شماليه وزوجى جنوبى...وبيننا خلاف...ساعدونا ..وارشدونى للحل

[محتاجه زوجى]

السلام عليكم..
بحكى لكم حكياتى.. ويمكن اطول بس.. ابى منكم المشورة..ايش اعمل ..وكيف اتصرف؟؟؟
ماابى اخرب حياتى...وفيه طفل قادم..
انا سبق لى الزواج.. من رجل مطلق..وجلست معاه 6 أشهر.. كانت الجحيم بعينه..وماكنت حاسه..لانه..كان(...)واشياء كثيرة وهربت لبيت اهلى..وطلبت الطلاق وساعدونى اهلى ومارضى يطلق..الا لما دفعنا كل شئ دفعه لنا من شبكة ومهر وهدايا كل شئ يعنى..وفوق هدا طعن فى شرفي..مع انه بنفسه اخدنى للدكتورة وكشفت على وقالت انى لسه عدراء وماغفر هدا الشئ لي.. جلست مدة 6 أشهر في بيت اهلى وتم الطلاق ولله الحمد...وبعدها جلست 6 أشهر وتمت خطوبتى مع انى كنت رافضة وشايله فكرة الزواج من رأسى الا انى ماوافقت الا بعد دموع امى وابويا ومرضاة لهم..وتمت الخطوبة والشوفة والزواج فى غضون شهر..لان اهل المعرس الجديد كانوا مستعجلين ..لانهم اخوين مع بعض...
الآن انا لى سنه وشهر على زواجى الثانى والحمدلله فى نعمة كبيرة لو قارنت بزواجى السابق....
من بداية زواجى عرفت ان زوجى خجول كثير.... وصارحنى بحبه لابنة خاله وعدم موافقة اهلها لتزويجه منها وتزويجها بشخص آخر وكيف ان هدا الشئ أثر عليه..وابعد فكرة الزواج من رأسه مع ان امه كانت تحاول فيه وخطبونى وهو مايدرى.. لحد ماجاء شافنى ووافق..وعلى كلامه انه كانت امه تخليه يشوف بنات من العائلة وخارج العائله لكى يوافق على الزواج...ويقول انتِ اول انسانه اشوفها واصلى استخارة واكون راضى بخطوبتها ....وتم الزواج السريع...
من اول زوجى لاحظت انه اجتماعى على حسب مافسر لي... لانه كان مايحب نجلس لوحدنا..
يعنى اخدنا اول ليلة فى الفندق ثانى ليله طلعنا للشاليهات وسكن هوه وخاله فى نفس الشاليه..وتضايقت كثير من الموضوع..مع ان اخوه الصغير واللى كان مملك قبله بسنتين.. كله بروحه مع مرته ..وماسكن مع اهل زوجته..اللى حنا سكنا معاهم..تخيلوا...
وبعد يوم واحد خرجنا واخدنا شقة مفروشة مدة يوم واحد وسكن معانا اخته وزوجها واولادهم وماكان فى الشقة الا حمام واحد بس وشوفوا المعاناة لعروس جديدة؟؟؟ تخيلوا ماراح احكى بس تخيلوا..
ماقدرت اتحمل ثانى يوم وطلبت منه نروح لبيت الزوجيه او بيت اهلى خلاص انا تعبت..
هو قال خلاص اصلا رايحين...
أكمل بعد شوى.. دعواتكم

 

[الدلع مني وفيني]

اكملي حبيبتي منتظرتك والله يسخرلك زوجك

 

[ألماسة آسيه]

نحن في الانتظار يالغاليه

 

[محتاجه زوجى]

(شماليه وزوجى جنوبي) تعديل الموضوع

وابتدى المشوار... اناطلبت من ابويا كدا شرط عشان يتم الزواج.. وابويا قال طيب..واكتشف بعد الزواج انه مافى الا شرط واحد تحقق الا وهو الوظيفة.. انى ماانحرم من وظيفتى ..وبقية شروطى بلعها الهواء:schmoll:...ايش اسوى ؟؟وكلت امرى لربي...
شرطهم انى اسكن مع اهله.. قلنا طيب هم فهمونا انه بيت منفصل عن بيت اهله.. بدليل انهم زمان كانوا فيه مستأجرين؟؟ حلو الكلام واهلى ماراحوا شافوا البيت الا ليلة الزواج وامى واختى بس عشان اخدوا اغراضى رتبوها فى الدولاب..
انا لما دخلت البيت اكتشفت..اولا ماهو بيت منفصل انا عايشه فى نفس البيت... وقاسمين غرفة النوم بحاجز عشان يصير مطبخ..والحمام داخل فى غرفة النوم...وعندى غرفة ضيوف وغرفة تلفزيون مااتحكم فيها لانه فيها باب على صالة امه..ولما تجى جماعتهم يكون الاجتماع فى هدى الغرفة يعنى غرفة التلفزيون..يعنى مااخد راحتى في البيت...
وفيه باب ثانى على صالة اهله..من جهة المطبخ اللى هو اصلا غرفة النوم:busted_red:...كل كلامنا وضحكنا ولعبنا انا وزوجى عند اهلة...يعنى كأننا نايمين وسطهم...وصالة اهله هدلا مقر جلستهم الدائمة حتى امه لما يجوها جاراتها تجلسهم فيها..
والمطبخ عاملينه.. بس قهوة وشاى...يعنى اروح اطبخ عندهم... واول طبخة لى لقيت انواع ال....مو كدا الطبخة ..المفروض ماتتعمل كدا..انا اسويها احلى من كدا..وتعقدت من الطبخ...
وكانت العقبة الاولى في حياتى..بعد غرفة النوووم...
بكمل...ادعولى

 

[أحاسيس وطنية]

القصص خلووووووووووووها مرة وحدة
ليش التقطيع
لانها تضيع علي وماالاقيها

 

[محتاجه زوجى]

والله شجعتونى...جزاكم الله خير...
ومشت الايام... على فكرة
1: انا اكبر من زوجى تخيلوا بـ 9 سنوات...( اكتشفت هدا بعد الزواج باسبوع ونصف) وتحطمت وبكيت...وانهرت قدامه...لانى سالت اهلى وخبوا عنى...وهو هدانى وقال ان هدا الشئ مايهمه..وكان عارف قبل الزواج بس حسيت انه كداب وانه قال هدا الشئ مراعاة لزعلى .. وتهدئة الوضع...وانا الى الآن فى عداب بسبب موضوع السن..
2: جميع اخوته واخواته يسكنون فى مناطق بعيدة عن امه..( امه ارملة) وهدا سبب السكن مع امه...
3: امه انسانه موسوسة بشئ اسمه مرض ونظافة... وعصبية وكل كلمة على لسانها..يعنى ماتجامل ولاتسكت عن شئ..شافته..سواء كان صح او غلط..ومع هدا...ساعدتنى فى اشياء كثيرة وانا ابرر تصرفاتها بجهلها.. من ناحية وناحية اخرى ..بعدين اكتب عنها
4: هو المسؤول عن الشؤون المالية لاهله بعد وفاة ابيه.. حيث ان امه واخواته البنات واخيه عملوا له توكيل يدير فيه شؤونهم المالية..
5: زوجى لايعمل بوظيفة حكومية فهو المسئول عن ادارة املاكهم بعد وفاة ابيه...
اش رأيكم؟؟؟؟

 

[محتاجه زوجى]

القصص خلووووووووووووها مرة وحدة
ليش التقطيع
لانها تضيع علي وماالاقيها

حبيبتى شكرالاهتمامك ومرورك الكريم
بس هدى حكايتى.. ومشكلتى مع زوجى اللى ابغاكم تعطونى مشورتكم فيها...
وانا بديت احس باهتمامكم.. وان شاء الله نلاقى حل

 

[محتاجه زوجى]

يابنات حبيت زوجى.. وحسيت انه يحبنى...وحسيت انى ملكت العالم كله...
وسألنى عندك جواز سفر قلت ايه قال هاتيه عشان نسافر.. قلت طيب واخترت بلد من زمان نفسي اسافر له... وسوف وماطل.. وقال امى نفسها فى بلد ثانى وامى وحيدة ولازم اخدها معايا قلت طيب نشاورها وادا ماعجبها البلد اللى انا اخترته نروح للمكان اللى تبيه..وضحك على ولا سف ولاشئ قلت اصبري يابنت هو وعدك واكيد حينفد وعده...واخد يماطل وفى النهاية.. قال ماعندى حريم يسافرون خارج بلدهم...وقلت الله يعوضنى.. ويمكن خير لى..يمكن فى السفر زوجى يضيع ويرجع لايام العزوبية..
لانه بنفسه حكى لى عن سفراته لكدا بلد.. للمتعه الحرام..وقلت له بالحرف الواحد كلنا جربنا(.....) بس كل واحد بطريقته قبل مانلتقى..زوجى خاف وبدى الشيطان يلعب فيه..قال كيف..قلت انت بالحرام وانا بالحلال مع واحد غيرك..
المهم سافرنا سفرة داخلية للبلاد مع امه واخته واولادها...وسكنا فى شقة مكونة من غرفتين وصاله وحمام واحد..وتخيلوا لان ابن اخته كبير وانا استحى منه..بالله عليكم كيف آخد راحتى..مع انى كنت شارطه عليه انه ياخد لى شقة لوحدى تعلل وقال كيف اسيب امى واختى لوحدهم طيب قلت شقة بس على الاقل فيه دورتين مياه..
وبراحه جلس يدور مالقى غير هالشقة ووعد انه يغيرها.. وماار شئ وقلت فى نفسي خليه يتحمل.. طبعا عشان المشوار بالسيارة تعبت وانهد حيلى من الطريق..واول ماوصلنا على المستشفى ونمت يوم هناك..والحمدلله..ورجعت للشقة وقلت خليه يستحمل اختياره..فكنت كل شويه اصحيه عشان يشوف طريق واروح للحمام...وطبعا السفرة هدى الغرض الاساسي منها مو التمشية وبس لا..كان عنده عرس لقرايب امه ولازم يحضرونه..وانا عشانى تعبانه ماراحت جلست مع الشغالة والاطفال..
طبعا لما كان يخرجنى اتمشى انا وهو لوحدنا كانت امه تزعل من هدا الشئ..وتتضايق واشوفه محتار..واحاول انى ابين له انى سعيدة لو كانت امه معانا..ولما نكون لوحدنا اجلس اقول له..ابيك لى انا ..ودى نكون سوى..لوحدنا ومن هدا الكلام.. وخلص الاسبوع وشفت انواع البهدله فيه .. حتى لما اى احد يعرف اننا عرسان يقولوا له..ليه هالجيش معاك ؟؟ واقوله شفت؟؟ حتى الناس اللى تعرفك واللى ماتعرفك مستغربين من الوضع ؟؟
اش فيها لو صبرت ورجع اخوك من سفرته لشهر العسل وجلس عند امك وسافرنا احنا.. وطبعا لاحياة لمن تنادى..ورجعنا لبيتهم
وكم يوم ودخل رمضان علينا... وهربت شغالة عمتى..
وتخيلوا اللى صار.؟؟؟
كانت عمتى تصحينى عشان اسوى الفطور..
طبعا..قبل رمضان كانت تصحينى الصباح عشان افطر معاها وعندها بنتها وماتصحيها...
وحملت وماكنت ادرى انى حامل .. وبيت اهله كبير..وضيوفهم كثييير.. وكل يوم سفرة للرجال.. وسفرة حريم انا وامه..واتهد حيلى ..ولما يجى اخوه ومرته فى نهاية الاسبوع يتعاملون على اساس انهم ضيوف وانا كرف.. وشغل .. ونزفت.. وعلى بالى الدورة..وجنى نزيف فى نهاية رمضان وعلى بالى الدورة...وماوافق يودينى المستشفى..على اساس انه طبيعى مع الزواج الوحدة يير فيها كدا..ومرت اخوه تدلعت والكل عرف انها حامل.. وماتشتغل ولا شئ..وكنت ابكى واقوله انا شغالة عندكم ..
وفى 3 ايام العيد حللت وطلعت حمام بعد ماتعبت...بس للاسف كان الجنين ميت فى بطنى وهدا الشئ ماعرفته الا بعدين..وفرح انى حامل وفى نفس اليوم سافرنا عند اهل امه عشان عندهم فرح مع انى ماكنت ابغى اسافر بر كنت ابغى بالطيارة او مااسافر..بس جلس يقول مافى حجز وان اخوه الكبير ( من ابوه) قال له لازم تسافر معايا بالسيارة انا ومرتى واولادى..وتخيلوا معاناة الطريق..بس الحمدلله سكنا فى فندق لوحدنا مع انه عادتهم..يكنون مع قرايبهم..وزعلت امه واقاربه من هدا الوضع..والله عداها
ولما قال لامه انى حامل ماصدقت وقالت تأكدوا.. لانه طول رمضان كانوا يدعون لى انى احمل وكانوا محسسينى انه لى 10 سنوات ماحملت.. وكانت تطلب من الكل يدعيلي
وطبعا بعد ماجينا طلبته منه نروح لمستشفى عشان اتابع عند دكتورة ماوافق وقال هدا الشئ ماله داعى..لما تخلصى شهرين نروح وبعد هواش .. رحنا وكان تم من حملى شهرين..
وطبعا ماهو عاجب امه حكاية المراجعه والمستشفى..وبعدها باسبوعين..انزف..واكتشف موت الجنين...وللحكاية بقية
فاعدرونى..لانى بصوم وابى اتسحر واصلى وادعى ربي
وبكرة راح اكمل بادن الله.. لانى محتاجه مشورتكم

 

[محتاجه زوجى]

السلام عليكم .. كيفكم حبيباتى
راح بادن الله اكمل حكايتى.. عشان تساعدونى ى المشورة والحل..والله امس بكيت ودعيت ربي انه يصبرنى ويربط على قلبي..
لما رحت للطبيبة وعرت انى حامل وبعدها اكتشفت موت الجنين كانت نفسيتى ..عدم..ناس تقول لي استنى لتسوى عملية تنظيف وناس تقول لى بسرعه تسوى التنظيف.. وانا دكتورتى قالت لى..اصبري اسبوع يمكن ينزل من وحده ونسوى لك تحاليل ونشوف..وطلعت التحاليل وطلع دمى (-) قالت الدكتورة اللحين تدخلين وتسوين عملية التنظيف لانه فيه خطر على صحتك والجنين ميت من فترة...زوجى راح يسوى اجراءات دخولى للمستشفى ..وشوى رجع وهو معصب ويصارخ ولما ركبنا السيارة قعد يقول انتى مااختارت الا هدا المستشفى الغالي ..ومن هدا الكلام ..انا بكيت وحسيت ان صحتى ماتهمه..المهم وكلت امري لربي.. وثانى يوم رحت بيت اهلى وحكيت لابوى..وقال لى احنا نكلمه وادا مايقدر على مصاريف المستشفى احنا مستعدين..مع المستشفى مو غالى لاننا كلنا كنا نراجع فيه..وعارفين الاسعار..رجع زوجى اتصل على قبل مايكلمه ابويا وقال تعالى نروح للمستشفى ..وحجز فى مستشفي ثانى عن طريق احد العمال اللى تحت كفالته..ورحت يابنات الله لايوريكم.. تحت مستوى الصفر من ناحية النظافة والخدمات..وخرجت ابكى..وقلت له شوف انا وكلت امرى لربي..وانا فى مسؤوليتك..واللى ربي كاتبه لى راح يصير.. وشوف ايش راح تسوى؟؟
المهم ودانى مستشفى ثانى وفى نفس مستوى المستشفى الاول وحجزنا عند الدكتورة.. وانا ى الانتظار جانى نزيف وعلى طول لما عرفت الدكتورة دخلتنى العمليات والحمد لله ...سويت التنظيف واخدت ابرة الدم...وقالت لى.. ان الجنين ميت فيك من رمضان ..لانه.. كان صغير يعنى من اول ماحملت.. وبصراحه زوجى ماقصر وكان هو المرافق معايا.. وحسيت قد ايه يحبنى ويهتم فينى... رحت وجلست عند اهلى اسبوع نقاهه.. واتقت مع زوجى ورجعت لبيتهم.. وقلت له لايتكرر هدا الشئ.. ولازم انتبه لصحتى.. مو شغل وكرف على طول .. والحمدلله عدت الامور على خير
حبيت اوضح يابنات ان زوجى واهله.. مستواهم المادى عالى جدا اعلى من مستوانا.. وعندهم املاك وعقارات..ماشاء الله عليهم.. بس ماهو مبين عليهم.. من فرط البخل اللى عايشينه...
شوى واكمل

 

[مون لايت]

الله يعينك .........

 

[محتاجه زوجى]

شوفوا يابنات في بداية زواجنا حبيت اشترى لزوجى هديه..دون مايدرى وافاجئه فيها... هو عرف وقال ماابغى منك شئ..ليه!!!؟؟ قال عشان ماتعيرينى بفلوسك وهداياك..قلت مافيها شئ وهدا موطبعى ..طيب اعطينى مصروف شهرى.. عشان اقدر اشترى لك منه هديه..وعدينى خير..ولاشفت شئ...
نسيت فترة حملى السابق الكل نبهنى انى مااطلع سيارة زوجى..عشانها سيارة صيد((جيب)) للرحلات والقنص وعالية فى الطلوع..حاولت اقنعه يبيع سيارته ويشترى سيارة لنا رفض مع ان سيارته لما سعرها لقاها تجيب اعلى من سعرها الاصلى...وجاتنى الصدمة..اخوه اشترى سيارة جديدة فخمة وغالية..وزوجى دفع نص الدفعه الاولى ومتحمل الاقساط...قلت له مين محتاج السيارة اكثر احنا والا هم..قال اخويا وانا واعده من زمان... وصرت لما اطلب من زوجى حاجة يقول ماعندى لاتنسين الاقساط اللى ادفعها..قلت غيري يتهنى بسيارة جديدة وانا ولاشئ..مع ان اخوه مقتدر..ويقدر يدفع الاقساط بس مانى فاهمه يابنات؟؟وزوجى كمان مقتدر اكثر من اخوه...ويقدر يشترى سيارة كاش مو اقساط..اصلا تدرون.. عرفت بعدين ان القسم اللى انا ساكنه فيه ي بيتهم وتأثيثه زوجى مادفع فيه ولاريال قله من امه فى الترميم والبويا والسيراميك...وثلاث ارباع البيت الاغراض القديمه.. وادا فيه حاجه جديد فهم مشترينها مستعمله من الحراج..تخيلوا...؟؟
حاجه تقهر...يعنى ايه البخل هدا؟!!
اتفقت مع زوجى ان البيت ناقصه اشياء وابغى اغير الاشياء القديمة من طاولات وستاير .. وكل شهر نشترى حاجه فى البداية رفض وبعدين وافق .. ويمكن شهرين بس اللى سوينا فيها كدا..اشتريت اغراض المطبخ من كاسات وملاعق للضيوف..وماكملنا...عدت سنه وشهر واحنا ماسوينا شئ..
لا وتخيلوا كنا لما نروح نشترى الاغراض الشهرية للبيت من سكر ورز.. كان من عند امه.. وبعدين يقول لي خدى اللى تحتاجينه فى علب صغيرة..ولما يخلص روحى خدى من المستودع.. جلست كم شهر على هالحال..لحد ماجاء وقت تقسيم الارث السنوى.. وماادرى ايش صار بينهم.. فانفصلوا هو وامه..وصار كل واحد مسئول عن نفسه...وقتها راح ركب عندى فى المطبخ..دواليب زيادة عشان يخزن فيها الموؤنه ونشترى الاغراض اللى ناقصتنا..وصرت مستقله بمطبخى ولله الحمد اللى هو فى غرفة النوم
وكنت لما اطبخ.. كنت اتمنى انى اخد راحتى فى الاكل مع زوجى لما نجلس على سفرتنا بس فين؟؟ ومعانا عمتى والشغالة ..حاولت كم مرة انبهه ان الشغالة مفروض ماتجلس معانا على السفرة مايجوز هدى اجنبية حرام مافى فايدة؟؟ قلت طيب هات السواق وخله يجلس معانا كمان حرام يأكل لوحده من نفس مبدأه تكلمت معاه..ولاحياة لمن تنادى..وكنت احيانا انقهر لما اشوفه يكلم الشغالة عشان تأكل معانا ..واقوم واسيب الاكل..
بس الحمد لله حليت المشكلة هدى انى كلمت عمتى قدامه وقلت لها مايصير الشغالة تأكل معانا ومن هدا الكلام لانى سألت شيخ وقال مايجوز قالت انتِ متقرفه منها.. قلت لا المهم فى الاخير اقتنعت عمتى وهو ماكان عاجبه الكلام...ولما نكون انا وامه لوحدنا تجي الشغالة وتأكل معانا...ولما هو موجود ابدا والحمدلله

 

[محتاجه زوجى]

شوفوا يابنات.. انا الخص مشكلتى الاساسية مع زوجى فى:
1: السكن المشترك..وعدم التقدير من زوجى لمعاناتى
2: البخل
عدت ايامى وبعد التنظيف بشهرين اكتشف انى حامل...وتبتدى حكاية المستشى من جديد.. وقال لى ماى مراجعات...ولا غيرة اصلا بعد التنظيف الدكتورة اعطتنى تحاليل اسويها عشان نتفادى مشكلة موت الجنين فى الحمل الجاى..وهوقال مالها داعى..انا لما شفته..مو مهتم اتصلت وحجزت عند دكتورة وقلت ادا مايبغى يودي فيه اخوانى.. طبعا كلمت ابويا بالموضوع وابويا ماسوى شئ..ولما قلت لزوجى انى حجزت في يوم كدا عند الدكتورة قال طيب اوديك..ورحنا للدكتورة وامه ماهى موافقة على هدا الكلام..ونصحتنى الدكتورة بالراحه التامه مدة 3 أو 4 أشهر فطبعا لازم اخد اجازة من شغلى عشان ارتاح والحمدلله حصلت امور كثيرة فى هدى الفترة منها انى كنت مااقدر اطلع من البيت نهائيا عشان الحمل والنزيف...وغيره وغيره..اللحين انا والحمد لله فى الشهر السابع...ايش اللى خلانى ازعل واروح لبيت اهلى؟؟؟؟

 

[كيوت تحب التوت]

الله يهديكم تقبلي مروري

 

[محتاجه زوجى]

لما جيت ابحتفل معاه بيوم زواجنا ... فاجاته قبلها بطلب انى ابغاه يحجز لنا ليله فى نفس الفندق اللى في بداية زواجنا وعلى حسابي وافق وبعدين طنش لانى مااعرف كيف احجز لانهم طلبوا منى بطاقة ائتمانية وانا ماعندى...قلت يمكن يسويها مفاجأة.. المهم ولا صار شئ راح قال لامه .. وامه قالت ايش الخرابيط هدى.. انا قلت اخلى ليلة الندق على حسابي واخلى عليه الهدية.. طبعا كنت كل اسبوع استناه يسوى هدا الشئ ولا صار شئ!!!
رتبت غرفة نومى .. وزينتها وسويت كل شئ فيها من شموع.. وحركات ولبس .. جاء وقال هيا نبغى نروح مشوار مع امى.. قلت روح انا ماابغى.. خلينى عند اهلى.. لانى ماراح اكون مرتاحه.. لانهم راح يناموا عند قرايبهم فى مدينة ثانية .. رفض واجبرنى انى اروح معاهم.. وماتتخيلوا قد ايه تعبت .. وشفت.. بلاوى تخيلوا نمت على حصيرة .. على اساس ان الشقة ماهى مجهزة..وشكيت لزوجى وقال ايش تبغينى اسوى؟؟
قلت يعوضنى الاسبوع الجاى (( هبله لسا عندى امل)) المهم جاء الاسبوع اللى بعده وامه كانت مسافرة عند قرايبها.. وقلت فرصة عشان مااشيل هم امه فين تجلس.. لانها تخاف تجلس بروحها فى البيت..
وكان عندى موعد عند الدكتورة.. فاتحته فى الموضوع اننا نروح المستشفى وبعدين الفندق.. زعل وقال انا تعبان وانتِ ماتقدرى تعبى..راح اوديك للمستشفى وبس...وفى الطريق بعد المستشفى.. تخاصمنا.. على حاجه تافهه(( سندوتش بالبيض)) تخيلوا .. وحلف وقال يابنات بالحرف الواحد(( لو ماأكرهك فينى ماأكون زانى)) دارت الدنيا فينى...وقلت له الرجال العاقل مايقول كدا..
وجلسنا 4 أيام .. واحنا متخاصمين كان ماينام معايا في الغرفة.. ولايكلمنى باسمى ولما يبغى حاجة منى يجى ويدق على باب الغرفة ويحاول يطلب منى اشياء وانا نايمة تخيلوا اكون نايمة وتعبانه فجأة اصحى مزوعه على صراخه على ودقه بصوت عالى على باب الغرفة .. وفى النهاية رحت وتكلمت معاه.. وقلت له الى متى..واحنا نجلس كدا؟؟ المهم لازم فى النهايه يطلع الغلط على.. واعتدر وقال انا ماسويت كدا الا عشان الحلف اللى حلفته.. يومين يابنات ورجعنا تخاصمنا من جديد.. بس هدى المرة كانت امه موجودة فى البيت...حاول اتفاهم معاه.. صرخت بكيت.. ماى فايده انا فى وادى وهو فى وادى..وجلسنا اسبوع مايكلمنى امه تحاول تعرف اش فيه تسأله يقول لها مالك شغل ولاتتدخلى وانا كنت بس ابكى.. ومانى عارفة ايش اسوى؟؟لدرجة انه قال لى انا(( اكرهك مخنوق منك.. مااطيقك)).. وتحملت وصرت ادعى ربي.. وتخيلوا فى يوم كنت اشتغل وزلقت رجلى ومافكر انه يودينى المستشفى يطمن على هي امه جات وجلست تهدينى وقالت تعالى معايا المستشفى انا رفضت وقلت لها كيف اروح معاك وهو ماأهتم ويقول انه كاره اللى فى بطنى.. بعدها بكم يوم صار موقف.. وصالحتنا امه على بعض.. وقال لى ماصالحتكالا عشان رضى امه محسيت منك انك تبغين رضايا...انا سكت ومشيت امورى.. ولاحاولت اتناقش معاه فى شئ..بس من داخلى بنفجر بركان اغلى...وفى يوم طلبت منه يشترى لى حاجه نفسي اكلهاقال لى ((بلى فى وجهك))يعنى زى المرض ولما قلت ليه كدا قال امزح اليوم اللي بعدها كان خارج وحيتأخر.. قلت ابغى اخرج انا قال لا..وجلس يضربنى على وجهى ولما زعلت قال امزح انا ماتحملت وجلست ابكى واصرخ وانهرت يابنات خرج من البيت ولبست عبايتى وخرجت ماادرى فين اروح لانه كنت الاسبوع اللى قبل كدا كلمت ابويا يجى ويتاهم معاه قال((مالى شغل فيك وانتِ بتخربين بيتك زى المرة اللى فاتت))خرجت وجلست امشى ومالقيت نفسي الا وانا عند اهلى.. طبعا ماحكيت ولاكلمة وابويا مااهتم ولاسأل.. خرجت من البيت بدون ادويتى ولاجوالى ولا شئ غير لبسي وعبايتى وبس والى الآن ... لى 5 أيام ولا سأل ولا شئ طبعا فى اليوم الاول .. اتصل على اخويا وقال له انى خرجت من البيت وهو مايدرى واعطى اخويا اسباب كدب عن سبب خروجى.. وبس وغير كدا ماأتصل؟؟؟
نسيت فيه حاجه مهمة كمان (( جالس زوجى يفكر ويخطط انه يبنى دور ثانى عشان اخواته وازواجهم وبناتهم لما يكبروا ياخدوا راحتهم في البيت لما يجوا فى نهاية الاسبوع او الصيفية طيب وانا اللى جالسه على طول في البيت ليه ماتخلى الدور الثانى لى.. ويكون لى باب خارجى.. سكت ))
اللحين يابنات ايش اسوى.. اتصل عليه واتفاهم معاه.. والا اطنش زيه.. هو جنوبى .. وانا من المنتدى عرفت ان الجنوبي ماينفع تتركيه لوحده والا راح يدور وحده ثانيه.. مانى عارفه ايش اسوى
انا احبه ومفتقدته كثير.. واهلى مطنشين وابويا ولا سأل اش يك.. وانا عارفه ان زوجى معند وراكب رأسه .. بديت احس بالندم انى طلعت من البيت..اتصل عليه والا ارسل رساله.. والا ايه اسوى؟؟
افيدونى الله يخليكم؟؟؟ انا محتاجه مشورتكم؟؟

 

[محتاجه زوجى]

والله ماتوقعتها منكم
ابغى المشورة.. ابغى النصيحة..
ساعدونى

 

[كرومه]

حبيبتي ما بيدي غير اني ادعي معاك ربي يسهل امورك وييسر لك زوجك
انا زيك زوجي جنوبي مطلع عيني بالتطنيش ولا التسويف والوعود الكاذبه
اتمنى البنات ياسعدونك

 

[fleure]

حبيبتي والله كان بدي اساعدك لكن زوجي شمالي شرقي و غير طباع زوجك الا ان الرجال يشتركون في صفة العناد و كمانسميه نحن النساء قسوة القلوب.
ما كان عليك ترك ارض المعركة و الهروب الى بيت اهلك خصوصا ان الوالد ليس في صفك. المهم الي جرى جرى.
في مشكلتك الحالية لا استطيع ان افيدك كثيرا لكن شوفي طالما ان ابوك و اهلك مطنشين فهو مرتاح على الاخر و بيقول خليها تتربى لانه يحس ان اهلك في صفه و ليس هناك من يردعه. حاولي مع الوالد مرة و مرات حتى يقتنع انه يكلمه تجدوا حل للوضع الحالي و يقول له الي بيريحك و يريحهاهو الي بيصير انشاء الله. اي لا يبين له انك انت من يجري و راءه بل اهلك من ارادوا حط النقاط على الحروف.انتي فاهمة قصدي?
و لما يجي يتفاهم معاك انت شوفي ساعتها اذا انت في موقف قوة افرضي شروطك اما اذا كان العكس فاقبلي بالعودة على اساس لاحترام المتبادل وعدم الاهانة.
و في بيتك اقلبي سياستك معه 180 درجه. اي لا تصيري عفوا على الكلمه الخادمة المطيعة يجب ان تتعلمي قول كلمة لا لكن بذكاء لاحظي كيف تتعامل اخواته مع ازواجهن و معه كيف تتعامل امه معه انت اخطات عندما جاءتك الالام في رمضان وسكت كان يجب ان تتلوي من الالم و تصرخي بكل قوتك من الالم عندها سينتبه لك و يعرف بانك انسان يتالم ايضا يجب ان تعلميه تحمل مسؤوليتك و مسؤولية ابنه هو لم و لن يسال عن ابنه لانه لم يتعذب من اجله بل هو مرتاح و حضرتك من يجري من مستشفى لمستشفى و كمان بدك تدفعي حق العلاج لماذا?الست متزوجة و من حقك عليه ذلك?
اريد ان اسالك سؤال. هل قمت يوما في منتصف الليل و انت تصرخين من الالم و لازم تروحي مستشفى?
اختي اذا لم تنفع حيلة ابوك ولم يريد ان يكلمه اعملي حالك فيك مغص و لازم تروحين المشفى و اهلك يخبروه ربما تنفع معه هذه الفكرة.
اختي الله يساعدك و اهتمي بنفسك و بجنينك و طمنينا عنك

 

[توما]

اختي قلتي سلبياته
ما فيه ايجابيات؟

والله هالجنوبي يقهر
صادقين لما قلتوا وعوده كاذبه

وكل شي ولا اهله ما يرضى عليهم ما يقدر ع زعلهم

اخذيه بالسياسه حاولي ترضيه بأي طريقه
انتي شلون علاقتكم ما فيه يوم تلاقيتو بحنان وحب؟
ولا حتى فرفشه وضحك؟

فرفشي وضحكي واعملي جو وحاولي تتناسي تضحياته لاهله لان لو شنو ما بيتنازل عن حقوق وواجبات اهله حتى اللي ما منها منفعه !!!

 

[محتاجه زوجى]

اختي قلتي سلبياته
ما فيه ايجابيات؟

والله هالجنوبي يقهر
صادقين لما قلتوا وعوده كاذبه

وكل شي ولا اهله ما يرضى عليهم ما يقدر ع زعلهم

اخذيه بالسياسه حاولي ترضيه بأي طريقه
انتي شلون علاقتكم ما فيه يوم تلاقيتو بحنان وحب؟
ولا حتى فرفشه وضحك؟

فرفشي وضحكي واعملي جو وحاولي تتناسي تضحياته لاهله لان لو شنو ما بيتنازل عن حقوق وواجبات اهله حتى اللي ما منها منفعه !!!

جزاك الله خير أختى توما
المشكلة انه انا فى بيت اهلى ولادق ولا أتصل ولا سأل...
لي 5 أيام وهو مطنش.. أخاف.. يشوف له شوفه.. أخاف اكون انا السبب فى وقوعه فى الحرام...حسيت بالندم .. انى طلعت .. كل شوى اقول راح اتصل عليه واقول له تعال...
واتصبر وادعى ان ربي يفرجها..
قبل شوى كلمنى ابويا وسألنى اش فيه وحكيت له.. وقال لاتشيلين هم...خليك عندى معززة مكرمة...وخلينا نستناه يتصل .. قلت ماراح يتصل زوجى واعرفه.. قال خلاص انا اكلمه
واشوف الوضع معاه..

 

[fleure]

شوفي اختي مادام الوالد عرف و قال لك انا بدخل يعني هانت و الفرج قريب. انت ركزي على النقاط و الشروط الي تبغيها بس ما تكون كثيرة يعني معقولة كالسكن المستقل استقلال المطبخ عن غرفة النوم ...
يعني ابدي اشوي اشوي ولا تعوديه على قيام اهلك بمهامه كدفع الحساب و ...
المشكلة يا اختي اننا طيبات زيادة و لا نعرف شيئا عن مكر الحريم. و طمنينا بالجديد