طيبتي دلتني

[دنيتي كلها غلاي]

السلام عليكم ورحمت الله وبركاته

انا عضوه جديدة بينكم والله يجزيكم خير على حل المشاكل غيركم والله يجعلها في موازين حسناتكم , كان ودي اكتب مشكلتي من زمان حتى ألقي رد ألي يريحني بس ظروفي ماتسمح . واليوم ياخواتي حاب أطرح مشكلتي وأبي حل سريع تكفوووووووووون وانا مابي اطول عليكم أختصرها قدر الأمكان,,
زوجيقبل 4 اسابع سافر لدولة عربية بحكم شغله , لكن ملاحظة ماكان يتصل بي وادا اتصليعني كم من دقيقة ويقول برد اتصل ولا يتصل ويوم اتصل انا مابرد ع اتصالي وادا رد عليه كله مشغول وية ربعه , ماقولكم عاد كيف أنا أنقهر يوم يعاملني جدي
والله لا يوريكم انا صغيرة بالعمر بموت من الهم وبشرتي صارت اكبر عمري مافدر أطنش وأحرق دمي ومشكلتي يوم يغلط علي بالكلام ماقدر ارد عليه وهدا بسبب حبي له . مادري ؟ وش فيه متقلب عصبي؟؟ ويغلط عليه ع أتفه اسباب؟؟ ,
المهم زوجي من نوع الي مايقعد في البيت يعني معظم اوقاته برى البيت انزين اليوم رجع من دوام ساعة 6 مساءا اخد دوش وغير ملابسه وخبرني انه رايح عند ربعه الشاليهات انا اهني عصبت بس مابينت له قلت له اوكي حبيبي بس عاد لا تتأخر فديتك
صح احسه ايام يحبني وايام احسه يجاملني ,, وبالنسبالي انا اموووووووووووووووت عليه وماأتخيل اعيش بدونه
اول ماطلع من البيت كان كل شوي يتصل ويسأل عني , ويوم وصلت ساعة 9:30 بالليل دقيت عليه يمكن اكثر من عشرين مرة ولا رد علي عقب طرشت له مسج ولا رد
والله يابنات ماتدرون اشكثر عصبت من تصروفاته وتغيره , عقب هو الي اتصل بي ساعة 12:30 بالليل وسألته ليش ماكان يرد ع اتصالي قالي كنت حاطينه صامت وكان بعيد عليه , سويت كأن ولا شي صار قلتله حبيبي انا يالسة أترياك على نار رد علي قالي انا مو راجع اليوم ع البيت بينام باشالييه والله اني انصدمت وشكيت انه قاعد يسوي شي غلط وخبرته اني انا صرت اشك فيه لأبعد حدود شو تتوقعون رده؟؟؟؟ اسفة خواتي ع اللفظ هدا ..{{ قالي سيري تزقي}} وسكر موبيله,, والله ياخواتي دارت بي دنيا ومشكلة صاير دوم يغلط علي ويسكر موبيله وماني عارفة كيف اتصرف وما اريد أخسره لهدا اسكت عنه ,, ودوم احس بشخصيتي ضعيفة قدامه وبصراحة يابنات ماني عارفة كيف اتصرف معاه والله اني اكتب ودموعي ع خدي ويالسة اكتب من غير عقل
دخيلكم خواتي اعطوني نصائحكم وكيف اتعامل معاه خاصة هو الي مزعلني ولا تنسوني من دعائكم اختم في الله

 

[دنيتي كلها غلاي]

د خيلكم يأهل الخبرة لا تبخلون عليه بردودكم

 

[فراشه الفراشات]

بالبدايه الله يعينج ويصبر قلبج
لكن حبيبتي انتي غلطتي لما قلتيله انج شاكه فيه وانتي مافي ايدج اي دليل
لان بصراحه يمكن يكون شكج مو بمحله
اما بخصوص طلعات زوجج انتي دزيله مسج وقوليله انج عازمته علي العشا وتبينه بموضوع مهم
وعقب صارحيه انج شكثر تحبينه وتغارين عليه وقوليله شكثر انتي تتضايقين اذا دقيتي ومارد عليج بس قوليله انج تحاتين عرفتي وقولي الي بخاطرج
ولاتخبين مشاعرج مثل لما نام بشاليه ليش سويتي كانا شي ماصار لا جان قلتيله حياتي انا ماقدر انام وانت برا البيت

 

[ام غماره]

وريه العين لحمراء

 

[مون الليل]

شوفي حبيبتي حركات زوجك ما تطمن .. انتي لازم تدوري من وراه على اشياء تدل على انه يسوي شي غلط .. يعني مو على طول تقولين له شاكه فيك وانتي ما شفتي شي بعيونك

شوفي جواله وش فيه من مكالمات ورسائل يمكن وحده لاعبه بعقله

والله لو اني محلك اخلي احد اوثق فيه 100% يلحق وراه لما يطلع ويراقبه وين يروح

لان ليش ينام بالشاليه !! شي مو طبيعي مكالمات كثيره وكلحين يتصل عليك قبل لا يوصل عشان يسكتك وما تتصلي عليه بعدين .. وبعدها ما يرد

اكيد عنده اصدقاء سوء يسهرون وما يندرى وش عندهم
انتي راقبيه زين عشان تعرفين وش سالفته

لا تحسسينه انك مهتمه لتصرفاته عشان ما يفكر انك تموتين عليه لهدرجه .. الرجال يا اختي يحب المراه الي تكون شوي ثقيله وهو يركض وراها .. يعني صيري مثل الحيه .. مره تهتمين فيه بدرجه كبيره .. ومره تطنشين
ومع ذلك تزيني له وغيري من طريقه اسلوبك وحياتك معاه

ولا تنسين انك تدورين من وراه بهداوة عشان تعرفين وش السبب الي يخليه كذا

 

[ريمية]

الله يكون بعونك ويستر عليك..استخدمي اسلوب الحوار الهادئ معه

وحاولي اتدعي له وتستغفري..والله يحفظه لك ويسعدك معه

 

[نضوج أنثى]

حبيبتي الحين جربتي معه اللين والسياسه ، جربي أسلوب ثاني يمكن ماينفع معه الضعف لا تسألين عنه إذا دخل البيت ماكأنك تشوفينه اعملي روحك مشغوله إذا كلمك ردي على قد الشي اللي يبيه راح ولا جلس بالبيت لاتسألين وتدورين وراه لعلى وعسى يجيب معه هالأسلوب نتيجه وطمنيني عنك

 

[دنيتي كلها غلاي]

مشكورين خواتي ع رودوكم كفيتو ووفيتو ماعليكم قصور

خواتي ماخليت شي ماسويته معاه وبصراحة انا انسانة شكاكة واغار ع زوجي , ويوم اخبره اني يوم اتصل فيه ومايرد ع اتصالي اشك فيه هو هني يعصب يقولي ادا مافيه ثقة معناتها مافي حب بالله عليكم خواتي كيف يباني ماشك فيه وهو ادا راح الشاليه مايرد ان شالله ادق 100 مرة مايرد وقبل اسبوع 4 راجع من سفر وشيكت في موبيله ماحصلت شي بس لقيته حاط اسم بالبلتوث {{ اماراااتي ويتبع رقم موبيله }} والله يوم شفته احس الدنيا سودت بويهي ورغما دلك ماقدرت اوجهه لأنني ادريبه بيطلع لي باالأعدار كادبة وبنفس الوقت ماريد اخسره
ساعدوني خواتي فديتكم ترى مالي حد من بعد الله غيركم

 

[عاشقة أيلول]

شوفي اختي هذا مليونين بالميه عنده بلالالالالالاوي :questionmark: بس انت خليك ذكيه وجريه من غير ما يحس ومن غير ما تتكلمين ولا كلمه وشلون :questionmark:بصراحه هذا النوع ما ينفع معاه الطيب واللين من هاللحظه طنشيه ابد لا تسالين عنه ولا تدقين بس انتبهي سويها وانت موضحه انك ابد مو زعلانه ولا تفكرين فيه اصلا ولا تضعفين وتروحين تدقين او تدزين ماسج وخليك دائما كاشخه ونفسيتك ريلاكس ومروقه على الآخر بس مو له انتبهي مروقه لنفسك واذا جا لا تقعدين عنده كثير تحججي انك مشغوله بس مو بشغل البيت مشغوله بنفسك يا تبين تسوين اظافرك او تبين تحطين كريمات وزيوت على جسمك ومن هالسوالف<وانت فعلا اهتمي > ولو يغيب عشر ايام ابد لا تسألين مثل ما قلتلك اضغطي على نفسك خليه دائما يشوفك مبتسمه وحلوه ولا تحسسينه انك ممكن تقعدين فاضيه وطفشانه خليك دائما مشغوله اطلعي وسوي زيارات واعزمي ببيتك واذا بالبيت خليه يدخل يشوفك تقرين كتاب ولا تنفذين عمل بايدك وايضا خليه دائما يشوفك وانت تصلين وتطلبين ربك وخلي البيت دائما متجدد يعني غيري بالترتيب وسوي جو ودائما خليه بارد وريحة الفواحه طالعه صح راح تتعبين بس النتائج مبهره ان شاء الله وترى انتي ما عندك دليل ملموس ولو كان عندك كان تقوليله انا ادري بخرابيطك بس ابدا مو مهتمه ذنبك على جنبك انا بالسليم قدام ربي والحمدلله واخيرا اختي واولا لاتنسين الدعاء ولالتقرب من الله والاستغفار سبحان الله مفعوله عجيب وبالتوفيق.

 

[دنيتي كلها غلاي]

مشكورة اختي عاشقة ايلول ع نصايحك الحلوة والله يجعلها لك في ميزان حسناتك

اختي مافي شي ماسويته حولت والله مافي يوم اقعد جدامه الا وانا متعدلة له وكشخة ومتعطرة حتى هو يشهد باهدا شي وكل يوم اسويله جو رومانسي بس شو اسوي مابيدي حيلة تعبت وبصراحة كلمة الحق تنقال مو قصرني اي شي ويلبي كل طلباتي ويقولي امري ودللي يانظر عيني بس شو الفايدة من هدا كله والسعادة مو هي الفلوس
ومع العلم زوجي يطلع بالوكاند وية ربعه يسهرون برى واحرق دمي واتصل فيه مايرد تعبت معاها بس لأني احبه مو مستعدة اخسره,, والله العظيم من كثر ماني مقهورة نزلت 5 كيلو في اسبوعين بمووووووت قهر

 

[أبله رشا]

ياعمري انتي والله ما عندي حل لك لكن وعد مني ادعيلك يا روحي الله يساعك ويفرج همك

 

[الهاشمية جداوية]

الله يعيك وفرج همك الدنيا مافيها راحة

دمت في حفظ الرحمن

 

[عاشقة أيلول]

بس نفذي اللي قلتلك و بتشوفين وانا بدعيلك

 

[دنيتي كلها غلاي]

جزاك الله الف خير وان شالله بنفد الي قلتي لي عليه

 

[دنيتي كلها غلاي]

بنات زوجي نام امس برى البيت واليوم بعد والله بموت قهر لأنه يطلع يسهر
وينام بالشاليه وحاسه انه يلعب من وراي دخيلكم شوروا علي ماني عرفه كيف اتعامل وياه
ولا يتصل بي وادا دقيت انا مايرد ع اتصالي ابغي اطرش له مسج بس ماني عرفه اعبرله عن الي بداخيلي لأني كل ماخبرته اني اتضايق من طلعاته يقولي شو انتي حيوانه تشكين فيني والله صرت اتمنى الموت ولا اشوف عمري أنظلم دخيلكم خواتي ساعدوني

 

[أم البيان]

شوفي حبيبتي حركات زوجك ما تطمن .. انتي لازم تدوري من وراه على اشياء تدل على انه يسوي شي غلط .. يعني مو على طول تقولين له شاكه فيك وانتي ما شفتي شي بعيونك

شوفي جواله وش فيه من مكالمات ورسائل يمكن وحده لاعبه بعقله

والله لو اني محلك اخلي احد اوثق فيه 100% يلحق وراه لما يطلع ويراقبه وين يروح

لان ليش ينام بالشاليه !! شي مو طبيعي مكالمات كثيره وكلحين يتصل عليك قبل لا يوصل عشان يسكتك وما تتصلي عليه بعدين .. وبعدها ما يرد

اكيد عنده اصدقاء سوء يسهرون وما يندرى وش عندهم
انتي راقبيه زين عشان تعرفين وش سالفته

لا تحسسينه انك مهتمه لتصرفاته عشان ما يفكر انك تموتين عليه لهدرجه .. الرجال يا اختي يحب المراه الي تكون شوي ثقيله وهو يركض وراها .. يعني صيري مثل الحيه .. مره تهتمين فيه بدرجه كبيره .. ومره تطنشين
ومع ذلك تزيني له وغيري من طريقه اسلوبك وحياتك معاه

ولا تنسين انك تدورين من وراه بهداوة عشان تعرفين وش السبب الي يخليه كذا

انا مع الاخت راى سليم:icon30:

 

[وين القاني]

الرجال هذا الله يستر منة
المرة تتعب معاه هو مكتقي بربعة ولزقة الربع شينةواذا الامر فية شلة سوء....... اللزقة بالربع ازيد راح يروح لهم كل يوم ويستمتع بالجريمة ( ايش ما تكون )وزوجتة ان لاحقتة عاندها وان طنشته ارتاح منهاوكمل طريقة بالحالتين وبعناد لها
انا مجربة زوجي وشلة السوء تعبت معاة بكل طريقة ما في فايدة
مع اني ادري بحركاتة اخوة يتصل علي ويقول لي زوجك كذا وكذا اول باول وسوينا علية حملات توعية طبعا انا من جهة واخوة منجهة ورجعناة للطريق المستقيم بس ما عليكم كلها ثلاث شهور ورجع لهم وهذاني مبتلية
بصراحة اختي الله يعينك مشكلتك انك مو عارفة تطيحين على شي تمسكية علية وهذا مصدر قوتة
انا زوجي قال لي بروح الشاليه بعدين طحت على بطاقة تكسي فيها فتح خط البحرين وقلت له تعال وين كنت كذب وبعدين اعترف انه مو بالشاليه الاخو رايح البحرين ومبين الطريق خراب بس طبا هالمرة الرجال نسى الكرت بجيبة بكرة يشيلة ويجي بدون ادلة لاني انبهه لاخطائه كل مرة وزلاتة الرجال كل مالة ويتعلم مني شلووون يحتاط
الرجال حبيبتي ذيب المره لازم تحتاط معاة كذاب درجة اولى
بس حبيتي انا بقولك شغلة كلمة تعاملي بذكاء تخليكي تحتارين
انا اتخذت اسلوب نفع
الصبر والدعاء
انا جلست مواصلة كم من ليلة اطلب من الله انة يكشف امر زوجي لي لاني شاكة فية
وليلة من الليالي بعد ما خلصت الدعاء مباشرة اتصل واخووةوقال يا فلانة زوجك كذا وكذا وكذ ا
هذا مفعول الدعاء الخالص وللاسف كثير ينسوون الدعاء
صليت الليل يمكن ثلاث ليالي الرجال صار يبتعد عن ربعة
حبيبتي لا تقولي احبة اوت فية
قولي لازم اصير قوية مع نفسي ومعاة
اسفة للاطالة بس عورتي قلبي الله يهديه ويسخرة لج واول شي تسووينه كثري دعاء والله بيهديج للحل انشاء الله

 

[دنيتي كلها غلاي]

وين ردودكم خواتي

 

[عنقود عنب]

عزيزتي

كم عمرك و كم عمر زوجك ؟؟؟

كم سنة لكم متزوجين ؟؟؟

ولي عودة

 

[دنيتي كلها غلاي]

هلا اختي عنقود عنب اشكرج ع تفاعلك معاي

انا عمري 23سنه وزوجي 29 سنه وصار لنا سنتين زواج