خلاص احس اني بموووت بموووت ضاقت فيني الوسيعة -شوروا على الله يفرج هم من تدخل وترد على

[ANWAR-ALREEM]

هلا خواااتي
ودي استشيركم بمشكلتي- وانا وزوجي متزوجين من زمان بس احس انا مو متفاهمين-زوجي ما يحب انه يتقرب لي - بس- ما عمرنا طلعنا مع بعض كل ما اقوله يقول ما احب اطلع ولا احب المطاعم - والله واذا صارت وطلعنا لازم يردني البيت وانا ابجي - دايما يصرخ احس اني مو عاجبته -واصلا ما اشوفة يا على اللابتوب او في الدوام او الديوانية- قبل شهر طاح في الشات - وقالتلي رفيجتي ادخلى عليه بنك بنت
وسويتها والله كانت صدمة عمري - اول مره بحياتي اسمع زوجي يسولف من قلب ويضحك ويشبك مع البنات دخلت عليه اكثر من نك وكل مره كان يعطيني رقم جوااااله -ويقول زوجتي معفنه وخايسة وانا مطلقها وانه عنده شقة-وعرض على مبلغ كبير عشان اروح معاه-وا لله احس اني مت - نسى جواله ذاك اليووووووم وانصدمت ارقام بنات وكان يدق عليهم بالليل ويقعد معاهم بالساعات يسولف -تخيلو - وانا اقولع بخاطري اسولف معاك يقولي انتى واشكالك اسولف معاك روحي بس-شرايكم ابلغه عن الارقام ولا لا- صج وصارله شهر يحن على يقولي ابي معاشج عشان أثث الشقة واذا ما تبين اقعدي على البلاط وكيفك -
شسوي احس الدنيا ضايقة فيه - شرايكم ابلغة - نسيت اقولكم دايما هوشاتنا على معاشي مع انى معاش الخدامة على مع السايق ويبي من فلوسي مع ان معاشة دبل معاشي -

 

[دمعة الغيمه]

ول وعلى ايش صابره واجهيه بكل شي وخلي يسوي مابداله لو اتطلق من وراي يتضحك مع بنات
ويغازل ويسبني الله لايرده انتي اشرف منه ومن بنات الشات اللي حوله ويعطيهم رقم الجوال ويواعدهم بشقه يروحون فيها مقابل مبلغ مالي.......

انا لو منك اروح بيت اهلي ولاحسوفه عليه

 

[om tooti]

حبيبتي هدي فسك اا مريت باللي مريتي فيه كا زوجي كذا شات وبنات وانصدمت فيه اكثر من مره ..
انتي بيدك راح تغيريه عن النت والشات والبنات اتفاهمي معاه بكل هدووووووووء بس انتبهي تقولين له انك فتحتي جواله انتبهي لانه راح يقلب الموضوع عليك ويسويك انتي الغلطانه لانك تدخلتي بجواله وفتشتي وراح ينسى الموضوع الاساسي سويها كانك حاسه انه فيه شي هو يسويه وهوا غلط وانو مو مهتم فيكي وانو وانو وانتي عاد بشطارتك تعرفي كيف تتكلمين مع زوجك اكيد..
وانتي غلطانه ياعمري ليه الشغاله والسواق عليك ليه الوضع منقلب عندك المفروض كلهم عليه والا واحد عليك وواحد عليه مدام كلكم موظفين يعني لامانع من التعاون وانتبهي حبيبتي على راتبك وفلوسك ترى اللي اعطوا ازواجهم رواتبهم مافيهم وحده ماندمت ..مدام هو يشتغل وله راتب المفروض مايااخذ من راتبك ولاتعطيه ابد صدقيني راح تندمي مثل اللي ندموا قبلك ...تفاهمي مع زوجك على سالفة النت والبنات وصارحيه انك انتي اولى فيه انتي وبيته وعياله احق من الشات والنت لكم عليه حقوق وواجبات لازم يقوم فيها ومن هالكلام والله يسخره لك اختي هذا اللي فبالي الحين وربي يصبرك ويساعدك اكثري من الصلاة والدعاء والاستغفااااااااااااااااااااااااااااااااار ترى يغير اشياء واجد ..

 

[بقلاوة]

الارقام لا يعرف عنها اي شئ لانوموفي مصلحتك خليه براحته كانك متعرفي عنه واذاحبيتي تواجهيه واجهيه بادله قويه اما معاشك من حقك انتي والجائي الى الله وحده واكثري الدعاء والاستغفار والله يفرجها عليك ويسخره لك

 

[nany2009]

الله يفرج كربك استخير ربك
وربنا يقدملك الخير لانه لو مش هيتصلح مفيش فايده منه يعني وصلت انه يقابل كمان بشقه
الله يهدي

 

[أم آرام]

لا تعطيه ابدا ما يستحي ع وجهه
لو في مجال وكشفتيه وين يلتقي مع البنات في الشقة انا لو مكانك وعشني شريرة كثير بكل براءة ببلغ عليه خليه يرجع وراسه الارض

 

[ام شوكلاته]

واجهيه وبكل ثقه

 

[fارجواااانه]

الله يعينك ويصبرك اذا ماعندك عيال استخيري واطلبي الطلاق

 

[سنيورة دلع]

حبيبتي الله يعينك عليه
واسمحيلي اقوللك انو انتي كمان مساهمة في المشكلة ليش لانو لازم تعرفي في الاول شخصية زوجك حتي تعرفي كيف تتعاملي معه لانو في رجال تتنازلين له يعطيك عيونو ويحبك موت ويحس انك مفضلة عليه وفيه اذا تنازلت له يدوس عليها وينكرها
اولا اتكلي علي وتيقني انك مادمت علي الحق فإن الله معك وعليك بالدعاء والاستغفار مع اليقين بالإستجابه
ثانيا ابحثي عن انماط الشخصيات في منتدانا الغالي لكي تعرفي شخصيتك وشخصية زوجط حتي تعرفي كيف تتعاملي معه
ثالثا ابحثي كذالك في منتدانا الغالي عن قصص لاستاذتنا الغالية ناعمة الهاشمي مع عميلاتها وكيف عالجت مشاكلهم مثل قصة ام الوليد والكثير واتمني اخواتي ان يضعوا لكي روابط هذه المواضيع لانني للاسف مابعرف
واهم نصيحة مني لكي كأخت ان تتذكري دائما اننا في الدنيا كعابري سبيل وان الله ما خلقنا الا لعبادته
فعيشي أوخيتي وأعملي على اخرتك فالفوز ليس في الدنيا بل الفوز في الاخرة إما بجنة أو بنار
أسأل الله الكريم رب العرش العظيم أن يفرج همك وهم كل المسلمات

 

[يالله يالله]

الله يفرج همك ادعي ربك هو القادر عليه

 

[ANWAR-ALREEM]

حبيبتي هدي فسك اا مريت باللي مريتي فيه كا زوجي كذا شات وبنات وانصدمت فيه اكثر من مره ..
انتي بيدك راح تغيريه عن النت والشات والبنات اتفاهمي معاه بكل هدووووووووء بس انتبهي تقولين له انك فتحتي جواله انتبهي لانه راح يقلب الموضوع عليك ويسويك انتي الغلطانه لانك تدخلتي بجواله وفتشتي وراح ينسى الموضوع الاساسي سويها كانك حاسه انه فيه شي هو يسويه وهوا غلط وانو مو مهتم فيكي وانو وانو وانتي عاد بشطارتك تعرفي كيف تتكلمين مع زوجك اكيد..
وانتي غلطانه ياعمري ليه الشغاله والسواق عليك ليه الوضع منقلب عندك المفروض كلهم عليه والا واحد عليك وواحد عليه مدام كلكم موظفين يعني لامانع من التعاون وانتبهي حبيبتي على راتبك وفلوسك ترى اللي اعطوا ازواجهم رواتبهم مافيهم وحده ماندمت ..مدام هو يشتغل وله راتب المفروض مايااخذ من راتبك ولاتعطيه ابد صدقيني راح تندمي مثل اللي ندموا قبلك ...تفاهمي مع زوجك على سالفة النت والبنات وصارحيه انك انتي اولى فيه انتي وبيته وعياله احق من الشات والنت لكم عليه حقوق وواجبات لازم يقوم فيها ومن هالكلام والله يسخره لك اختي هذا اللي فبالي الحين وربي يصبرك ويساعدك اكثري من الصلاة والدعاء والاستغفااااااااااااااااااااااااااااااااار ترى يغير اشياء واجد ..

الله يفرج همك - بس شسوي بالضبط - احس انه ما يحبني كرهته خلاص-


ومشكورين بنات على الردود

 

[Ms Uae]

الله يفرج همج وييسر أمورج ويهديلج زوجج

ويوفقكم دنيا واخرة

اختي الغالية..

انا ما عندي خبرة .. وما ادري شو المفروض تسوينه..

بس انج تسكتين عن حقج ف هذا لا و مستحييل
(( دايما خليكي واثقة من نفسج ولا تحسسينه انج ضعيفة))

تغيري وتعدلي..سوي كل هذا عشان نفسج..
وخليه يعرف منو المعفنة والخايسة

انتي مب رخيصة عشان جيه يقولج
(طبعا هو يبالغ عشان يجذب البنات)

ثاني شي..
انتي ليش تشتغلين.. عشان نفسك.. والمعاش حقك..
بكل ثقة قوليله..

انا اللي اتعب واشتغل..
والمعاش اللي بيني اخر الشهر حقي..
كل الناس حريمهم يشتغلون ما ياخذون فلس منهم..
ف معاش الشغالة والسايق مسؤولية الريااااال مش أنا ..

واذا ناوي تأثث .. هذا بيتك مثل ما هو بيتي..واذا تبغيني اساعد
راح اساهم باللي اقدر عليه..

واذا عندك راتب.. حافظي على تعبك وشقاج ..جمعي لج فلسين حق الايام الياية...

والله يوفقج يا رب ويسعدج ويسهل أمورج كلها

 

[norahmed]

انا مع كلام ms uae


كلامها مضبوط ويدخل الراس

معاشج من حقج والمفروض هو يصرف عليج بعد

انتي اهتمي بنفسك وانسيه وخليه يسولف مع من يحب كل ما انتي وثقتي بنفسك واهتميتي فيها كل ما انجذب


لك هو... المهم انه يكون في بالك انتي اول شي والباقي ـخليه للبلاط وبتشوفي ويارب تمشي هياتك حلوه يارب

 

[ياعاشقه الورد]

يارب يفرجها عليك وعلينا وعلي كل وحده انظلمت من زوجها يارب

 

[قصه الم]

انا اتوقع ان قلبك يعورك يوم تقرين
ردود البنات لي تقول مايستحي ولي تسب فيه اكيد صح
تحملي الخدامه والسواق مي مشكله
ليه قبل ماتفكرين في البنات وغيره
ليه ماتقولي انا وش مقصره فيه
اجلسي مع نفسك جلسه مصارحه
وبعدين اجلسي مع زوجك جلسات مصارحه
ويستحيل انه على طول يتغير يبلك تصبرين وتصبرين
وكثر الدق يفك الحام
وتقبلي مروري

 

[ANWAR-ALREEM]

والله مو مقصرة معاه ومستحمله معاه طول هذي السنين - احلفلكم بالله انه ما عمره قالي كلمة حلوة حتى مشكوورة ولا عمره تغزل - اول كنت احسبه عادي -بس يوم شفت الكلام الحلو والغزل والدلع يوم يكلم رفيجاته مت - حسيت اني مت - يعنى الحرام احلى من الحلال لاهدرجة - مو مقصرة معاه باللبس ولا الاسلوب بس ما نفع معاه كرهته-امس ناقشت معاه اللى تسولف بالتلفون مع الشباب قالي انتى اسلوبج صايرة منحط لانج نزلتي لمستواهم - وطالعنى بنظرة انى مو شي عنده -

 

[الرازجي]

بسم الله

صلى ع النبي يا الغالية

و ذكري الله

داماج معنا بالمنتدى أنتي الأقوى

بس ديري بالج العصبية و النرفزة ما تنفع و تخسرج وايد

أنت طولي بالج على الأخر و كوني كووووووووووووول

و أطبخيه على نار هادئة جدا جدا جدا
​

أولا:​

أنت عرفتي أنه يقول كلام حلو و يعرف يتغزل
بس ما يقولج
يعني عاطفي و حنون

ليش ما يقولج؟؟؟

أهنى السر
مثل ما قلت وحدة من الخوات
لازم
لازم
لازم
تعرفين نمط شخصية زوجج

إقري أكثر بالمنتدى
تثقفي ثقافة عالية عن الحياة الزوجية
و الاهم
مقالات أستاذتنا الكبيرة ناعمة
أقريها كلها

أرجوج

كلها
​

ثانيا:​

لا تزعلين و تكدرين على خاطرج
ثقتج بنفسج ضروري تكون عالية
و نفسيتج خليها عالية متماسكة
و بعد إقري أشياء في الثقة بالنفس
و حب الذات

و معاشج أبد أبد لا يقربه

مثل ما صبرت طول هالسنوات عليه بعيوبة
تستاهلين أنتي تعشين و تتعبين علشان
تعيشين معاه متهنية

القدر و النصيب هو الي جمعكم لحكمة لا يعلمها إلا الله

فحاولي و ثابري
وأستعيني برب العالمين
بالذكر
و الصلاة
والقرآن و خصوصا سورة البقرة
تصدقي يالغالية قد ما تقدرين

و ربي يفرج كربج و يسعدج مع زوجج دنيا و آخرة​

 

[سيدة عالمها]

الله يفرج همك ويصلح شانكم ويالف بين قلوبكم
يااااااااااااااااااارب ياقادر اسعد الغاليه وهون عليها
انا اعاني من هالمشكله انو الراتب يطييييييييييييييير الين جلست عالحديده بس الحق لله عمره ماطلبني ريال بس اناكنت ابغى اعجبه يالله الحمد لله

 

[انا والمجهول]

الله يعينك ويفرج همك
عليك بالدعاء
اللهم اجعله قرة عين لي واجعلني قرة عين له
اللهم اصلح ازوجنا وسخرهم لنا وابعدهم عن كل حرام

 

[ياربي انصرني]

الله يفرج لك يارب ----------------شوفي مشكلة الاخت (دانه بمعانيها) في قسم الزوج والزواج

وكيف قدرت ترجع زوجها الاخت كتبت تجربتها وارادت من ذلك ان تستفيد الاخوات اللاتي يعانون من حرقة نار الخيانه0000