* يوميات رشيقات المستقبل *

[اللب نساك انساه]

منعني اليوم وظلمني وكمبيوتري طاح وانكسر داخله من الاي فون حقيي شكرا انثى ولبى انتم خواتي انا احس بظلم وكبت غير طبيعي والسبب امه

 

[لبى قلبهـْْ]

يآآآعمري ..قلبي معآآك.. تعوذي من ابليس واستغفري ... الله يصبرك ..:كل انسان فينا معرض لهالمواقف الي تعور القلب بس شنسوي .. الدنيا لازم فيها شقا ..يوم حلو يوم مر.. وان شاء الله الايام الجايه أحلى

 

[اود ان اتغير]

الله يصبرك يا اللب ويهدي حماتك شو اقللك الحموات هيك
عاد الله يعينيك مع اني ما بشوف حماتي الا كل سنتين مره ومع انها مسكينه وما بتعمل مشاكل بس ما بكون متطمنه طول وهي موجوده وما بصدق على الله ايمتى هالشهرين يخلصو وترجع لبلدها واولادها و زوجي بينقلب 180 درجة لمن بتكون موجوده وصراحة بضل عأعصالب كل الوقت مع انها عمرها ما عملت مشكله بالعكس هاديه تماما وما بينسمع صوتها ابدا و احس حالي ظالمتها بشعوري هذا لكن ما العمل وعندنا مثل بالفلسطيني بيقول مكتوب عباب الجنه عمر حماه ما حبت كنه عاد شوفي كلنا بنفس المركب وبكرا راح بنصير حموات واكيد كناتنا ما حيحبونا والله اعلم.......زززز

 

[اللب نساك انساه]

انا الله يعيني على الاعتكاف الليله والله بادعي دعاوي مالي غير الله هي استقوت هي وولدها غرتهم الصحه وانو الناس على كيفهم انا ضعيفه مالي لا حول ولا قوه يستقون علي
حسبي الله ونعم الوكيل
حسبي الله ونعم الوكيل
حسبي الله ونعم الوكيل
حسبي الله ونعم الوكيل
حسبي الله ونعم الوكيل
ودوددددده شكرا على احساسك لبو ادعيلي

 

[لبى قلبهـْْ]

اللب ..زين ماتسوين مااشاء الله عليك .الله يعطيك على قد نيتك وان شاء الله ماتصحين الا وكل شي تمام التمام.. مالك الا رب العالمين ..واذا هم قويين الله أقوى .. وانتي مو ضعيفه انتي تتوهمين انك ضعيفه كل انسان فيه طاقه وقوه والشاطر الي يتصرف فيها في الوقت المناسب

الله يريح بالك ويهدي سرك .ويفرجها عليك ياقادر ياكريم
.لاتيأسين ودايما حطي ببالك انو الامور بتصير أحسن وبتصير لصالحك <<سوي لك إيحاء ايجابي
كل انسان منا معرض انه يمر بمواقف ولحظات صعبه في حياته .. الدنيا ابتلاء واختبار.. الله معااك


العمر يمضي مايتوقف وانتي مخيره بين انك تختارين تكملينه بسعاده ولا بتعاسه <<بيدك تختارين لك الأفضل



مره قال لي ابوي جمله ماادري مقوله ماااااااادري ههههههه الى يومك اذا انظلمت اقولهآآ

يآآبخت من ناام مظلوم ولاناام ظالم >>>تهئ تهئ كنت ارددها أيام كنت مظلومه فيها بس الحمدالله الحمدالله الله معاي >>رجعت الماضي خخخخخخخ


يالله مااعندنا بنات يزعلون تعوذي من ابليس وروحي شربي ماي واقري سورة البقرة .. وان شاء الله كل شي آووووووووكي ...وهـ وهـ يآحلوكـ وانتي تبتسميــــن نبي هالابتسامه دوووووم
.. الله يسعدك

 

[اللب نساك انساه]

لبى ياحبيلك دايم ادعي الله يرزقك بمخموم القلب وانسان حنون مويده طويله ولسانه طويل

 

[لبى قلبهـْْ]

يآآآعمري فديتك ..الله يسمع منك <<< شعندهاا هههههههههههه

والله قلبي معآآآك.. ومابعد شده الا رخاء ان شااء الله ... وآجرك عند رب العالمين ..الله يمهل ولايهمل

 

[اللب نساك انساه]

لبى والله اني على سجادتي ومتقبله القبله ومحتره جعلك ماتحسين اللي احسه الله يرزقك بالرجل الصالح اللي يحطك بعيونه ويسهل امور دراستك ويرزقك باللي يفرح ماقصرتي قلبي

 

[لبى قلبهـْْ]

الله يبرد على قلبك ولا يردك خايبه قولي آمييييييين

 

[اللب نساك انساه]

امين يخليلي اياك

 

[lulwa-8]

:icon26: رشيقاتي الغاليات صبحكم الله بالخير :icon26:

وحشتوووووني :icon26::icon26::icon26::icon26::icon26:

شخباركم ان شاء الله محد خبص وكنتم قدها :showoff:

ياااارب نوصل لهدافنا بصحه وعافيه

كنت ماشيه اوكي امس بس فجأه شفت فطيرة زعتر أموت عليها

ماقاومتها كلتها وحسيت انها مشبعه

بالزيت :bleh:ويوم كلتها أنبني ضميري<<<< تو الناس أشعقبه

:busted_red: وخايفه يأثر على الميزان الله يستر

اليوم قعدت وشربت شاي أخضر على الريق وان شاء الله

بعجبكم اليوم :blow:​

 

[lulwa-8]

اللـــــــــــــــــــــــــب مرحبــــــــــــــــــــــــــــا الغاليـــــــــــــــــــــه :icon26:

عسى ماشر يابعد الدنيا الله يفرج عليج

ماأحب أشوف اي وحده فيكم متضايقه بس حبيبتي والله هذي الدنيا يوم حلو ويوم مر على قولت لبى

وصدقيني محد مرتاح بحياته صج انه الشعور بالظلم مؤلم ويعور القلب بس أهم شي الواحد يكون مع

ربه وكل شي يهون أعلمي يقينا ان الله لايرضى بالظلم وعين العقل اللي تسوينه

(( حسبي الله ونعم الوكيل )) (( وأفوض أمري الى الله ان الله بصير بالعباد))

(( اللهم اني مسني الضر وأنت أرحم الرحمين )) (( اللهم انصرني على من ظلمني وأرني فيه ثأري

وأقر بذلك عيني))

كثري الاستغفار كوني مع رب العباد

الغاليه الزوج ياما بتشوفين منه وياما بتسمعين كلام يغث ومافي دوا الا التطنيييييش لأنك اذا جادلتيه

حتى لو كان متفهم بتتعبين واذا افتعلتي مشكله على الموضوع بيقول نكديه وراعية مشاكل عودي نفسج

الغاليه على اسلوب كأن ماسمعتي ولا شفتي بترتاحين الا في حقوقج لا تهاون بس في النهايه الزوجه

في مجتمعاتنا هي المضحيه داااااائما تفكر في بيتها وعيالها ولهم الأولويه واساسا سعادتها فيهم

لذلك الغاليه خلج مع رب العباد بتهون المشكله وبتحسينها مالها وجود وباذن الله بيتعدل كل شي

ولو سمحتي يللا احنا في يوم جديد تفائلي خيرا وخلج معنوياتج حلوه وقويه :showoff: على كل شي

في الحياه على المشاكل ولاتنسين الوزن والامور كلها والله كريم:icon26:​

 

[اللب نساك انساه]

لولو شكرا والله ردك اثلج صدري انا بدايه حياتي وانتم خواتي اخبر مني بها الامور انا ماصارلي3سنين بس شفت اللي ماتشوفه الوحده30سنه الحمدلله على كل حل واذا كسبت فاني كسبتكم انتم خواتي ماشكيت لشقيقاتي ولالحد غيركم بعد االله لاني مجربه الشكوى لغير الله مذله بس انتم احبكم وادري تحبوني وماقدرت اخبي لاناا بشكل يومي نتابع بعض وبالنسبه للميزان انا صايمه القضا لاني مااكل خير شر
ان شالله نوصل الوزن كلنا بدون نكد

 

[دثار الحب]

كيفكم رشيقات ..
انا يوم الاربعاء روحت مشيت على السير وبعدين فطرت
بعد العشاء روحت النادي وسبحت والله احس اني لو اسبح دايما زي كدة في اقل من شهر انزل الوزن المثالي من جد السباحه مره تنزل
لكن الخميس صحييت مكسرة عشان زمان مااسبح عضلات يدي مره توجعني ومقدرت امشي
اشتريت جهاز حق رياضة البطن

ولعبت عليه امس قليل مرره احس بطني اليوم مشدودة
واحاول منا امشي في البيت ارفع يادي على فوق واشد بطني واذا كانو العيال فاتحييت كراميش ولا طيور الجنة
اشتغل رقص احس الرقص ينحت الجسم
ودايما اشرب شاهي اخضر مع زنجبيل وقشر رومان ونعناع
وسرت على الريق اخد بين اصابعي حبة بركه واجرشها بين اسناني مع مو يه
تمناتي للجميع بقوام رائع
قلبي معاكي الب نساك انساه " الله يسخرلك زوجك "

 

[اللب نساك انساه]

دثار الحب ماشالله عليك ماشيه. تمام بس لاتزيدين عن 7حبات حبه البركه وان شالله توصلين الوزن المثالي وشكرا حبيبتي على الدعوه الحلوه ولك مثله

 

[راجية المغفره]

اهلا بنات
اللب لولوه ودوده الدر سما ريح العود وكللللللللللكم والجديده على مااظن دثار
احوالكن ان شاء الله كله تمام
اصدق احساس معليه كنت عند اهلي اليومين اللي فاتوا ومارديت عليج بس انا باذن الله بكره اببدأ

مراثيف لاتكفين لاتسوين رجيم تمر ولا غيره كله ولا نونونا
ريلوف شكرا لتشجيعك ومبادرتك مانستغنى
لبى قلبه طريقة الريجيم
وهو عبارة عن 27 تمرة باليوم + 3 كاسات حليب او لبن او روب (زبادي)
تقسميها مثل ماتحبي
انا سبق ان سويته اربع ايام واذكر نزلت ثلاثة كيلو على مااظن
وحابه اعيده هالثلاث الايام الجايه

 

[اود ان اتغير]

سلام صبايا.... اشوف المشاركات اليوم قليله شو القصه بطرا الميزان ها لا تهربو نحنا ناطرينكم وان شاء الله نتائج الكل تفرح ........ اتمنى عودة الكل بسرعه ما نقدر على بعادكم والله يللا بالسلامه ان شاء الله

 

[لبى قلبهـْْ]

مشكوررررررررره رجوووي

وزني 53 و450 غرام وقبل كان 53 و900 غرام

 

[راجية المغفره]

اخيرا تحرك الميزان نزلت نص كيلو
بس يابنات الحين صرت اعاني من مشكله
وهي الشحوب في الوجه
انا ملاحظه والكل ملاحظ
ومادري وش آخرتها

 

[راجية المغفره]

اللب معليش انا توني اقرا سالفتج بس الله الله بالتعقل في ردود افعالج ولا تحسسينه انج متضايقه من امه ابد وصدقيني لاتحسين انها ضدج وحاولي تتقربين منها اكسبيها في صفج وشوفي ولدها شلون بيصير معاج والجئي الى الله في كل امر واستخيري في كل شي وماندم من استخار واذا تبين اعلمج كيف تكسبينها