ضرتي سوت بقعه في رقبة زوجي

[كوثر75]

السلام عليكم اخواتي

:schmoll: توني باصير شوي زينه وشفت البقعه في رقبة زوجي وتعبت نفسيا

باموت من القهر حتى جسمي يرجف

بس انا احاول اكون قوية شسوي والله صعب


دعواتكم اخواتي محتاجه لكم:sad_1:

 

[lmis]

الله يربط علي قلبك ويفرج همي وهمك

 

[حمامة بيتها]

الله يريح بالك وانتي سوي نفسك ما شفتها وسوي ثانيه وثالثه في اماكن داخل جسمه يعي قريب من ............. عرفتي

 

[دمعة المظلوم]

يمكن سوتهاا بدووون قصد انهااااا تغيررك او شي
انتي اخذي الامووور بروواقه وبحسن النية لا تكونين حساسة احيانا الموواقف تكوون صعبه بس انتي مشيهااا عشااان حياااتك انتي

 

[الأمل المفقووود]

عبي جسمو علامااا واقهريها

 

[كوثر75]

والقهرني انه عادي عنده يعني مقصد اشوفها

بس حرام ليش يسوون فيني كده



بس يقدر يمنعها لو عشان خاطري

صدق الدنيا ماتسوى

ولكن كسر القلوب شي صعب

الى متى اتحمل؟

ردودكم تهديني شكرا لكم

بس والله قهر

 

[nono115]

سوي مثل ما سوت واقهريها

 

[كافي يازمن]

اختي كوثر

الامر سهل للغاية

وش يصير عاد لو حطت علامه او ماحطت

هو نفسه ماهو متغير

ولا تخلين اي شي يكدر حياتك

حتى انتي اذا جا انبسطي معاه

وعيشي حياتك

وانسي ان عنك ضرة

وتجاهليها

وصدقيني لو اجبرتي نفسك

انك تتجاهلين الشي اللي مايرضيك

راح تصير عنك عادة ولا تتأثرين

بسهوله

اما اذا جلستي تحترقين بالطالعة والنازله

راح تفسدين حياتك

وبالاخير انتي الخسرانه

خوذي هالنصيحة من اخت وان شاء الله بتدعين لي

 

[fofo***]

الله يعينك ويربط على قلبك
اصبري فأن الدنيا ماتسوى تراها ممرفقط
والسعادة الحقيقيه في الجنه
واحمدي الله ان مصيبتك لم تكن في دينك

 

[آية الجمال]

هلا كوثر
بدخل ع الموضوع ع ع طووووول
ليش انتي فسرتيها انهم يبون يقهرووونج
عسى ان تكرهو شي وهو خيرا لكم
يمكن ربنا يريد يكشف لج انه ضرتك تبدع مع زوجك ف الجنس وغيره وحركات ودلع وتعرفين ضرتج ع حقيقتها واهتمامها ولو انه بالحلال

عشان انتي تصيرين احسن وافضل وتهتمين اكثر واكثر
نصيحتي لج خليييج كووول واجذبي زوجج وبدعي ف حركاتج ودلعج وغنج عشان يموووت ف دباديبك
عسى الله يوفقج يا عمري

 

[بطة الوادي]

الله يعينك اصبري فأن الدنيا ماتسوى

 

[ام حنونه جدا]

حبيبتي طالما ان ليكي ضره يبقي لازم تتوقعي اي حركه سواء بقصد او بدون قصد فكري فينفسك وفي زوجكسوالانك لو تعبتي نفسيا هاتتأثري وعلاقتك بزوجك تتأثر وهي تكسب نقط علي حسابك ابدعي ذيها واتدلعي وتفنني مع زوجك واقرأي واعرفي الجديد وطبعا كله في الحلال واوعي تتركيه صيد سهل ليها والله الموفق وانوي امام الله في سرك كسب رضا وحب زوجك الله يعينك

 

[ابي السعاده]

لا تعبي نفسك فكري وشلون تسعديه باالشي هذا بذكااااء مو تعبي نفسك وتجيبي الهم والغم لنفسك

 

[همسة حزينة]

ريحي قلبك وهدي اعصااابك وصيري احسن افكارك منها

وكأنك ولا شفتي شي .. اعملي على مرضاة الله ثم مرضاة زوجك ولا تفكري فيها ابد والله يربط على قلبك

 

[كوثر75]

مادري احس انه مشاعري اتجاه زوجي بدات تتغير اخاف افقد حبي له

ساعات افكر اتنازل عنه لها والله صعب

حتى حبي له كل ماله يضعف

حتى انه مايهمني ولاتهمني راحته مثل قبل كل شي تغير فيني

احس اني صرت جشعه معاه اهتم في لفلوس من عنده وافكر دايما في راحتي في كل شي

عكس الاول كنت اقصر على نفسي في كل شي

كنت افضله على نفسي وعيالي والحين اشجع اولادي ياخذوا من عنده فلوس

كنت طيبه والحين تغيرت مايهمني هو تهمني نفسي واولادي

الحين اذا كنا في مجمع تسوق او سوبرماركت اشتري بجنون حتى اني مااشوف الاسعار عكس قبل احاسب لكل شي

ولكني قبل كنت مرتاحه اكثر بطيبتي وقناعتي

ياربي فرج لي والهمني الصبر والسلوان

يالله اربط على قلبي وقلوب اخواتي جميعا

 

[الركبان]

والله الرجال صعب الوصل لإرضائهم بس الله يعينا يالحريم عليهم ويعينهم علينا

 

[Wise Woman]

ياحبيبتي والله ماالومك بس اصبري ولك الأجر

الله يصلح لك اولادك ويبعد عنك النكد والهم

 

[سعدية الحورية]

بصراحة حركت ضرتك حركة سخيفة وزوجك المفروض ينبهها لكن هذا اذا دل على شي فهذا يدل على انها تحس بنقص وغيرانة منك فتبغى تقهرك باي طريقة انتي طنشي وكانك ماشفتي شي وخلك على طبيعتك ولا تحملي نفسك فوق طاقتها الزم ما عليك صحتك وخلي عنك الزعل والنرفزة تراها تقصر العمر

 

[قطـــــريه]

اختي شوفي الجانب الزين من الموضوع وهو ان زوجج يتقصد تشوفينها وهاي معناته شي واحد وأكيد " انج مهمه وشي مهم في حياته ومهمه " ولا تظنين شي ثاني .. ريلج يوصل لج رسالة ابيج تسوين لي كذا .. أبيج تحسسيني ربغبتج فيني .. ولا تسوين مثلها لانج بتطلعين تقلدينها .. خلج جريئة معاه وممكن تسوينها بس مو الحين سويها فيه عقب شهر مثلا ..

 

[vdhq]

مادري احس انه مشاعري اتجاه زوجي بدات تتغير اخاف افقد حبي له

ساعات افكر اتنازل عنه لها والله صعب

حتى حبي له كل ماله يضعف

حتى انه مايهمني ولاتهمني راحته مثل قبل كل شي تغير فيني

احس اني صرت جشعه معاه اهتم في لفلوس من عنده وافكر دايما في راحتي في كل شي

عكس الاول كنت اقصر على نفسي في كل شي

كنت افضله على نفسي وعيالي والحين اشجع اولادي ياخذوا من عنده فلوس

كنت طيبه والحين تغيرت مايهمني هو تهمني نفسي واولادي

الحين اذا كنا في مجمع تسوق او سوبرماركت اشتري بجنون حتى اني مااشوف الاسعار عكس قبل احاسب لكل شي

ولكني قبل كنت مرتاحه اكثر بطيبتي وقناعتي

ياربي فرج لي والهمني الصبر والسلوان

يالله اربط على قلبي وقلوب اخواتي جميعا

هذا اللي المفروض يصير

متعي نفسك واولادك ولاتخلين على نفسك قاصر

وخلي القناعة اللي مافادتك بشئ