[you] اذا انتي موظفه ومتزوجه محتاجينك هنا

[أهزوجة المساء]

يااااااااااروبينا نصيحة لك ولكل الموظفات خاصة قبل الزواج
اشتريلك بيت أو أرض بالتقسيط .. وما عليك منه
هذا شي ندمت اني ماسويته وأحسه مهم من هنا يمسك فلوسك ومنه سويتي لك شي في هالزمن الغدار ومنه تنفكي من احراج زوجك بالمشاركة معه ..
ايش رايك؟؟؟؟

 

[امل2000]

مرحبا حبيبتي انا اقول الزوج على ماعودتيه اذا عودتيه تصرفين راح تستمري كذا واذا من الاول مسكتي راتبك وحتى لو زعل في البدايه بس راح يرضى بعدين ويحس انه شي عادي هو مسؤؤل بس ترى انا عكس الكلام

 

[أهزوجة المساء]

أمل المشكله للي عودته من البداية صعب جدااااااااااااا ترجع بكلامها

 

[روبينا1]

فكرة الاقساط مره حلوه ورح ابدأ من الآن وأحاول أطبقها

 

[السديمة]

انا السديمة لست موضفة ومتزوجة

 

[ام عبدالعزيز1]

الصراحة كنت اعاني من هاالشي اول دوامي
بس الحين خلاص حطيت النقاط على الحروف
وريحت دماغي من هالصدعة
لانه في النهاية لا يصح الا الصحيح

 

[نونو @]

,والله اهم شي التفاهم والاحترام بين الطرفين والراتب مب مهم بالعكس الحياه تعاون

 

[أسيرة وهم]

يختلف على حسب شخصية الرجل منهم من يقدرون ذلك ومنهم ناكرين الجميل ومن الطماع ومنهم المتعود .....ولكني ارجع واقول ..ظروف الحياة الصعبه الآن تجبر الواحد منا ان تصرف... حتى ان امسكت بمالها عن زوجها ..طبيعيا عندما ترى اطفالها محتاجين تضطر ان تنفق عليهم وتلبي إحتياجاتهم....لكن تصدقون..( احب ان اكون تحت ظل رجل) لكن بشرط ان اكون مستقله ماديا وفكريا عنه....اعطيه بحساب لكن عندما يكون لي لا تشاركني فيه إمراه أخرى وعندما فعلا يكون محتاج....غير مستغل.... هنا تأتي دور المراه وحسن ذكائها في إدارة امورها....ودمتم أحبتي

 

[AUDI]

أمل المشكله للي عودته من البداية صعب جدااااااااااااا ترجع بكلامها

لا موصعب خاصه اذا كان انسان وقح ومايستاهل ....

 

[امياسين]

اهلن عزيزتي
انا غير موظفة واعاني من جعل زوجي يعطيني مصوف لي فهو لا يعطيني الا اذا قلت له او في الاعياد يقول خذي اشتري البك ياه
اعطوني نصايحكم ويش اسوي معاه

 

[بنت الفيحاء]

السلام عليكم ورحمة الله ..
تحيه لكاتبة الموضوع ولصاحبات الردود ...
انا من اكثرالمتوهقات في صرف راتبي بالكامل لاني في بداية الزواج ما كنت افرق بين راتبي وراتب زوجي وكنا نصرف مع بعض وبعد ماراحت السكره وجت الفكره وجيت اعدل الوضع ماقدرت لدرجة اني نسيت نفسي وحرمتها من اشياء ضرورية وتميت سنوات لكن ولله الحمد بديت قبل كم شهر اخذ منه مصروف للاولاد طبعا رفض في البدايه لكني اصريت وفي بعض الايام اخليه يحاسب واقوله اعطيك بعدين الحين ما معي بعدين اتصدد عن التسديد اواعطيه بعض المبلغ واحس انه بدأ يتعود ولو بنسبه بسيطه ..
وانا لازم اتحمل لاني كان لي دور في اللي صار وانا عرضت عليه راتبي وهوما صدق خبر.
الزبده المفروض الوحده تحتفظ على الاقل بثلاث ارباع راتبها ...

 

[حصريا في بلقيس]

ماشاء الله موضوع ثري جدا ومتشعب بارك الله في الغالية دلوعة حيل

موضوعي يشبه موضوعك الى حد ما

فقد تناولت مشكلة الطماع بشكل اكثر من رائع والأروع حرص الأخوات على افادة بعضهن

جزاكن الله خير الجزاء

اترككن الآن لقراءة باقي الصفحات الممتعة

ومن ثم لي عودة ان شاء الله

 

[حبوبه لزوجي]

لا يسعني الوقت للرد على كل مشاركه
الوقت الان الفجر وزوجي نايم جنبي
استفدت كثير من مشاركاتكن
غدا ان شاء الله سوف افندها واحاول اذيلها ببعض الاسئلة حت يترتب الموضوع
سعيدة بتواجدكن وحضوركن الرائع
اختي توفي لا تزعلي
انتظرتك ولا ازال انتظرك
فاذا عدتي ولم تجديني فلنا لقاء غدا باذنه تعالى

 

[حبوبه لزوجي]

تو مانور الموضوع اختي حصريا في بلقيس
شاكرة لك انضمامك لنا ومتأملة اثراء الموضوع
بما ملكتي من حكمة ورشد
ننتظر بشوق ماتخطه اناملك الذهبية

 

[قطووووووورة]

هلا والله ..انا موظفة ومتزوجة وزوجي ما يتدخل في راتبي ابدا واغراضي الشخصية انا اشتريها من فلوسي ,, ومرات اذا عيالي كانوا معاي في مجمع ودش خاطرهم في اشترلهم من فلوسي ​

 

[حياتي كتاب]

في الحقيقة إذا راتب الزوجة أكثر من راتب الزوج فلامانع من المساعدة خصوصا إذا هي متفهمة وضعة وعارف ظروفة وخاصة إذا فيه أطفال أو هو غير قادر على العمل بمعنى عاجز أوديون فلابأس أن تساعده طواعية منها ورغبة بمعنى لاتكون مجبرة لكن في حالة انه راتبه أكثر فالمفروض والواجب أن يتحمل هوجميع المصاريف والنفقات لأن الرجال قوامون على النساء إذا فكيف يملك حق القوامة وهويتملص ويتهرب من النفقة هو ملزم بالنفقة شرعا وعرفا

 

[الغيم والورده]

هلاأختي (دلوعة حيييل)مشكورة على هالطرح الجميل.
أنا موظفة وزوجة كان يصرف علي بسخاء لما جاء يوم وتعبأ رأسه من فكرة نجمع رواتبنا سوى ومستقبلنا واحد كله لنا ولعيالنا وأنا رافضة لهذة الفكرة جملة وتفصيلا لأني أحب الإستقلال بمصروفاتي لا أكلف عليه ولا يتحكم بطريقة الصرف ما استوعب هالفكره زعل وقال راتبك لك ولا يمكن آخذ منه ريال وصار هالموضوع حاجز بيني وبينه صد وبعد حرمني من خيره أنا وعيالي دائما مامعه أخبار الصادر
(الأقساط-الديون-الجمعية-الفواتير -خسائر الأسهم )وغيرها تحكى لي لأن الموظفة شريكة المر فقط أما الوارد فما لنا نصيب فيه ولا يحق لي الكلام فيه(أنانية- الخير للغير)وأصبحت مسؤوله عن نفسي في كل شيء حتى اذا ماكفى الراتب أتسلف أدخل جمعية أبيع ذهب ولا كأنه يشوف؟؟
الصراحة راتب الموظفة قضية القضايا حتى لو كان بسيط والتساؤل الملح ليش الموظفة مالها مصروف يحسسها إنها زوجة؟؟لماذا حقوقها مهضومة؟؟زوجي ليس بالشخص السيء لكنه يتأثر بمن حوله بعد سنوات من الصبر وبعد أن أدمتني الجراح تغير للأفضل نوعاً ما لكن لم يرجع كماكان أول ما عرفته؟؟
عذراُ على الإطالة وأتمنى أن أعرف هل أنا على صواب أم لا؟؟

 

[ظبي]

صدق موضوع يحير انا بتوظف مستقبلا انشاء الله افيدونا تكفووون
اصلا اللي انا اعرفه زوجك لايدري عن فلوسك تعيشين بخير وسلام
بصراحه الرجال طمااااااااااااااع اذا سمع بالفلوس يقول خذ من فلوسك
تكفوووووووووووووووووون افيدونااااااااااااااااا​

 

[دندونة الحلوة]

انا موظفة وتخصصي في حل المشكلات الخاصةبمرحلة المراهقة واعتقد ان هذا يعتمد على شخصية الزوج فاْذا كان كريم فالمدح يثمر معاة مثل :كثر الله خيرك يا ابو فلان ويا بعد الدنيا كلها وغيرها من عبارات تزيد من عطاءة وكرمة ولا تنسين الدعاء لة عند ما يعطيك اي شئ حتى ولو كان قليل والله لها مفعول السحر ..اما اذا كان بخيل فعوضك على الله والله ما حتقدرين تاْخذين شئ منة الا بعد طلعت الروح وبعدها يبداْ المن ...فاْصرفي على نفسك وريحي راْسك من الكلام والمشاكل...............وسسسسسسسسلام

 

[دانة الحجاز]

أنا ماني موظفه لكن لو أتوظف مااحط الراتب حاجز بيني وبينه وهو اللي يصرف على الأشياء الأساسيه والأشياء الكماليه أنا اللي أجيبها واخليه يوفر شي من الراتب علشان نسافر في الإجازات وأنا براتبي ممكن أصرف على أهلي والزوج إذاحس إن الزوجه عندها راتب راح يتكل إنها تصرف على نفسها وعلى العيال لكن على الزوجه تعوده إنه هو اللي يصرف على البيت والعيال .
أنا دائما أسمع أن الموظفات يعانون بمشاكل مع أزواجهم بسبب الراتب خاصة الأزواج اللي رواتبهم عاليه ويبغون زوجاتهم يعطونهم .