♥شات الامهات الحوامل لسنة 2009 ♥

[عهووووود]

هلا خيتو ام راكان سوري والله كنت شابكه من الموبايل دقايق وطلعت ومانتبهت

 

[~ ناريز ~]

هلابك ام راكان
قربوو الحبايب آثاريهم كلهم من هوني
منورة يالغلا كيفك

 

[هند بنت عتبة]

مساء الخير حبوبات اخباركم ان شاء الله تمام

 

[هند بنت عتبة]

هنوووووده صراحه مره كيوت اختيارك
الميداليه والشموع آكثر شئ حلوين حيل
هههههههههههه شجعتيني يوم شفتها شكلي بغير رآيي

شنو كانت فكرتك عشان تغيرين رايك اتحفينا بها

اممم انا تشجعت واليوم طلبت الشموع على شكل المرضاعة وبعد اسبوعين توصلني الطلبية

 

[~ ناريز ~]

مساءك عسل
حياك هنووووده كيفك

 

[هند بنت عتبة]

هنوودة روعة الهدايا خصوصا الاولى (الميدالية) مره روعة اعجبتني لاانها مو تقليدية

لاني مااحب الوردي والازرق احس مليناها ..

.. انا عني كنت مثلك مرة محتارة بس بالاخير ماسويت شي لان مافي غير حمولتي وحمولتي مايسوون ذا الحركات فماتحمست ...

اما عماتي وخالاتي عادي مرة امون عليهم ..

بس خليتوني اتردد اللحين وش رايكم اسوي شي ولا بلاش ...؟

اممم الحمدلله انا كنت مترددة وتشجعت وطلبت الشموع الي على شكل مرضاعة

يعني من باب التغيير الكل قال اذا بخاطرج لا تخلينها سويها

 

[هند بنت عتبة]

اهلين ناريز انا بخير الحمدلله انتي اخبارك

 

[~ ناريز ~]

الحمدلله ماشي الحال
لكن مادري اذا ماكلت شئ قالو البيبي ضعيف وان آكلت اتضايق بطني حيل
صرت كل ساعه ونص آكل شئ خفيف بس ماشتهي

 

[هند بنت عتبة]

باجر عندي موعد الترا ساوند >> ان شاء الله خير

 

[هند بنت عتبة]

احسن لج حبيبتي الافضل انه الوحدة كل شوي تاكل ش يخفيف يعني وجبات متقطعة

والله يطمن قلبج عالبيبي يارب

بس احس شي طبيعي الحركة تخف وقت الصوم انا لي فطرت تزيد الحركة وترا نفسك ما اقدر اكثر احس بطني ينشد علي

 

[~ ناريز ~]

الله يسهل عليك ان شاء الله تطمنينا بالخير يارب
انا كنت كذا وبالعكس حركته حتى وانا صايمه جدا طبيعيه
ولا افطرت زادت
بس كلامها شككني مدري
ان شاء الله الاسبوع الجاي تطمني الاستشاريه

 

[هند بنت عتبة]

احسها تبالغ شوي

اصبري والله كريم ....

 

[هند بنت عتبة]

الا متى بتجههزين شنطة المستشفى

 

[~ ناريز ~]

هنوده :detective2:
الا بتخوفيني استني خلينا نحضر العيد ونفلها وبعدها نجهز للمعركه ربي يسهلها ياكريم:tears:

بس وش بتحطين انتي فيها ..؟

 

[هند بنت عتبة]

ههه صدقتي بس من الحين شاله هم

اممم بحط لي قميصين نعومين وملابس داخلية طبعا وشريت لي طقم فوط وشيل طبعا

وللبيبي كم لبس للنوم + صداري لانه بيزوع وايد + سليبنج باج للاستقبال ( شريته وخلصت )

ويعني ادوات النظافة ..

في شي نسيته ذكرينيي

 

[~ ناريز ~]

من ناحيه الهم عسى الله يفرج لنا :sad_1:
امممم تقريبا نفسك .. بس ازيد رضاعه للبيبي وحليب لانو مايعوطن عندنا يقولون رضعيه صدرك .. وتعرفين مو على طول يمسكه ويخلونه في الليل عندك انواع الصياح فأصير احط لو 2 سم
وماما تقول اخذي لك علبه صغيره فيها زنجبيل اذا جابو لك الحليب حطي منه شوي يلين آرحامك
وشاحن الجوال :bleh: يوم ولدي خلصت البطاريه وكأني أبعدت عن العالم لين جابلي اياه رجلي

امممم بس تقريبا :icon26:

 

[~ ناريز ~]

ناويه تعطينه رضعه صناعي ..؟
انا مفكره طبيعي ان شاء الله بس شايله هم لاني بداوم مو معقوله بيجلس من الصباح الى الظهر ينتظرني :fish:
بعطيه ع خفيف بس عشان يتعود لها مع الطبيعي ..
وش نوع الحليب اللي تسمعين فيه حلووو

 

[ريم الغزلان]

السلام عليكم ’ ..

شحالكم يا نسآوين ’ <<جمع نسوان اونه خخخخ

والله انا ما شريت شي [ غير افرهول واحد ..

ما ادري شو اشتري بالضبط ’
هاي اول حمل لي’ ..

 

[~ ناريز ~]

هلابك ريم الغزلان
ليه ابدي من الحين اسهل لك لان بالشهور الاخيرة بتصيرين ثقيله وما لك خلق حق السوق

 

[ريم الغزلان]

رحت كذا محل’
ما عندهم كلكشن شتوي
وقالوا لي تعالي بعد رمضـآن’ ..


ما لقيت غير افرهول .. طقم معاه القبعة والافرهول الداخلي والـمريلة

بس .. !!


ابتدي بشوووو ’