عندك مشكله ؟مشـــــــكلتك مع زوجـك او اهل زوجك لها حل اكيد عندي ...ارجو التثبيت ..

[jstyle]

اللة يعطيك العافيةعلى الموضوع من جد محتاجة تعطونى حل مشكلتى مع اهل زوجى فى بداية حياتى زوجية انا سعودية وزجى بحرينى واعيش مع زوجى فى البحرين وهو مطلق الاولى فهمونى اهلة سبب طلاق من زوجتة تبى بيت لحالها فى فترة خطوبية قالوا لى عندة ارض بجلس فى بيتهم كم شهر لين يبنى الارض وافقت اجلس معاهم خلال جلستى معاهم ماقدرت استحملهم حاولوا يخربون علاقتى معاة مثل امة تقول طلعى مع صديقاتى طبعاا زوجى مايرضى اطلع بس هى تقول لى طلعى يو طلعت اتصلت على زوجى قالت لة زوجتك طلعت من وراءك غير كذا تقول لى طلبى الطلاق مدام ماعندك الا ولد واحد واختة تقول لى لو انا منج مااجلس معاة ولا دقيقة اضيع عمرى معاة علشان زوجى حريص فى فلوس وانا اهلى مايقصرون معاى احس فيهم الغير ة والحسد من عيونهم كنت اذا طبخت حق زوجى اى طبخة امة تجى تذوقة تقول لالا تأكلة مو حلوو حمداللة يرد يقول لها عاجبنى يجلس يأكلة جلست عندهم 9 شهور طلعت من عندهم ماقدرت اهلى اشتروا لى اثاث الشقة هم طلعت لحالى مارتحت خفت روحاتى لهم يمكن اجلس شهرين مااشوفهم بس اذا زوجى راح احط ايدى على قلبى لانى عارفة يرجع لى اتهاوش معاة الحين هم حاربونى كل سنة على هذا الحالة شنو الحل معاهم مشكلة امة متدينة كل سنة تروح الحج طلعت اكبر كذابة صادفتهم فى حياتى خواتة مثل حال امهم حاولت اتقرب منهم بهدايا سويت لهم عزيمة علشان تتعدل علاقة معاهم مافى فايدة كل هذا علشان ولدى عندى عد اكثر من هذى تصرفات بس ابى اعرف هانوعية من اهل الزوج كيف تتصرفون معاهم اخر حركة لهم اتصلوا على اهلى عزموهم على خطوبت حماى كلموهم يوم الاثنين خطوبتة يوم الاربعاء كان ماعندى شئ البسة بس حمداللة ربى سهل اموارى طلعت احلى وحدة فيهم لدرجة امة قالت لى يامال الضعفة بسرعة لقيتى قالت اختة انتى حية ابتسمت لهم مشيت اتوقع راح يعدون الحركة بعد فى زواج مااقول الا اللة يهديهم يسخر زوجى لى شنو اسوى معاهم

حبيبتي .. ولا يهمج .. ولا تهتمين .. اصلا باين من وصفج لأم زوجج وبنتها انهم ناس للأسف مرضى نفسيين يحملون في طياتهم الحقد وحب المشاكل ..يحبون يخربون على الغير .. بس كل هذا لايشغلج .. ولا تهتمين فيهم احسن شئ حبيبتي انج استقليتي بشقه بروحج مع زوجج الوفي .. وهذا احسن ماسويتي .. حاولي اتحاشينهم قدر المستطاع لا تعطينهم فرصه لان يخربون عليج حياتج .. واذا جاء زوجج من عندهم لا تستسلمين للهواش بينكم علشان يكون دايما في صفج .. لا تكرهينه بأمه او اخته ولاتقولين عنهم شئ تحرجينه المسكين ..لا .. بس خليه بين كل فتره وفتره يزورهم .. وزوجج ترى باين عليه فاهمهم .. وعارف حركاتهم .. لا تحاتينه .. ماراح يتأثر فيهم .. مادام انه يحبج ومادامج مريحته .. واكرر لج لا تهتمين لمواقفهم معاج خليهم صفر على الشمال .. ولا تسمعين لهم ..بس اذا شفتيهم قولي لهم الكلام الطيب وحتى لو سمعتي منهم كلام مثل السم .. ابتسمي .. ولا كأنه يهمج .. وفعلا لا يهمج .. امشي وراسج مرفوع .. وقولي في قلبج مساكين مرضى نفسين .. ماراح اشغل بالي معاهم ..

وانبسطي بحياتج وستانسي بزوجج وولدج ..والله يوفقج ياقلبي ..​

 

[jstyle]

حاولت اودي عيالي بس موراضي حتى اشوفهم ودوما يقول كلام حتى العقل مايصدقه يتهمني ان لي علاقه مع ابوهم وان ابوهم يقابلني وغيره وعلى فكره انكر وجودي عند اهله وقال لهم اني طلقتها ومع العلم مافيه طلاق يوم سالته ليه تسوي كذا قال كنت معصب وقلت كذا مااقدر اغير الكلام وغير رقم التليفون حق بيت اهله والبيت قلت ليه قال البيت الاول كان صغير واعذار زي كذا والله اخاف من غدره ووالله اني اكتب لك وابي حل يعني قلب زواجنا بالسر غصب ودوما مشغول واذا دقيت عليه يالله يرد ويقول عند امي والله احس اني اكثر من كذا بموت

حبيبتي .. اذا انتي عايشه معاه الحين .. فأنصحج انج تروحين بيت اهلج وتعطينه فرصه يراجع نفسه .. ويفكر عدل ويصلح اغلاطه .. ولا ترجعين له الا بعد فتره .. يمكن الله يهديه بس لاتفكرين بالطلاق .. لا .. خليه يهدى يمكن الله يهديه ويدله على الخير .. واذا يبيج خليه يتعهد لج بأنه يحترمج ولا يخربط بالكلام .. وانه يرجع يقول حق هله اني رجعتها ..ويعيش معاج زوج محترم يقدرج ويصونج .. وانتي فهالفتره اللي بتقعدين فيها بيت هلج ادعيله في صلاتج ان الله يهديه ويصلح امره وانشالله مايصير الا الخير .​

 

[jstyle]

قولي خصله تخليني اعيش معه والله بالسنه ماركب السياره معه والسوق مستحيل دوما مشغول ويطلب لني اعيش دوما اتنازل ولاعاد اعرف عنه الا رقم جوال والله انه احيانا يقفله ولاادري وين الاقيه ود
وما يحلف كذب ويحب نفسه بشكل لايتوقعه بشر

ياقلبي انتي ..طبع زوجج هذا مب غريب وايد ازواج مايودون حريمهم ولا يطلعونهم وبعد عايشين بسعاده .. انتي كان ممكن تقوليله ودينا نتمشى شوي تدلعي عليه .. كان ممكن تتبعين معاه استراتيجيه التكلم مع عواطفه تقولين له وين قلبك الحلو بودينا اليوم ..خلج انثى .. تغرينه بكلامج العذب اللي يخليه يرد عليج من جواله .... يعني هذي بعض الاشياء اللي كان ممكن اتحكمين فيه من خلالها ..


اتمنى لج الخير من كل قلبي .. بس ادعيله .. عليج بالدعاء..​

 

[مابقى وقت]

الله يجزاك خير يارب

ويكثر من امثالك الطيبه

 

[jstyle]

ليش يا اختي فتحت الجرح اللي في قلبي اللي ما يبغى يرووح.......
ليش تقولي زوج ما زوج ليش ؟؟؟ يا اختي انت ما عرفتي زوجي كيف حسبي الله عليه وعلى اهله ....
انا متزوجه لي 5 سنين وداخله في 6 ومن يووم ما تزوجت وانا من نار لنار اقولك قصتي باختصار...انا عمري عشرين سنه وعندي بنت وولد البنت عمرها 1 و7 شهور والولد عمره3 شهور انا انسانه طيوبه لابعد حد انت تتخيليه لاني يتيمه وغشيمه بين الناس...
زوجي من يوم ما تزوجت وراني الويل الويل ....
ضرب هذا صار شي طبيعي عندي لانه يومي ااااااااااااااه ااااااااه بس...
بخيييييل علينا بخل ما هو طبيعي ولعلمك بس علي وعلى اولادي ولناس كرييييييم لابعد درجه ومع اهله عسل وانا يالله وصفي ما يوفيه حقه ....
والله لي 3 او 4 سنين ما نزلت على السووق ولا مره وملابسناوملابس اولادي والله صدقات من الناس:sad_1:.....
وغير اللعن اليومي في وفي اهلي الميتين امي وابوي.....
وغير الشتم هذه عنده زي شربة الماي....
وغير انه ما يخلي شي الا يقوله لناساسراري و حتى اسرار الفراش....
اصحابه وما ادراك ما اصحابه من كلامه على قدامهم صاروا يتحرشوا في قدامه ولمن اقوله ليش وكيف يوقولي ايش!!! يمزحوا..........
وغير انه يسحبني عند شيوخ يقروا علي ويضربوني ضرب شديد ولمن ادافع عن نفسي يقولوا انه الجني اللي في هو اللي يتكلم ويدافع وكانهم ناسيين انه جسمي اللي ينضرب!!!
وغير انه اخوانه يضربوني وهو زي الاطرش في زفهولمن اقوله ليش ما ادافع عني يقول كيف هذول اخواني وخليهم يربونك :sad_1:.....
ومن يوم ما تزوجت ما الي بيت ابد من سفر لسفر كل مدن السعوديه مرمطني فيهاومن غرفه لغرفه والله بعضها ما ييجي متر في متر......
ذهبي سرقه هو وامه وباعوه حتلى الدبله باعها وبدون اذني حتى.......
وحتى في ولاداتي مسح في البلاط اللين لمن ولدت وبدل ما يعطيني كلمه حلوه لا ضربني وانا منومه لان ولاداتي قيصري هههه.....
وحتى وانا نفاس يضربني يشد في شعري ويضربني برجله في بطني مع اني مسويه عمليه....
كل يووووووووم يدعي علي بالموت.........
ايش ولا ايش اقولك....
لسه اليوم ضربني على وجهي تعرفي ليش بس علشان طلبت منه فوط صحيه لي تخيلي كيف؟؟؟:tears:
والله يا اختي ما اعرف وش اسوي؟؟
وازيك من الشعر بيت وانا حامل في ولدي اكتشفت اني مريضه بالسرطان وخفت اني اقوله وبعد ما قلت حسبت انه رح يرحمني او يحن علي او حتى يحضني لاني ابغى حد يواسيني
تعرفي ايش رده....الله ياخذك بسرعه وارتاح منك اصلا اهلك غشوني فيك ؟؟؟
:schmoll:
والله والله والله اني طيبه معاه كثيير وقلبي ابيض وما احمل الحقد على حد الا انه علمني الكره...
والكره لمين لنفسي؟؟؟
صرت امسك المشرط واشرط في يدي ورجلي واحاول اشتم تفسي ولمن اطيح او حاجه زي تدقني ابره او خشبه اقول لنفسي استاهل ليش والله ما اعرف؟؟؟
مع اني مريضه وتعبانه الا اني قايمه ببيتي واولادي وزوجي لحالي لانه رفض يجيب لي خدامه لو تشوفي حالي الحين تشفقي علي كثييير لسه في وسط رمضان سويت تنضيف لان المستشفى اللي ولدت فيه نسوا في بطني جزء من المشيمه....
تنومت يومين وخرجت استقبلني زوجي استقبال حااااار ومؤلم ضربني طلعت العصر رجعت الساعه 12 للمستشفى بجلطه في الرئه وتنومت الين بعد العيد...
والسبب امه هي اللي تعبي براسه علي حسبي الله عليها ...
انا خلاص اعلنت الاستسلام:surrender:
ارجوكي ساعديني ارجوك
لا تقولي الطلاق وين اروح وين لاخواني؟؟؟
ما تحملوني بنت يتحملوني وانا ام اولاد؟؟؟
لانهم يكرهوني والسبب انتي ماني شقيقتهم بس اختهم من ابوهم...
ارجووووكي ساعديني واوعدك اللي تقوليه لي رح انفذه بحذافيره وعد............ارجوووووووووووووكي
واذا تبغين اي سوال اسالي وانا موجود وكمان روحي لمواضيعي القديمه ارجوكي ساعديني

آه عورتي قلبي .. والله بغيت ابكي وانا اقرى قصتج .. لا حبيبتي لا تسوين في نفسج جذيه ... اجرج عند الله كبير .. وانا اقولج بأعلى صوتي (( تطلقي منه بسرعه )) لا تمين ساكته على هالوضع .. لأن وضع ماينسكت عنه ابدا .. حالتج هذي تعتبر من اصعب الحالات واللي الطلاق هو الحل الوحيد فيها .. اسمعيني ياعمري .. اخوانج ... لازم اخوانج يتدخلون في الموضوع حالا لازم الآن تصكرين الكمبيوتر وتكلمين احن اخو عندج وتقولين له كل اللي قلتيلي اياه بالتفصيل .. لازم حبيبتي .. وتقولين له تترجينه علشان ينقذ حياتج من هالوحش انه يتحملج اني وعيالج في بيته .. هذا واجب عليه .. ولا تطلعين من البيت الا قبل ماتتأكدين ان اخوج بيستقبلج .. وبعدين بعد مايوافق قومي من دون مايدري زوجج جهزي اغراضج واغراض اولادج .. واهربي لبيت اخوج .. لاتقولين ماراح يستحملني ..لا غصب عنه يستحملج ..اذا مب من طيب خاطره بالقانون .. اي حتى لو تروحين للمحاكم روحي خليهم يأمنون لج مكان تعيشين فيه باستقرار انتي وعيالج ويحمونج من هالوحش زوجج ..

واخيرا وليس آخرا ..اعرفي ان الله معاج واحنا معاج والقانون معاج وبتآخذين حقج في الاستقرار بسعاده في الحياه مع اولادج ..


بالتوفيق حبيبة قلبي ..


طمنيني عليج ضروري .. خطوه بخطوه حتى لو ترسلين لي عالخاص ..



قلبي معاج

​

 

[jstyle]

الله يجزاك خير يارب

ويكثر من امثالك الطيبه

الله يسلمج يارب .. مشكوره على دعواتج الطيبه .​

 

[مضيعه النور]

يا اختي اخواني هم اللي رموني له واجبروني عليه بالغصب كيف اقدر ارجع لهم انا حاولت قبل تقريبا شهرين اني اكلم اخوي قلت له عن كل شي قالي بالحرف الواحد ان شاء الله يقتلك مالي دخل هذا زوجك وانت دبري حالك​

 

[مضيعه النور]

ارجوووووووووووووووووك شوفي لي حل ارجوووووووووووووك

 

[مضيعه النور]

ها انا معاك ورح اضل على صفحتك اذا تبغين تسالين اي حاجه انا موجوووووووووووووده
ارجوك انت اخر حل الي ساعديني وخذي اجر في اليتيمه اللي ما بقى لها شي في الدنيا

 

[jstyle]

ها انا معاك ورح اضل على صفحتك اذا تبغين تسالين اي حاجه انا موجوووووووووووووده
ارجوك انت اخر حل الي ساعديني وخذي اجر في اليتيمه اللي ما بقى لها شي في الدنيا

حبيبتي ..الجئي الى القانون (( المحاكم الشرعيه )) اطلبي من الشيخ انه يطلقج وتطلبين نفقه من زوجج حقج غصب عنه .. والله معاج واحنا معاج ..​

 

[مضيعه النور]

بس يا اختي اخاف انه يا خذ اولادي والله ياخذ نور عني بس ما يبعد اولادي عني
وانت تعرفي الواسطه وعمايلها وهو قالي اذا رحت على المحكمه تطلبي الطلاق والله واللي خلق سبع سموات اولادك حتى ما تشمي رحتهم الى موتك

 

[jstyle]

بس يا اختي اخاف انه يا خذ اولادي والله ياخذ نور عني بس ما يبعد اولادي عني
وانت تعرفي الواسطه وعمايلها وهو قالي اذا رحت على المحكمه تطلبي الطلاق والله واللي خلق سبع سموات اولادك حتى ما تشمي رحتهم الى موتك

حبيبتي .. شوفي اي شخص ..صديقتج او خالج اي حد تعرفينه .. يوكلج محامي ويدرس الموضوع وانج تطلبين منه انه تكونين لج الحضانه .. لأن الحضانه للأم وخصوصا في هالسن .. وخصوصا ان اطفالج صغار يحتاجون رعاية امهم .. بالاضافه الى ان زوجج انسان غير سوي ممكن يأذي الاطفال مثل ما آذاج .. وكلي محامي ضروري وبسرعة اشرحيله حالتج وما سواه معاج بالتفصيل صدقيني بأذن الله بتكسبين القضيه لصالحج وبيعيشون عيالج معاج .​

 

[عاشقة الاحلام]

السلام عليكم انا مملكة ومقتنعه بخطيبي وهو يحبني بس مشكلتي اذا طلبته طلب يتحجج بظروفه اول مره طلبته لبى طلبي وثاني مره اعتذر يقول ظروفي ماتسمح وعديتها له وامس طلبته يسدد فاتورة جوالي قال عند شغل محتاج فلوس وإذا الشغل ماتم ابشري ومن جد زعلت وقلتله اعتقد انا زوجتك وهذا واجبك المفروض من غير مااطلبك واتكلم تسدده وش بيصير بعدين لا بغيت شي او نفسي في شئ (هذا كله بمسجات بينا استحي اتكلم )على فكره لاتعتقدون ان طلباتي كثيره وصعبه كلها  مرات وانا لي متملكه  شهور ولما احكي لخواتي او اي احد يستغربون يقولون إلي نعرفه في فترة الملكة ان الزوج يطير ومايصدق تطلبه زوجته ويلبي ومايقول لا وش اسوي انا واحس هداياه ماتعجبني واجامله واقول حلوه يمكن اهداني مرتين بس اتمنى تفيديني اختي الله يسعدك انتظر ردك كيف اسوي معاه لين الحين زعلانه ومرتفع ضغطي مره ؛

 

[أم كيمو]

السلام عليكم ورحمة الله وبركاته ..
الصراحة أشكرج على سعة صدرج وعلى أسلوبج الحلو والراقي مع بنات حواء..
أنا أول مرة أشارك بعد نفاذ صبري من زوجي
أنا معرسة من ثلاث سنوات وعندي ولد وبنت الله يحفظهم لي وزوجي أبدا مايفهمني ولايقدرني، بس دومه يقولي أنا عصبي ولاتزيدي النار حطب.. نزين أنا شو ذنبي من أول ماعرسنا لين يومج ما يمر أسبوع على خير وبدون صراخ .. والله دوم يصارخ على أتفه الأشياء,, وأنا دووم أشتكي عند أخواني وينصحونه ما يصارخ بس ماشي فايدة والله..
يعني بس هو إللي يعصب وأنا مب إنسانة نفسه أمر في حالات عصبية نفس تأخر الدورة ولا ضغط الدوام.. ولا يحس فيني بس أنا لازم أحس فيه؟؟
ودوم أنا إللي أحسسه بالحب وأسمعه كل كلام الحب بس هو حتى فديتج مايقولي إياها..
ومن كثر نرفزتي عليه ما يمر شهر إلا وأطلب الطلاق ودوم أقوله طلقني لدرجة صارت علجة بلساني..
ولا يطلعني أماكن ولا الأسواق وأنا نفس كل بنية أحب ألبس وأكشخ بس حقه وكفاية إن ماعندي ربيعات.. بس هو يقول حق شو الخسارة ..
وأكثر ضرابتنا في الإجازات عشان ما أطلب منه يطلعني..
شو الحل وياه؟؟؟

 

[سوسنة القدر]

كيفك حياتي
حبيت اني اشكرك على هالموضوع الرائع
اكيد متل صاحبتو لذي:icon26:ذ​

 

[عاشقة الاحلام]

معليش بس نسيت اذكر ان انا وخطيبي في نفس العمر بينا بس شهر انا اكبر منه ودايم اي شئ يصيراو حتى اخرمشكله معه اقول بخاطري اكيد عشان انا اكبر منه اندم اني وافقت على شخص اصغر مني مع ان الفرق مايسوى شهر ودايم افكر اقول بعدين لاكبرنا يمكن يتزوج علي وابين اكبر منه بساقول لا مع الأهتمام المرأه تبين اصغر ؛؛؛ بالعربي وسوسه مدري شرايك مع العلم انه يكلمني باستمرار ويسمعني احلى كلام متعلقه فيه مره وهو بعد سعيده معه بس ماعدا المشاكل إلي ذكرتها؛

 

[ام بروكي]

حبيبتي .. ولا يهمج .. ولا تهتمين .. اصلا باين من وصفج لأم زوجج وبنتها انهم ناس للأسف مرضى نفسيين يحملون في طياتهم الحقد وحب المشاكل ..يحبون يخربون على الغير .. بس كل هذا لايشغلج .. ولا تهتمين فيهم احسن شئ حبيبتي انج استقليتي بشقه بروحج مع زوجج الوفي .. وهذا احسن ماسويتي .. حاولي اتحاشينهم قدر المستطاع لا تعطينهم فرصه لان يخربون عليج حياتج .. واذا جاء زوجج من عندهم لا تستسلمين للهواش بينكم علشان يكون دايما في صفج .. لا تكرهينه بأمه او اخته ولاتقولين عنهم شئ تحرجينه المسكين ..لا .. بس خليه بين كل فتره وفتره يزورهم .. وزوجج ترى باين عليه فاهمهم .. وعارف حركاتهم .. لا تحاتينه .. ماراح يتأثر فيهم .. مادام انه يحبج ومادامج مريحته .. واكرر لج لا تهتمين لمواقفهم معاج خليهم صفر على الشمال .. ولا تسمعين لهم ..بس اذا شفتيهم قولي لهم الكلام الطيب وحتى لو سمعتي منهم كلام مثل السم .. ابتسمي .. ولا كأنه يهمج .. وفعلا لا يهمج .. امشي وراسج مرفوع .. وقولي في قلبج مساكين مرضى نفسين .. ماراح اشغل بالي معاهم ..​

وانبسطي بحياتج وستانسي بزوجج وولدج ..والله يوفقج ياقلبي ..​

تسلمين يااقلبى على الرد جعل ايديك محرمة من الناراللة يفرج همى وهمكم ياارب
ا

 

[بنوتة زوجها]

حبيبتي المستشارة كتبنا مشكلاتنا في موضوعك الاول ولم يتم الرد عليها ماالمشكلة اسعدك الله

 

[*روعه*]

جزاكي الله خيرا على ما تعمليه لنا .. ومن اجلنا .. مشكلتي مع زوجي انني عندما اود الذهاب الى اهلي فانه يعتمد على اخي في توصيلي (بحكم انه يعمل في نفس منطقتنا ويرجع منها الى بيت اهلي حيث يسكن مع زوجته) .. ولكن المشكله انه دائما ما يعتمد على اهلي في توصيلي عندما تكون هناك مناسبات فاذهب معهم واعود معهم وكانني لست متزوجه .. الا نادرا وعندما اصر واذل نفسي .. لانني اصبحت احرج من اخي .. فكيف اعجعل زوجي هو من يلبي طلباتي ويقوم بتوصيلي حيث اريد ويتحمل مسؤوليه ذلك؟؟!!

ومشكلتي الاخرى ان زوجي يؤجل طلباتي كتيرا فاما انه ينساها او يردد ( بعدين بعدين ....) فماذا افعل ؟؟؟؟
تحياتي لكي منتظر اجابتك

 

[الجوريه@]

بصراحة تعبت من زوجي حياتي ممله كرهت الزواج كيف غيرره ما يهتم فيني وبنته كله داخل الشات وبعيد عني وانا ابي ارجعه لي كمثل اول كيف ابي حياتي ترجع انا احبه بس تصرفاته كرهتني فيه ابي زوجي يرجع لي بس ابي رد سريع