معاي الحوار الثالث بسم الله..
الساعه 7 يصحى خالد على رنة المنبه..
خصلة من خصال الشمالي الوقت من ذهب واعتماده على نفسه في هذه الامور الهامه مثل الاستيقاظ الى العمل يصحى 7 لان دوامه يبدأ 7 ونص مثلا في حين الجنوبي دوامه 7 ونص يصحى 7 وربع يقول يمدي عادي..
حبيبي تبي فطور؟
خالد.. لا شكرا..
خالد رد ب لا شكرا تعرفون ليش مو عشان مايبي فعلا فطور بس عارف ان الفطور بياخذ وقت وبيتاخر عن الدوام..
هنا ندى غلطانه والتصرف الصحيح اذا كان زوجك من النوع اللي يوميا يفطر اذا توقيت المنبه والاستيقاظ قبله ب 10 دقائق او ربع ساعه على حسب نوع الفطور ويصحى يكون جاهز.. اذا كان من النوع اللي يوم يفطر ويوم لا معناته السؤال يكون قبل النوم عشان تحضرين له الفطور بدون اي تأخير.. هذا بالنسبه للجنوبيه الشماليه ممكن تصحى معاه وفيما يلبس يكون الفطور جاهز راجع الى سرعتها ايضا واهتمامها بالوقت..
ندى.. اوكي تبي اكوي لك شي للشغل؟
ايضا غلط السؤال هذا كان لازم يكون باليل مو الصباح ياندى خصوصا ان زوجك انسان مايحب يتأخر على دوامه فحاولي ان اغراضه دايما تكون جاهزه..
خالد .. يذهب اليها يوووه لين الحين ماخلصتي خلاص جيبيه بس موب لازم تكملين كوي ويسحب الشماغ ويطلع.
ردة فعل جدا طبيعيه الرجال تاخر عن الشغل. خصله في الشمالي مايحب يجامل على حساب هدر الوقت..
لو جنوبي يمكن ردة الفعل تكون مختلفه..
تذهب الى سريرها وتبدأ بالبكاء وتتصل على خالد ولايرد عليها تتصل مره مرتين وثلاث.... ولايرد تبكي اكثر
خصلة يجب تغييرها في الجنوبيه وخصوصا الشرقيه وهي الحساسيه الزايده عن اللزوم كان ممكن يكون تصرف ندى اكثر حكمه وهو اسوأ الاحتمالات مسج صغير تقوله اللي صار اليوم ماراح يتكرر وان شاء الله مايصير خاطرك الا طيب .. مسج بيسعد الشمالي جدا بدال البكي والصدمه وانا مدري لو كلمته وش كانت بتقول اصلا ..
يدخل خالد الى البيت وندى حزينه فهي لاتستطيع ان تبتسم بوجهه بعد ان طنش مكالماتها ومسجها ..
خالد.. بابتسامه عريضه السلام عليكم.
الشمالي رضى لما عرف ان ندى حست بغلطتها ونسى الموضوع اصلا والدليل انه راجع مبسوط ولا كانه شي صار لاحظوا كيف الشمالي بسرعه يرضى وينسى مايشيل بخاطره ويرجع يكمل هواشة الصبح..
ندى.. بكل حزن وتكشيره وعليكم السلام.. احضر الغدا؟
غلط ليش التكشيره الرجال داخل تعبان من شغله ومبتسم وانتي مكشره عشان مارد على مسجك طيب مو كفايه هالابتسامه تطيح الحطب كله..
ندى.. انت ليش مارديت على مكالماتي اليوم؟
تحفر في نفس الحفره مجددا والموضوع بالنسبه له انتهى..
ندى .. طبعا انا مسجاتي ماتنتبه لها ومكالماتي ماترد عليها بس لو احد من ربعك كنت رديت وتترك السفره وتروح السرير وتبدا بالبكاء..
الشمالي يكره الخصال التاليه التشره والعتب ومقارنتك باصحابه والبكا على الفاضي والمليان..ممكن ببداية الزواج يجامله ويطبطب بعدين بتصير دموعك عنده عاديه جدا لانك كنتي تظهرينها على سبب تافه او سبب قوي تساوت عنده الامور..
خالد.. اوكي خلاص ندى لاتخربين اليوم علينا سالفه وانتهت خلاص عاد
مافي شي يستاهل كل اللي انتي مسويته ياندى الرجال مسالم مايبي مشاكل..
