اهليييييييييييييييييين الفتاة الصامته اشتقنا لك
ومبروووك تحسن زوجك ان شاء الله للابد
البارونه بأقولك بس ياويلك تقولين علي تافهه لان ما ادري وش اسوي بحسسيتي الزاااااااايده
اممممممممم من وين ابدأ
شوفي انا من اول ماتزوجت وزوجي بس يسولف علي عن اسفاره هو واهله واصدقائه وكيف انه كان ينبسط معاهم.........
بصراحه انا غرت لازم يمدح السفر معي ولا بعد ابغاه ما عاد يبغى يسافر الا معي انا وبس
المهم بعد زواجنا بعشره شهور سافرت انا وياه الشرقيه وبعدها باسبوع بس سافر هو واصدقائه
يوم رجع على طووووووووول سألته ايا احسن الروحه معي او مع ربعك هو بصراحه جلس يفكر شوي وانا بديت اغلي كنت متوقعه يقولي معك طبعا ((واااااااااااثقه انا ووجهي)) ثم قالي السفره معك لها شكل ومع ربعي واهلي لها شكل ثاني بصراحه هو كلامه منطقي
بس انا مافهمتها كذا انا فهمت روحي انه لا معناتها ينبسط معاهم اكثر
والله وكيلك صرت كل مره يجيب لي فيها طاري السفر قعدت اسوي له موال انت ماتحب السفرات معي انت بس تقولي كذا تجاملني او اداء واجب ومن هالكلام وصارنا كل ماجا طاري سفره نتخاصم الى اقربها هاليومين سالني وش رايك نروح مكه ناخذ عمره اول شي قلت طيب وبعد يوم جيت قلت له صراحه اخاف من انفلونزا الخنازير قالي اجل كيفك لاتروحين انا باروح انا صراحه ضاق صدري وسكت انا شوي وهو يسولف وبعدين قالي هاه ايش صار عليك احجز لك او لا ؟
قلت لا صراحه شكلك ماصدقت خبر اني اتلكلك قمت وقلت لي لا تروحين روح مع اخوياك...
فقال انا لله وانا اليه راجعون وانت سبحان الله كلما جا طاري روحه او جيه لازم تنكدينها بشغلك
هذا ماادري متى بتعقلين
ومار انا تولع في راسي لمبه واتذكر كلام كوين ياحبيلها وسالفة الجنوبيه وحساسيتها الزايده
وعقلت وصلحت الموضوع وحجزنا سوى بس ادعوا ربي انه يتاكد حجزنا لاننا متأخرين شوي
وتوته توته خلصت الحدوته
بصراحه عورني اصبعي الله يكون في عون اللي يكتبون القصص اثر الدعوه مو سهله
)
