ساعدوني الله اخليكم

[ب قطر]

انا عندي ولد عمرة 3 سنيين في الحمام لما احممة اخلية يلعب في الماي وهو عاري وارووح عنة ارجعلة بعدها ب 5 دقايق الاقية لاعبة في عمره وبعدها ابفترة لقيتة تعود علي الموضوع وصار يستخبي في مكان ما اشوفة ويخلع ملابسة ويلعب في عمرة ابغي حل الله يخليكم...

 

[منارالحياه]

لازم تكلميه وإذا ما سمع كلامك عاقبيه أو قوليله إذا سمعت كلامي بشتريلك سياره بريمونت أو أي شي يحبه وبتشوفيه يسمع كلامك لأن عند الأطفال أهم شي اللعب

 

[dala3 jood]

كلميه وعصبي عليه ولا تخلينه يستمر في هذا الشي وفهميه ان اذا سويتها مرة ثانية الله بيحرق البتاع مالك..

وحابة أوضح لك ان ابنك ما قام يسوي كذه الا من سبب ما .. أول شي لا تتطالعون افلام في لقطات سكسية ترى عيب والله ابنك يتأثر فيها.. وحطي بالك من الموجودين حواليه يمكن احد يملسه ويلعب فيه من غير ما تدرين.. يعني مثلا عشان تستدرجينه قولي له:
حبيبي منو بعد يسوي لك جذي ؟ طبعا بطريقتك .. واذا سالتينه وانتي تصارخين عليه بيخاف وما بيرد ..


طمنينا عليه وقولي لنا اش سويتي معاه.​

 

[أم اليتامى]

حبيبتي هذي المرحلة اللي فيها ابنك تسمى في علم النفس بالمرحلة القضيبية ويكون الطفل في هالمرحلة عنده حب استكشاف جسمه ويوجد اللذة ويفرغ كل طاقته من خلال اللعب بأعضائه الجنسية وهذي مرحلة يمر فيها كل الأطفال في هذا العمر فلا يكون عندك قلق بس حاولي بقدر الإمكان تشغليه بألعاب يقضي فيها وقته ولا تخليه يغيب عن عينك أو يختلي مع طفل في مثل عمره لأنه ممكن يصير من بينهم شي مثلا يلعبوا لعبة الدكتور والمريض والمشكلة راح يكبر ويتطور عنده الأمر فلا تخليه يغيب لحظة عن عينك.

 

[دبدوبه حيل]

الله يستر

 

[قوية الساس]

كلميه وعصبي عليه ولا تخلينه يستمر في هذا الشي وفهميه ان اذا سويتها مرة ثانية الله بيحرق البتاع مالك..​

بسم الله الرحمن الرحيم
ليش العصبيه والصراخ شو صار؟؟؟ ياهل مايعرف شو سوا محد قد قاله من قبل انه هالشي غلط تقومين تعصبين عليه اول شي و بعدين تخوفينه تقوليله بيحترق ؟؟؟لاتحطين في بال الولد فكره غلط يعني هو لو لعب من اليوم لين باجر ما بيحترق .. المعلومه تتوصل بطريقه ثانيه وبافكار صحيحه تثبت اكثر في العقل بدون خوف و يكبر الولد و هو شايل افكار صحيحه انشاءالله
ليش هالعنف الزايد حرااااااام
اهدي حبيبتي هذا طفل صغير لاتسببيله حاله رعب


الطفل عمره 3 سنين يعني حتى المدرسه ما دخلها اكيد
في هالسن الطفل يكون في مرحلة حب استكشاف جسده و هذا من حقه بس انتي راقبيه من بعيد عشان ما يزودها .. طبيعي انتي في يوم من الايام سواء في طفولتج او مراهقتج او حتى بعد زواجج وقفتي عند المرايه تشوفين جسمج و تقاسيمه او تتلمسين عشان تحسين اذا فيج شي غلط لا سمح الله .. ولا كيف الحرمه بتلاحظ انه فيها ورم مثلا في مكان معين داخل الجسد ؟ لازم تحط ايدها و تضغط عشان تحس و تعرف .. فمابالج هذا الطفل اللي يشوف في نفسه اشيا يديده و يلعب بعمره و يحس بمتعه؟


الشي اللي اباج تسوينه انج ابدا ابدا ابدا ما تتبعين اسلوب العنف مع الولد لانه بيكرهج اذا شافج بكل عصبيه تمنعينه من شي هو مستمتع فيه بدون سبب مقنع (طبعا ما بتقدرين تقنعينه عدل لانه طفل مايعرف) ... راقبيه من بعيد .. خذييه في حضنج .. كلميه بهدوء .. حبيبي ماما تحبك و تخاف عليك .. لاتلعب ب.... (ماعرف شو ولدج يسميه يعني عطيه مصطلح هو يفهمه) قوليله حبيبي لاتلعب فيه وايد ولا تمسكه بعدين يتغير لونه و ينتفخ او يحرقك و تستولك حكه او اي شي .. بس انتبهي لاتقوليله لانه ايدك وصخه ممكن تصير هاي الاشيا .. عشان ما يحط فباله انه مجرد ما يغسل ايده يعني عادي يسوي اي شي .. فقط قوليله انه مب زين تمسكه الا اذا تتغس في الحمام .. و لاتخلي اي حد يمسكه مب زيين الله ما يرضى و كلمييه عن الجنه و حاولي توصفينها اكثر من النار .. عشان يحط فباله انه كل شي حلو في الجنه فا انا ابا اروح الجنه فا لازم اترك هاي العاده عشان الله ما يحبها


لاتقوليله لاتعلب فيه و بشتريلك لعبه !!! بعدين بيوقف عشان تشتريله لعبه و بيرجع لمغامرة الاستمتاع مره ثانيه..
فهميه انج تقوليله لاتلعب لانه هالشي بيضرك و انا ماماتك احبك ومابا شي يصير فيك
منها يفهم انه هالشي مب زينى و يضره ومنها تكون توعيه دينيه و منها يشوف في عيونج و كلامج حبج الزايد له و خوفج عليه :icon26:


:icon26: سلامي :icon26:

 

[مجموعة أنسان]

حرام عليكم الطفل عمره 3 سنوات مو13 سنه .. يعني توه على التعصيب واللهواش

حبيبتي انت لازم تعرفي انه هو بمرحلة حب استطلاع واكتشاف للجسم وخاصه بعد ماشلتي الحفاظ .. لكن نصيحتي خليه ولا تهاوشي عليه وابد لاتعصبي لأن هالشيء راح يرسخ الحاجه بباله ويسويها بعيد عنك .. انت لازم تشغليه بأشياء ثانيه .. يعني حطيله العاب في البانيو مع اني مانصحك تخليه يطول بالحمام زياده عن اللزوووم يكفي اذا حميتيه يطلع على طوووول مو بالضروره جلسته .. وخلي لعبه بالتراب و المويه بعيد عن الحمام ..

والله يهدي اولادنا وابناء المسلمين

 

[Ms Uae]

مرحبا اختي الغالية

أنا ما عندي خبرة..بس نصيحة لا تعصبين عليه

لما تعصبين ويتعكر مزاجه>>الولد ما بيسمع كلامج وأصلا ما بيقتنع لأنه ما فهم وين الغلط !!

واذا عصبتي عليه بيعاند (( أكبر مشكلة ))
وامية الله يخليها من يوم احنا صغار تعلمنا نتغسل بس ما تخلينا نعق ثيابنا كلها

تشتري حق اخوية الصغير شورت سباحة مايو جلو ويحبه ويلبسه وهو يسبح

( يستانس يحس رحلة للسباحة خخخخخ )

استفيدي من هالنقطة بس خبيه يختارله شي يحبه

أما الموضوع من ناحية ثانية
ولدج أمانة..لا تغفلين عنه دقيقة..

صدق في ناس اعرفهم عيالهم ( مــاتــوا)- الله يحفظلج ولدج - من شبر ماي

مب ف الحوض!!

خليه يلعب وطلعيه .. والا حطيله الماي وافتحي السداد

(أدري ما تكلمتي ف الموضوع بس قلت احتياط )

الله يكون في عونج وييسر أمورج
بالتوفيق

 

[الملكة صفاء]

هذا امر طبيعي لا تشغلى تفكيركك
اشغليه باشياء اخرى كلما شاهدته يفعل ذلك حتى ينسى

 

[واثقة]

يغلق لإستيفاء حقه من المناقشه