لو سمحتن يالغاليات ساعدوني وبليز ابا كلاااام يريحني ويحل مشكلتي دخيلكن

[أأم منصور]

السلاام عليكم​

​

مرحبا خواتي شحالكن..؟؟عساكن بخير​

​

كل مااريد اكتب لكن مشكلتي يلي خبر انها بتنحل واقووم امسح الكلاام اللي كتبته,خواتي انا ياايتنكن طالبه منكن المعوونه من ربي ثم منكن,والله تعبت ويوم احس بضيجه خلااااص ابا اختنق اختنق بالقووو وماعرف شوسوي استويت ضعيفه وااااايد.​

​

مشكلتي الله يسلمكن ريلي كل شي فيه زين بس الفتره الاخيره قام يتاخر عليه بس يطرش لي مسج انه بيتاخر ولا يرمسني وانا انتقلت بيت بروحي وتوني مخلصه 4 اشهر من عرسي فقمت احس بضيجه وتغير من ناحية ريلي قام مايظهرني موول لو ابي اظهر يقوول لي سيري ويا اهلج ومب مرتب البيت ولا شي ويااايبين غساله والهسوالف بس تمت 3 اسابيع ماركبنا شي من اهماااله,المهم مره ييئ عندي ابوووي وشاف البيت وانصدم ان يقوول لي جهزي اغراضج وتعالي معاااي كنت محتااره ونفس الوقت كنت مضاايجه من ريلي فقلت خلني اقهر واذ يباني بيي وبياخذني المهم يوم ظهرت طرشت له مسج ولا عبرته المهم مرت الايام مرات نضااارب ومرات نسوولف ونكون اووكيك بس نادراً الاهل داخلوا بينا وماشي فايده الريال حالف ماايي الا اذ ردو حرمته ع قولته واني ظهرت بدون اذنه,بنات طوول الموضووع ومر شهر على هذي الحاله وهو لين احينه مصمم انه ميجي وياخذني,انا يوم ظهرت من البيت خذيت خلااصة القيد وياااي ودق علي مره يبااها ومعصب كيف خذيتهاا وانا كنت فالدوام وخليت البشكاره تعطيه المهم يوم درا ابوي عصب عليه واحينه ابوي مايرمسني بنات تعبت انا ماعرفت ارضي منو ولا منو..​

​

تخيلي البارحه داق عليه وتفاهمنا بالموضووع وقال لي تدرين ان يوم ظهرتي بدون اذني ان الملاائكه تلعنج لين يومج هذاا كنت بالقو ضاايقه لدرجه كنت اصيح طوول اليوم ويوم قالي هالكلاام ماعرفت شو ارد حسيت اني تعبت بالقو من كل اللي حوولي...​

​

بنات والله تعبت ماعرف منو اللي غلطان وماعرف شو اسوي خلااااص طفح الكيل ومره طلبت منه الطلااق مع انه هوو اخذني عن حب وكنا يوم نضارب اييب له طاري الطلااق ويقوول مستحيل وهالمره يوم طلبت قال فالج طيب بس عقب طنشته خفت يسويها صدق احسه تينن..!!!​

​

بنات ساعدوني شسوووي عطوني حل كيف احل مشكلتي اابا اكث شي استشاارة الدكتورة موزه خلفان دخيلج ساعديني ربي يفرج لج همج ويرزقج على اللي بنيتج يااااارب دخيلج دخيلج دخيلج ​

واتريا ردوووتكن يالغاااليااات

 

[خبايا سنين]

حبيبتي انتي ما عندك مشكله! يعني وين مشكلتك وين مشاكل الحريم الله يبعدها عنك!
ارجعي بيتك المسأله ما فيها اذلال ولا شي الحين ما شاء الله صار لكم كم شهر متزوجين يعني بعدكم عرسان شو هالخلافات والطلاق الله يبعده عنكم. شيلي هالكلمه من لسانك ولا تعودي تطريها مره ثانيه مهما كانت الظروف. انتي ادرى بزوجك دام انكم تزوجتوا عن حب ، اتصلي فيه وكوني حنونه وذكريه بالأيام الحلوه ووووو وفي النهايه اطلبي منه طلب انه يجي البيت وياخذك لانك مشتاقه وتبين ترجعين وسالفه ابوكي العبيها صح (اهلا بكي في عالم المتزوجات) يعني قولي حق ابوكي ان زوجك جاي يعتذر وياخذك وقولي حق زوجك ان ابوكي رجال كبير وما فيها شي اذا صار منه قول او فعل ولااااااااااازم يحترمه في النهايه الرجال كبر ابوه، واكديله ان رجعتك راح تكون في صالحكم وفي النهايه ما لكم غير بعض وانك تحبيه وتموتي فيه ووووووو (كلام معسول يعني) .
الحين انتي تعرفي نوعيه زوجك يعني شخص كسول وما يحب أداء واجباته بأكمل وجه وانتي عليكي الثناء والمديح في كل شي يسويه وان ذوقه احسن من ذوقك وما تفهمين في الالكترونيات وهو رجال يفهم في الجدال ومعاملة التجار احسن. وكل مره يشتري شي سوي حفله اطلقي صواريخ الثناء والمديح على زوجك والدعوات الطيبه وشلون كنتي عايشه في ظلام وهو نور حياتك (خخخخخخخخخخ)

نصيحه اخويه، حبيبتي ارجوكي لا تخسري زوجك وبيتك وحذارى من المشاكل والبعد تراها اساس الضياع والفراق بين الزوجين ولااااااااااااااا تنسي الصلاه والقيام واكثري من الاستغفار وطبعا سر الحياه السعيده سورة البقره فاستمري في قرائتها مهما كانت الظروف

الله يوفقك حبيبتي ...............

 

[بيسه]

لا تزعلين مني بس بالفعل الملائكه بتلعنك لانك طلعتي بدون اذنه من البيت ما كان لازم تسمعي كلام ابوك
وين ابوك هلا من مشاكلك ؟؟؟؟؟؟؟؟؟
كان لازم تقولي لزوجك عن اغراض البيت اللي لازملها تركين مو تتركي البيت وتمشي بدون ما يعرف السبب

حاليا ارجعي لبيتك وتساعدي انتي وزوجك بتركين اغراض البيت واتبعي معاه اسلوب الحوار والمناقشه بعدكم باول شهور زواجكم وقدامكم ايام ممكن تشوفي فيها العجائب
وشيلي كلمة طلاق من لسانك نهائيا ....... يعني لو قال لك انتي طالق تنبسطي وقتها ؟؟؟؟؟؟؟؟؟؟؟؟؟
لايجوز لامراه ان تطلب الطلاق من زوجها وانتي مشان مساله للاسف بايخه بدك تتطلقي ؟؟؟؟؟
قولي لزوجك عن الاشياء اللي رايده انها تتغير ولو بحبك عن جد بيتغير كرمالك
موفقه يارب

 

[أأم منصور]

بنات بس والله كلمت ريلي وقلت له بس تعال سلم على ابووي وخذني بس ماطاااع وقال مستحيل ايي واخاذج انتي اللي ظهرتي بدوون سبب وخلي اللي شلج يردج


شسوووي وابوي قال لو رديتي انا مابري منج...!!!!!!!!

والله احس بخنقه يااحريييييييييييم سااعدوني

 

[رجاي الله]

لالاترجعييين انتبهي خليك لينة بالكلام لين هو يررجعك ترا والله لو رجعتي بيذلك بيقول مو قادرة تستغني وكل مرة بيذلك بهالسالفة انتي هدي الامور وبس وتدلعي عليه خليه يقعد يفكر فيك لين هو بيرجعك ولا تطلعين مره ثانية الا لسبب قوي


بعدين لاتكسرين ابوك قدامة تراه سندك ان عصيتية الحين زوجك نفسة ماراح يعبرك ولا يعبره

 

[أأم منصور]

ساااااااااااعدووووووووووووووووووني

 

[غربه وترحال]

عزيزتي مثل ما قالو لج الاخوات تدلعي عليه بالكلام وطرشي له مسجات
حب وشوق من هذي السوالف ومثل ما قالت الاخت خبايا سنين لعبها صح
وشغلي كيد النساء
حبيبتي جلسي مع نفسج جلسه رايقه واقري صورة البقره كامله وبعدها ادعي
ان الله يهدي زوجج ويرد لج وتنحل المشكله وكثري من الاستغفار والدعاء
ان شاء الله بتنحل مشكلتج قولي يااارب

 

[bent_elbado]

الله يفرج همج وهم المهموميـن

اقري سورة البقره

محد بيفرج همج غيـر رب العالميـن

وخذي ريـلج وأبـوج بالهداوه والليـن

والله يسخرهم لج

 

[ملكة غير متوجة]

لالاترجعييين انتبهي خليك لينة بالكلام لين هو يررجعك ترا والله لو رجعتي بيذلك بيقول مو قادرة تستغني وكل مرة بيذلك بهالسالفة انتي هدي الامور وبس وتدلعي عليه خليه يقعد يفكر فيك لين هو بيرجعك ولا تطلعين مره ثانية الا لسبب قوي

بعدين لاتكسرين ابوك قدامة تراه سندك ان عصيتية الحين زوجك نفسة ماراح يعبرك ولا يعبره

أنا أتفق مع الأخت " رجاي الله" في أن خطأ أنك تصغرين أبوك وكلمته في عيون زوجك ... حزة المشاكل الله لا ييبها أنتي محتاجة أبوك لحلها ... وإذا على زوجك ألحين ... وين حيل النساء في تليين راس أزواجهم؟:blow:...

خليه بطرقك وبذكائك هو اللي يرجع لك .. مو أنتي اللي ترجعين له ...سحبيه لعندك مو يسحبك لعنده..خاصة أن في الموضوع أبوك .. احتراما له على الأقل!

 

[نواره99]

انا برايي ترجعين بيتج وتتفاهمين مع ابوج انه مابينكم خلاف يستاهل انج تظلين بيت اهلج
وسالفه الطلاق انسيها مو كل خلاف تذكرينه بالطلاق ترى بيجي اليوم الي بيطلقج لان الريال يمل كل يوم واستخيري طبعا قبلها والله يوفقج

 

[الجميري]

هلا ياقلبي اسال الله ان يسخر لك زوجك ويبعدكم عن المشاكل

 

[الحلى كله1]

طلعتكي من بيتك غلط والله تقدريين تحليين مشكلتك معه بالاسلوب والدعاء الرجال يتغييير مو بالقوه ادعي ان زوجك يردك وابدي صلحي اغلاطك ولاتطلعيييين من بيتك اذا صارت مشكله أسأل الله العظيم ان يرد لكي زوجكي عاجلا غير اجل اللهم امين

 

[أأم منصور]

سااااااااااااعدوووووني يزاكن الله الف خير

كل اهله مايبووون يوون هو يرفض

 

[RedRose]

لالاترجعييين انتبهي خليك لينة بالكلام لين هو يررجعك ترا والله لو رجعتي بيذلك بيقول مو قادرة تستغني وكل مرة بيذلك بهالسالفة انتي هدي الامور وبس وتدلعي عليه خليه يقعد يفكر فيك لين هو بيرجعك ولا تطلعين مره ثانية الا لسبب قوي


بعدين لاتكسرين ابوك قدامة تراه سندك ان عصيتية الحين زوجك نفسة ماراح يعبرك ولا يعبره

صح انا مع الاخت ,, صحيح انت غلطتي المفروض ما تطلعين بهذه الطريقة ,, بس ما ينفع ترجعين البيت وتكسرين ابوك قدام زوجك ابداااااااااا,,, حاولي مع زوجك كلميه مكالمات عادية سولفي معاه ولا تجيبين سالفة عن موضوع الخلاف بس دقي اتطمني عليه وسلمي عليه اللين يحن ويشتاق وان شاء الله بعدين تقدرين تقنعينه يجي ياخذك ,, فهميه ان ابوك مهما كان رجال كبير وما تقدرين تكسرين كلمته ,, قوليله انا ادري غلطت يوم تركت البيت بس ابوي ما اقدر اعصيه ومن الكلام هذا ,, خليه يحس انك تحترمين ابوك لانه هذا الكلام رح يخليخ يحترمك ويحترم ابوك ,,, خليه يعرف ان موقفك صعب قدام ابوك ,, قوليله انت زوجي وفاهمني وتقدر ,, امدحيه كثيير وامدحي اخلاقه وتربيته ,, وان شاء الله ربي يلين قلبه ويجي يرجعك

الله يعينك ويفرج همك ..

 

[اقدار22]

توكم عرسان جدد...ليه كلمة الطلاق

تفاهمي معاه..كم كلامه حلوه ..ان ئشاء الله يلين