سنه ونص كان لمده تسع شهور عسل بعدين تغير قام يسب ويشتم ويلعن تربيتي وتربيه اهلي ويلعن البيت اللي طلعت منه

صبرت قلت كل رجال اذا زعل على زوجته يحاول يثيرها باهلها صبرت شاف اسلوب بذائه اللسان مانفع معي

قام يجرمن ياخذ جوالي وتلفون البيت النت لابتوبي رموت التلفزيون كتاب اقراء فيه
بديت اتهاوش معه واني زوجتك مو جاريه عندك او اصغر اخوانك تعاقبن وتحرمن

بصراحه ماصبرت تمادى صار حتى يقفل علي الشقه ويروح عند امه باليومين والثلاثه وانا لحالي والله لو اموت او احترق محد دري عن

غير الاسلوب بدا يقولي انتي مو حلمي انتي مو طموحي انتي مو املي انتي ولا شي

مع اني والله العظيم قايمه بكل احتياجاته وماقصرت معه بشي شكيت لاهلي قالو اصبري لي جت الطامه مره زعل علي ليش مااروح اجلس عند اخته ببيت اهله مع اني كنت معزومه لما رفضت قام وسحبني وضربني ضرب عاد هنا ماقدرت اتحمل لما طلع زهمت على ابوي وجاء ياخذن مع العم اني كنت قاصه على مفتاح الشقه وهو مايدري

وحلفت ماارجعله وكرهته كره عظيم
جاء وحاول يرضين بس انا خلاص مليت منه ومن الحياة معه ومن اسلوب تعامله معي

والحين ان عند اهلي مطلقه وعمري23 بس مع هذا محتفضه بكرامتي اللي اهانه بما فيه لكفايه

وترى يالغاليه الزواج متعه ووناسه وانتي اذا كنتي مو مستمتعه فيه فتراه مو لازم

هذا رئيي واسفه اذا طولت عليك بس حبيت اهون عليك وانك مو لحالك اللي تعانين

 

[ماينلام من حبك]

ياروحي اكيد البيبي مالو الا انتي وابوه بس انا اخاف يذبحك من الضرب
والا يسببلك عاهه مستديمه لان شكل الي فيه مرض نفسي بس انتبهي على نفسك
ياحلوه مافي اغلى من نفسك عليك والله يصبرك يارب