انا لئيمه و عاااااااااااااااااااااااااقه

[بنت العاصمه..]

مشكلتي إني كثيرة الاخطاء وعصبيه حيل واكثر شي على امي
وبعدها خواتي
وجارتي وصديقتي المقربه
الثنتين الاخيرات بسرعه اعتذر لهن اما امي وخواتي مستحيل مدري ليه يعني اذكر مره زعلت منها احرجتني انهتني عن الحش بكل غلاظه وقدام اهلي كلهم مع انه دايم نحش
وكنت توي جايه من سفر (تعاملني بس انا كذا يمكن لاني مو موفقه متل خوااااتي حيل)
وبعدها رحت مع زوجي مع انه استغرب عساس طالبته انام بعد ماغبت عنهم شهر انا مو بنفس مدينتهم
وبعدها بيومين قلت له نبي نروح لبيتنا (عدلي بدلي مافيه نروح يعني نروح )
ورحنا انا كل هدفي اني ماامر امي واسلم حتي يوم قال روحي ودعي امك رحت بس تخبيت تحت درج اهلي نص ساعه ودقيت عليه ياخذني وسافرنا وانا مررره مبسوطه واتتصل امي علي جوالي مغلق
(دايمن اندم عالي اسويه بس اعتذار ما اقدر )
انا من زمان ماحب حد يحرجني بالذات قدام احد يعني كنت اسوي شغلات بامي حسيت بخطورتها يوم كبرت كنت اوهقهااااااااااا كتير وما انسى اذا هاوشتني يعني مره كان عندنا عشا كانت توها طاحنه القهوه اروح احط فيها نعنع مطحون( امي مره بدلت بين ترامس القهوه والشاي وابوي فضحها فضيحه من هنا جتني الفكره وكبرت معي الحركه )
ياااااااه لو تعرفوني ماتصدقون اللي اسويه
يعني انا موظفه ومرتاحه مع زوجي بس انتقامي خبيث وباضيق وقت افشل اللي يضاقني



مره حطيت بعلبه البكنج بودر سكر مطحون مع ملح مطحون وفرغت العلبه وحطيتها فيها (كنت بثالث ثانوي)
وكل ماتسوي كيكه تطلع خبزه


مره اختي هاوشتني وكانت تعبانه بالتحضير كانت تطبق واول ماانا قعدت الصبح شقيت كل اللي حضرته بيوم الجمعه جت وجها اسود واتهمت وحدة من خوياتها (والى الآن تدعي ع خويتها لانها تقول متاكدة انها هي لما ادافع عن صديقتها )(كنت بثاني جامعه)





مره ابوي صفعني كف وكل مفتاح له حق سياره مكتب اقطه واسحب عليه السيفون عشان لو ينفجر ماارجعه وطبعا دايم يتهم الشغاله(كنت مخطوبه طبعا صفعني عشان ماكنت ابتزوج ولد عمي المغزلجي
بس قلتله يغازل قاال ليه غازلك وهاتك ياطراق )
بس لحد اللحين متاثرة من الطراق ليت يدة انكسرت (انا مبسوطه ان ماحد يعرفني اشتركت بس عشان افضفض لاني انهبلت)


وطبعا عمتي ام زوجي ياكثر مااورطها دايم تزعلني بس ما ارد(ماتدري ارد بطريقه ثانيه
انعزمو علا عشا وانا رحت اخر وحده وقبل مااطلع كبيت قاروره ماي صحه مفتوحه مليانه كاز بالبركه )
اتهمو جيرانا


انا ادري اني مذنبه بس شلون اقلع عن هالحركات لاني احس بالذنب

انا مشتركه باسم تاني ومره عاجبتكم ياااااااااااااااااااااااااااااااااه لو اهلي يدرون ينصدموووووووووون خصوصي فيه شغلات مانسوها لحد اللحين

تصدقون اني ارفض الشغالات اخاف تجيني وحدة مثلي لان الوحديات اللي ماقدر انتقم منهن هن الشغالات
انا مره مرموقه وشخصيه عند صديقاتي (فيني صفه اني احب اقلد شي يعجبني
بس اذا احد قلدني ماحب فتلقوني ع طول اقطه بكل نرفزه بالزباااله حت لو كان غالي )

اقولكم حركتي مع جارتي لانها حشتبي عند وحده كلام كله كذب
راحو لاهلم اربعا خميس جمعه انا اش سويت طفيت الكهربا ما شغلته غير الجمعه الصبح
جت المسكينه تعبانه من السفر إلا التلاجه المعفنه بانتظارها ومايدرون ليومكم هذا ان الكهرب طفا لانهم سالو زوجي قالهم لا والتلاجه ع طول طفوها ودوها للتصليح(والكهربائي النذل قالهم محترقه ومابه فيريون دفعهم 300عالفاضي )
آآآآآآآآآآآآآآآآآآآآآآآآآآآآآآآآآآآآآآآآآآآآآآآه يا فشلتي لو تدري
وديمن اخليها تحللني اذا سافرت انا اخاف ربي بس مدري ليه اسوي كذا



ابي حل

 

[غرور الورود]

الحمدلله إنك مانتي اختي
بس اتوقع حالتك إنتي مغروره بفعل الآخرين او احد مدلعك
بس والله الي راح فيها ابوك الله يعينه
بس كذ انتي ظلمتي ناس والساكت عن الحق........؟......اخرس
اكملي الفراغ

 

[دموع الليـل]

حسبي الله عليك ونعم الوكيل

الله لا يوفقك

انا هالحين عرفتك شخصيا من انتي

وتذكرت كل سواياك

 

[سالفه عمري]

انا اتوقع من حركاتك انك مريضه نفسيه عندك مرض الا نتقام الحمدالله اني ماعرفك الله يعينك على نفسك ويعين اهلك وجيرانك عليك ياختي انتي وش تحسينبه قاز مره وحده بتحرقينهم مجنونه انتي حاولي كل ماجات فكره انك تنتقمين منه تستغفرين او تقومين تصلين ركعتين وادعي الله انه ينزع منك الكره ولانتقام ويمنحك الحب والتسامح الله يهديك بس

 

[بلقيسه صغيره]

حبيبتي
ترا مافيها شي لو رحتي عياده نفسيه
كلنا نخطي
بس الخطاء الكبير الاستمرار فيه
اعترافك بعيوبك هذا اول خطوه للحل
راجعي دكتور نفسي
وصححي عيوبك
هذا هو النجاح
الله يهدي سرك

 

[السدم]

اكثري من الاستغفار والصدقه واتمنى تزوري طبيب نفسي لان معرفة المرض نصف الحل
دعواتي لك بالشفاء

 

[ملكه الجليد]

حسبي الله عليك ونعم الوكيل

الله لا يوفقك

انا هالحين عرفتك شخصيا من انتي

وتذكرت كل سواياك

انت من صدقك تعرفيها؟


اما صاحبه الموضوع انت مريضه
عالجي نفسك روحي عند دكتور نفسي
لا حول ولا قوة الا بالله
كل هذا تسويه في الناس والله انهم
ما يحللوكي لانه هم لسه زعلانيين من الي عمل المقالب وانت عارفه من اقصد

 

[سرآب الضامي]

حبيبتي شوفي انت وحده من ثنتين مافي ثالث

1- ان كل هذا القصص من راسك يعني تضحكين علينا

2 انك صادقه بكل الى قلتيه لكن حبيتي انا بعد ماقريت كل قصتك وعدتها اكثر من مرة تري مو عيب اذا رحتي لطبيب نفسي تري الطب النفسي تطور كثير وان شاء الله راح تتحسن حالتك مع العالج


اخواتي لاتقسون عليها تري قريت كثير ان في حالات مرضيه نفسيه
مثل حالة اختنا الغاليه لا بعد في ازود من كذا فاي وحده منك ياتقول خير واتسكت لان ماتضمنيين لو قسيتو عليها ان ربي يبتليكم بنفس المرض النفسي الى هي تعاني منه هذا اتوقع انه انفصام بالشخصية صدقوني اقسم بالله ان اتكلم جد واي وحده مو مصدقه في مواقع متخصصه بالطب النفسي بس اطبعوا موضوع الاخت الغاليه (بنت العاصمه )
وارسلوه للمواقع المتخصصه راح تشفون تشخيص الاطباء لها

لكن اختي اوصيك بانك تخاولين تخليين اطفالك يروحون كثير عند جدانهم سوا جدانهم من طرف ابوهم او بيت امك وياليت يجلسون باليوم واليومين علشان مايتاثرون بحالتك



اسائل الله العظيم رب العرش العظيم انه يشفيك

وان شاء الله ان ربي مايحاسبك على اعمالك لانك مريضه



دمت بسعاده

​

 

[الدنيا دنيئة]

الله يسامحك اناعندي اخواني2 نذاله على كيفك الله يخليهم لنابس ماوصلو في يوم نص نذالتك وبصراحه احس فيه نوع من المبالغه

 

[الرمانه5]

الله يعينك على نفسك ويعين اللي حواليك
سؤال بس ..زوجك تضرر منك ؟؟
سؤال 2.. وش الغلط بتربيتك عشان نتجنبه ؟ اهللك دلوعك بزياده او ضغطو عليك بزياده؟؟

 

[رقة ورد]

اعوذ بالله ..

يبدو انك في لاحظات سعيده من تلك التصرفات الشيطانيه لاكن اقولك

نصيحه انتى فعلاً حاله غريربه وحاله لابد لها من علاج ,

لا تتهاونى في الامر , هناك من اذيتيهم وربما تستمرين في الايذاء

والحمد لله ان زوجك لم يتعرض لتلك الحماقات !!

وخافى الله كم من شخص اذيتيهم

(ذكرتيهم هنا وما خفى كان اعظم)

اللهم اشفها وساعدها على تكفير خطيها قبل فوات الاوان

 

[الدنيا دنيئة]

الله يهديك ويسامحك بس احس فيه نوع من المبالغه

 

[عساني فداكم]

الله يصلح حالك حبيبتي
امك ياعسل امك ياغاليه امك ياشطوره
بدوووون تفكير اعتذري لها وبوسي رجوووولها بعد الجنه تحت اقدام الامهات
الله يهديك

 

[نعومه كول]

اذا انتي صادقه باللي كتبتيه
انتي مريضه ولازم تتعالجين لانك اولا واخيرا انتي اللي تتعبين من تصرفاتك هذه

 

[فرورلة]

*
*
بصراحة انت الحين ندمانة ولا تتباهين ؟؟؟

اما انه توصل مقالبك لدرجة انك تسويها حتى في امك واختك>>حااااااااالتك صعبة

 

[نعومه كول]

حسبي الله عليك ونعم الوكيل

الله لا يوفقك

انا هالحين عرفتك شخصيا من انتي

وتذكرت كل سواياك

اذا من صدقك تعرفينها اختي ادعي ربي يسامحها ويهديها هي مريضه عسى ربي يشفيها من جد مايبي لها تدعون عليها
ماقالت لكم مبسوطه من تصرفاتها قالت لكم تعبانه ارحموها:18:

 

[حبيبت رشيد1]

الله يشفيك ويعافيك يااااااااااارب

 

[شوقي]

الجنه تحت اقدام الامهات
الله يشفيك

 

[سنية وافتخر]

مااقول الا الله يهديك

 

[عذبهم شموخي]

اتقوا الله وقولوا خيرا او اصمتوا نحنا بقسم الاستشارات نرد على صاحبة المشكله باسلوب راقي ومحترم بغض النظر اذا كانت صادقه اولا لانها ستحاسب اذا كانت صادقه او تتسلى ولا تدعوا على المسلمين هي اختنا في الله اسال الله الكريم ان يهديكي ويردك لطريق الحق