زوجي يبغاني أصير بيضاء

[ماهقيتها منك]

وبجربها ان شالله
ابي الق قبل العيد
ويالغاليه ارسلي لي الخلطات المجربه اللي تجيكي عالخاص اكيد جاكي عالخاص

ابشري

 

[ماهقيتها منك]

ثقى بنفسك وبس انتى ربى خلقك كدة

جزاك الله خير مرورك اسعدني

 

[الاسكادا]

شوفي حبيبتى فى حبوب تبييض اسمها غلوتاثيون سعرها غالى بس حلوين وفى ابر تبييض وما منها اضرار نهائى كل الحريم الحين هابين فيهاعرف وحده من ثالث ابره صارت قطنه الجسم كله مو بس الوجه وادعيلى يالغاليه ان الله يسخرلى زوجى ويهديه ويرزقنى بالذريه الصالحه

 

[ماهقيتها منك]

والله ياأختي البياض مشكلة وماندري كيف نحصل عليه ,والأهم صفـــاء البشرة اللي من وجهة نظري أصعب بكثيييييير من البياض ,وماأدري كيف البنات تتغير بشرتهم أنا الحمد لله مو سمرا بس البياض اللي مو صح يعني مره تقولين عادي ومره تقولين بيضاء بالمختصر بشرتي مو صافيه لذلك مايبين لوني صح اللي يعرف شيء يصفي الوجه يقولي اكون شاكره له



سمعت بحبوب التبيييض وسمعت انها خطيررره لذلك رحت لأرمال وأخذت الحبوب لأنها شركة آمنه توني أبدأ بس يوم أستخدمها ويوم اتركها , تعرفين مع رمضان مافيه وقت انتظم عليها جربيها شوفي ,, وأي تغير يصير ابلغك فيه

* * *

موفقــة يالغالية الله يسخر لك زوجك
دعواتك لي بالزوج الصالح ..​

ماقصرتي يالغلا اسعدك الرحمن بس الحبوب الي عند ارمال مستخدمينها ناس اعرفهم وما تغير شي الله يفتح لنا ياكريم:sad_1:

 

[ماهقيتها منك]

حبيبتي
ارسلي لي عنوانج وانا ارسلج الدلكه
بدون فلوس بس الشحن عليج
الله يوفقج

برسل عنواني لاكن بتاكد هل موجوده عندنا ولا لا مابي اكلف عليك وان اخذتها منك برسل فلوس لازم
وجزاك يارب جنة الفردوس الاعلى ياكريم (ابي اسال كيف طريقتها) احسن الله اليك اسعد قلبك ووفقك دنيا واخره:icon26:

 

[g1del]

شلونكم بنوتات ان شاء الله طيبين

قبل يومين رحت للحواي و شريت اغراض حق خلطة قريتها بمنتدى كاتبتها وحده اسمها : مزيونة و شقرة من منتدى كويتي

ذكرت اسمها لأن طلبت هالشي

المهم هالخلطة عجبتني وااايد وااايد لأني استغنيت عن الصابون العادي فيها و بنفس الوقت لقيت فيها النظافة و التبييض للجسم

بحط لكم الطريقة نقلا عن العضوة .. بس الصور انا مصورتها لكم


المكونات


1-صابونه الكركم ---------------- ( تبييض+ نظافة+ تشيل الحبوب الدهنيه بالجسم )
2-صابونه الغار-------------------- ( تبييض + نظافة وتشيل الحبوب وتصفي)
3-صابونه السحرية------------------------ ( تبييض)
4-صابونه البابايا --------------------------( تبييض + تشيل الحبوب وتوحد اللون)
5-ماي ورد قلاص وربع------------ ( ترطيب نعومه تبييض)
6-اشوية كركم جسم ------------------------( تبييض)
7-ملعقة كبيره ملح خشن ---------------( تطهر الخلطة + نظافة)
8-ملعقتين كبار سفيد اب مطحون- ---------- ( تبييض)
9-ملعقة وسط نشا----------------- ( تبييض + لتماسك الخلطة)

طبعا بالصورة اللي على اليمين تشوفون زيت اللوز المر و اهوه مو مكتوب من مكونات الخلطة بس هذا اعتبروه شي اختياري بعدين بقول لكم ليش

الطريقة :

نبشر صابونه الكركم وصابون الغار و الصابونه السحرية وصابونه البابايا

نبشرهم في المبشاره مالت السلطة

ما ودكم تاكلون الصابون ؟ انا ودي

نخلي الصابون المبشور على جنب ..


نأخذ جدر ضيج اشوي ما يكون كبير ونحط فيه قلاص وربع ماي ورد
ونحط السفيد اب ملعقتين كبار
وبعدين الكركم اشويه
وبعدين ملح خشن ونحركم ونحطهم على النار
وإذا سخن اشوي بس الماي نحط الصابون كله مع بعض ونحرك راااح تلاااحظين انه على طول بيسيح ويذوب مع ماي الورد الحار ونحرك لحد ما يندمج ويصير مثل الخلطه جنها عصيدة <<< طاااع التشبيه المهم

أي والله صج بيذوب وتتكون عندج الخلطة والحين إذا سخنت الخلطة وبدت تبقبق اشوي حركيها بعد اشوي وإذا حسيتها اندمج مع بعضها المكونات وصارت على شكل خلطه وشيليها من النار وحطي قفشه النشا على طول واهيا حارة على الخلطة وحركيها عدل

وبعدين تكون الخلطة جاااهزه فرغيها بس في علبه ونطريها على ما تبرد ونبدي نستخدمها عااادي وراح تكون مثل أي صابون عاادي ماراح تخترب ولا راح يضرها شي إن شاء الله

طريقة استخدامها:


مع كل استحمام استخدميها اخذي كميه في ايدج وفركي فيها جسمج كااامل ومع الوجه حتى الرقبة والمنطقة الحساسة والإبط وخليها عليج من 2- 3 دقايق او اذا تبين اكثر وغسليها والتنتيجيييه شي خيااالي بيااض ولون منور وحلو

وبعد الحمام بعد ما تنشفين جسمج دهني جسمج في أي كريم مرطب للجسم عشان تزيد النعومه وترطبين الجسم بعد الصابون

تقدرين تستخدمين زيت اللوز المر عشان جذي شفتوه بالصورة

او تستخدمين اي مرطب على ذوقج


ملاحظة حبوبية

لمة تحطين قفشة النشا داخل الخلطة في آخر خطوة حوسيه بسرعه و عدل عشان ما يصير كتل ==> نفس الباشاميل

ملاحظة ثانية انا استخدم الخلطة مع الليفة المغربية ميية مييية

و كل الشكر لصاحبة الخلطة و لي على النقل و التصوير لوول

منقول لعيونج,,,,,,,,,,,

 

[ماهقيتها منك]

شوفي حبيبتي ....إنتي مشكلتج مو سمار بشرتج ولا زوجج اللي يبيج بيضه

مشكلتج اهي إنتي ....لاتزعلين مني حبيبتي إنتي تحتاجين كلام صريح من إخت محبه لك

مشكلتج انعداااااااااااااااااااام الثقه في نفسج

نصيحه النت مليااااااان دورات عن الثقه بالنفس

تعرفين لو استعدتي ثقتج بنفسج راح تكتشفين مزايا كثيره عندج وراح تجذبين زوجج

لو البياض مصدر للسعاده الزوجيه كان شفتي الزوجات اللي يتصفون بالبياض أسعد الزوجات

أعرف وحده عمانيه أيام الدراسه سمره جدا لكن لها شخصيه راااااااااائعه وخفة دم ومواهب وكانت شخصيه محبوبه وكانو خاطبينها 4شباب وأولهم ولد عمها اللي أحلى منها وأبيض بعد لكنها رفضته وتزوجت مهندس (لاحظي إهي اللي ترفض وتقبل ولا قالت سمار ولا بطيخ)

انتي بس كتبي على قوقل دوره للثقه بالنفس والله يخليج حاولي تطبقين اللي تقرينه

وقولي للي كانو سمر وصارو بيض يديرون بالهم لاتحوشهم هشاشة عظام مالكورتيزون الزايد
علاقتج مع زوجج صابها فتور مو بياض ولا سمار وهالحاله تحدث بأحسن العائلات

بس استعيني بالله وادعي ربك اللهم استر عنه عيوبي وجملني في عينه
في وحده قالها زوجها فلانه (وحده من خواته)ماشاء الله عليها مليانه (والزوجه نحيفه وزوجها بعد)قالت له طيب هي طلعت على ابوك كان انت طلعت عليه ؟؟؟وماعاد يجيب طاري النحف

يمكن كلامك صحيح يالغاليه لاكن دائما المراه تحاول تشبع زوجها بالي تقدر عليه والي ماتقدر عليه تموت من الضيقه والهموم :tears: اسال الله ان يسعدك وين ماكنتي واخواتي

 

[ماهقيتها منك]

الله يعينج

امين جزاك الجنه

 

[ماهقيتها منك]

انا اقولك حل
اخذي صبغ ابيض وكتي علي روحج من فوق لتحت وقعدي جدام المكيف لين تيبيسن وبتصيرين بيضه

ههههههههههه ضحكي حبيبتي وخليه يولي
اشعليج منه
لا تبنين له انج مو واثقه من نفسج

شكلي بسوي كذا اخر شي هو اخر الحلول:icon26:

 

[ماهقيتها منك]

الله يوفقج يا رب

ويسخر لج زوجج

ياحلو الدعوه الله يحلي قلبك بالايمان

 

[ماهقيتها منك]

الله يفرج همك أختي
بس حبيت أوضح لك أن خلط الكريمات مع بعضها خطر جدا لأنه يخرج مركب جديد غير الأول حتى لو كان الأول مصرح من وزارة الصحة سمعت الدكتور جابر يحذر منه أكثر من مرة
أسأل الله العلي الكبير أن يحقق لك كل ما تتمني و يسخر زوجك لك

صدقتي انا سمعته يقول كذا ربي يسعد قلبك على الدعوات ويحقق لك رضى ربي والسعاده في الدارين والمسلمين اجمعين

 

[ماهقيتها منك]

والله يا خيتوو ........ الله يسهل عليك


انا اعرف ناس من قرايبنا حنطاويين وكانو يبون يصيرون بيض

فستخدمو OLAY اوليه.لتفتيح البشره .... تعرفينه طبعا يبعونه بالصيدليات
يستخدمونه 3 مرات في الاسبوع على الوجه واليدين والرقبه

وماشاء الله بعد فتره صارو .....

والله ابيضو عن قبل بواجد حتى الا يشوفهم يقول هذولي بيض مو حنطيين

بس فيه عيب انه لما تتركيه اقصد الكريم OLAY فتره ماتستخدميه ترجعي سمراء نفس لونك الطبيعي
واذا داومتي عليه تبيضين ...


انشاء الله تستفيدين يااارب

اعرف ناس مستخدمينه مافادهم مادري يمكن البشرات تختلف
ربي يسعدك مثل مااسعدتيني في ردك وتعاونك

 

[ماهقيتها منك]

بصرحة ااني عندي اعتقاد يخصني وحدي يعني وجهة نظرالي
ان لوحدة كل ماتقرب الى ربها با الصلوات والعبادات وخصتنا صلاة اليل كلما زاد وحهه نور واشراق وتزداد بيضنا راباني

نعم بياض (بياض القلب نسال الله ان نكون منهم) اما البياض (البشره)وجهة نظري تختلف عنك يالغاليه
لان فيه سمر اهل عباده وصلاة وفيه عندك بعض الاوربيين بياض نجف ماسجدو لله سجده
هاذا وجهة نظري واحترم وجهة نظرك الله يوفقك دنيا واخره :icon26:

 

[ماهقيتها منك]

احمدي ربك على النعمه والله سبحانه خلق الانسان في احسن صوره وخلي عنك هالخرابيط كلها امراض وخليك واثقه من نفسك

الحمد لله على كل حال واسال الله ان يعطيني مااتمنى وهو راضي عني

 

[ماهقيتها منك]

حبييييييييبتي انتي
فهم ريلج ان البشره ما يتغير لونها وتبقى على طبعيتها و شو استخدمتي الا مثلا الكلف تزيله بعض الكريمات
حروق الشمس تزيله الكريمات
اما لون بشرتج الطبييعي فلااااااااااا مستحييل يشيلها كريم والبنات الي عقولتج انقلبو بييض تلقينه من الاساس هم بيض بس اثر على بشرتهم شي خلاهم يسمرون واستخدمو كريمات وخلطات ورجعت بشرتهم مثل ما اهي

حبيبتي فهمي ريييلج
واهههههم شي حبييييي لونج اللون الحنطي حلوووووووو انا حنطيه وما ابين والبسكل اللواااااااااااااان وابدل ملابسي جدامه وماكد علق لا وازيدج بعد مرااات اذا ابي اغير استخدم بودرة البببتش الي هي لون الشاطيء يخليني برووووونزززي ألبس لبس بحرري بلعكككس حبي بشرتتتج حبيبتي وهو بيحبها

اسال الله ان يقنع زوجي ببشرتي

 

[ماهقيتها منك]

بنات حبايبي بليييييز البنت نفسيتها تعباااااااانه
لا تدخل كل شوي وحده تعطي دروس في الثقه ,, قالت لكم المشكله في زوجهاااا يحب البياض
يعني انا مثلا لو تزوجت واحد يمووت على الشعر الطويل وانا شعري قصير هل لو كنت واثقه بيحب قصر شعري!
حبيبتي هذا رقم العياده 2120000(01) اطلبي يحولونك على الاستشاري الجلدي عبدالمجيد العجلان وكلميه اذا ضروفك ما تسمح تروحين له وقولي له مشكلتك يمكن يحن قلبه ويعطيك الوصفه لانه معروف بطيبته

يالله ياكريم انك تفرج لكل وحده حاسه فيني
قال الرسول صلى الله عليه وسلم(خير الناس انفعهم للناس) اسال الله ان يجعل لك من كل ضيق مخرجا ومن كل هم فرجا اسعدك الرحمن:icon26:

 

[ماهقيتها منك]

آختي ردي موقصده اني اجرحك لاوالله بس استغرب من البنات تبي تصير بيضا بالقوه يااختي ربي خلقش كذ1 ..خلقه اصل وفصل ماتقدرين تغيرينها واذا تبين تصرين بيضاء عليش في خلطات وخرابيط ماوراها الا المرض ليش تمرضين نفسش عشان رضى زوجش لو مرضتي زوجش راح ينتبه عليش لاوالله راح يطق براسه وحده غيرش انا ماقلت الاالصراحه لاتصدقين اي وحده تكتب عن الخلطات وابر وحبوب تبيض كلها بس تقولين منظفات للجسم لاتبيض ولا هم يحزنون اخذيها مني نصيحه لوجه الله .. والسموحه على ردي والي رسلت لي خاص افهمي قصدي قبل تحكمين علي موانا اجح ناس مااعرفهم وانا حاسه في الاخت الله يكون بعونها ويهدي زوجها ..
بس بقولش حاجه لو زوجش يحبش ماقال ابيش تكونين بيضاء الرجال لو حب وحده يحبها بعيوبها مهما صار..
الله يوفقكم .. سلام ..

ادري اخيه انك كاتبته لمصلحتي لاكن غصب علي تضايقت لاني حالتي تعبانه:sad_1:
اسال الله ان يهدي قلوبنا ولايجعل الدنيا اكبر همي

 

[ماهقيتها منك]

الله يبيضك ..


\\


ماعندي خلطات والا كـآن فدتك

ياقلبي ربي خلقك كذا ومافي احلى من خلقة ربي .,.

بس أشوف انك توحدين لون جسمك يعين تخلين المناطق الداكنه


مثل الركب الاكواع سمـرآ مثل لونك بكذا يكون شكلك تمام


امــآ انك تنقلبين لبيــضاء مو صحيح اهتمي ببشرة وجهك وخليها صافيه


وادهنيها بالليل بفازلين والصبح اغسليه تطلع نضــرهـ .,.




الله يسخر لك زجك ولا يششوف غيرك .,.




<FONT size=4><FONT color=sienna>

 

[ماهقيتها منك]

قولي لزوجك انا كذا راضي ولا مو راضي
انا غير كده مااقدر اسوي شي
ولاتعطي الرجال مجال يتحكم في لونك
صحيح زوجك على عيني وراسي
بس قاعد يطلب المستحيل
وانتي لاتكبري راسه قولي له ماقدر ياابن الحلال
انت خذيتني كده محد غصبك علي
تقبلني كده انا دورت حلول ومالقيت

ونصيحه لوجه الله
لاتعبي نفسك يااختي خلطات وخساير
الله يخلي البودره وخافي العيوب وانتي حره

الله يوفقك ياقلبي

ماقصرتي الله يفرج همي وهمومكم

 

[ماهقيتها منك]

انا استخدمت دريموفيد اللي لونة اخظر


ومن جد فرقت جسمي بشكل ملحوظ

انتبهي يشقق الجلد :sad_1: اسعدني مرورك على موضوعي