اللي بتـــــزوج ابنها او بنتها تدخل هنا ...حياكم

[عنقود عنب]

حياكم الله يا بنات و بياكم ..

منوريييييييييييييييييييييين الصفحة ...و نوركم غطى على نور الكهربا :msn-wink:

نور الصفاء ...حياك الله عزيزتي

والله ان بالي على طول مشغول عليك

اتمنى انك تطمنينا عنك و عن اخبارك

المهم عزيزتي ...والله من وقفت الرسائل الخاصة وانا مقطوعة عن العالم

ولا اعرف كيف اتواصل مع البنات على الخاص

يا ريت اللي عندها طريقة تعلمني

جالسين ومبسطين هني وانا مدري كان عطيتوني خبر ,,
افاااا يا عنقود ماهقيتها منك ,, جزاها الله خير العزيزة هيل وقهوة هي اللي عزمتني ,,

يلا ابغى شطارتكم في هالامور الصعبة ,,

والله حس نفسي ضايعة ومشتته والله ماتوقعت أن العملية صعبة ومعقدة ومحتاجة قوة ومواجهة ,,

خصوصاً اذا كان الولد حاط شروط معينة في زوجة المستقبل ولا يريد من العائلة ,,

وانا من النوع اللي ما يخرج من البيت الا في المناسبات القريبة جداً ,,

اضطريت احضر اعراس والمشكلة في الأعراس كل شيء مزيف ,,

بتقولوا روحي بيتهم وشوفيها على الطبيعة صراحة ما اقدر ازور احد ما زرتهم من قبل ,,

حصلت مجموعة بنات وكل وحده منهم تكون ناقصة شيء معين من الصفات المطلوبة

واذا طلعت المواصفات كاملة يجي من يقول ابوها أو اخوها كذا وكذا مايناسبكم ,,

تعبت وانا ادور وبصراحة مو عارفة الطريقة كيف بتكون ,,

يعني لما تعجبني بنت وهي من خارج العائلة شنو افضل طريقة ..

اارسل لها وحده قريبة منهم وتسألهم ..

او اتصل على امها واطلبها في التلفون ,,

او على طول هجوم على بيتهم ,,,

اتاري زواج البنت اهون واسهل بكثير

اضطريت احضر اعراس والمشكلة في الأعراس كل شيء مزيف ,,

بالضبط يا نور ...انا بعد ما احب اشوف البنت في الاعراس ...لان ادري ما راح اشوفها على حقيقتها

اصلا ما تدرين حتى وهي بالمكياج الصارخ ..هي حلوة والا قبيحة ,,,والله ان المكياج هالايام يشوة ما يحلي ..

تعبت وانا ادور وبصراحة مو عارفة الطريقة كيف بتكون ,,

يعني لما تعجبني بنت وهي من خارج العائلة شنو افضل طريقة ..

اارسل لها وحده قريبة منهم وتسألهم ..

او اتصل على امها واطلبها في التلفون ,,

او على طول هجوم على بيتهم ,,,

تدرين انا وش سويت ... انا بما ان عمتي هي اللي مرشحة لي وحده من معارفها ...وفي نفس الوقت في صلة قرابة من ناحية جدتي ...قالت لي انا راح اعزمهم عندي بالبيت هي وبناتها ... وبما انها جارتي ..فما راح تستغرب العزيمة ..وتعالي انت شوفيها كأنك جاية زيارة عادية

وفعلا هذا اللي صار ...وانا راح اكتب هذا بالتفصيل في مداخلة لحالها..

انت اذا في مجال ان قريبتك تعزمهم وتروحي انت ...يكون افضل ...عشان ما تنحرجين اذا ما عجبتك البنت ..لان الزيارة الى بيت ناس انت عمرك ما شفتيهم صعبة شوي ..واكيد راح يفهمونها

وتخيلي بعدين البنت ما عجبتك ...والله فشلة

اما اذا كنت متأكده من مواصفات البنت ...اتكلي على الله و سوي الهجوم

لاني انا راح اهجم مباشرة ان شاء الله خلال الاسبوع الجاي

اتاري زواج البنت اهون واسهل بكثير

هههههه ....سهله لام البنت ..لكنها صعبة لام الولد وهذا انت عايشة المعاناة

ربي يوفق جميع اولادنا وبناتنا ويسعدهم

ولا تحرمينا من زياراتك هنا حبيبتي نور

 

[عنقود عنب]

اه ثم اه ثم اه
ذكرتوني ببنتي فترة الخطوبه والزواج عشت من انخطبت في عالم ثاني فكري ومخي وذاكرتي وكل شي فيني لها سنتين متزوجه وراحت غربه على طول كان عقلي طاير بالسماء الحاله والحمدلله له سته اشهور وقع ورجعت لحياتي من جديد الله يوفقهم ويسعدهم
اختي عنقود عنب وهيل وقهوه اشوف اخواني يوم يتزوجون يتشرطون ونبي كذا وكذا وسبحان الله يوم يجي النصيب تجي غير المواصفات والمقاييس والحمدلله يتزوجون ويوفقهم ربي يعني النصيب جاي جاي اهم شي الاخلاق
وبالنسبه لترتيبات الزواج عندنا الولد يقدم المهر ويجهز البيت واهل البنت هم اللي يقررون وشلون يكون الزواج وترتيبه عائلي كبير براحتهم يعني بعد الخطبه اهل البنت هم اللي الله يعينهم

نحوووووووووول ...حياك الله حبيبتي

والحمد لله على سلامة و رجوع عقلك سالم غانم الى مواقعة ...ههههه

والله ما تنلامين يا نحول

خروج البنت من البيت اصعب بكثير من خروج الولد

لان الولد من يكبر شوي وهو ما يجلس بالبيت ...على طاول طالع

غير البنت اللي من المدرسة للبيت ...واي مشوار بعدين يكون مع امها

اهم شي السعادة ...ما نبغيهم جنبا واحنا نتحسر على حظهم ..خلهم يروحون في طريقهم مثل ما احنا تركنا امهاتنا

وهي سنة الحياة

اما عن طريقة زواج الاولاد عندكم ...والله فله ومريحة

احنا يا الله ...من طأ طأ الى سلام عليكم على ام الولد

ام البنت تشرف من بعيد وتعطيك اوامر بعد ...جيبي هذا الشي و حطي ذاك الشي

ربي يسعد الجميع

 

[عنقود عنب]

بالنسبه للخطبه علشان سبق وان زوجت بنتي ماايد ان الحرمه تتصل علي وتقول بشوف بنتك لاني لو خليتها تجي وتشوفها وبعدين خرجت ولم تعد احس ان فيه جرح لشعور بنتي ويعطيها احساس ان فيها عيب خاصه بنات هالوقت حساسات فحب انه يكون بملاهي ولا عرس ولا عزومه تشوفها اذا اعجبتها زين واذا ماصار نصيب يصير لا منشاف ولا مندري

كلامك سليم 100%

وانا مثلك ...انا اذا احد اتصل يبغي يشوف بنتي ..اقول لهم ممنووووووووووووووووووووووع بتاتا

ونفس الشي اللي ما اقبله على بنتي ما اقبله على غير بناتي

افضل اشوفها في اي مكان عام ..ولا من شاف ولا من دري

وربي يوفق الجميع

 

[عنقود عنب]

:icon1366:

:icon1366:


:icon1366:

بكيتوني انا زواجي بعد كم يوم وانا اول بنت تتزوج من اخواتي
احنا 5 بنات وولد
انا الكبيره فيهم

وراح اروح بعيد عن امي الله يخليها لي

يوم قريت موضوعكم حسيت فيها

وخنقتني العبره

ملاحظه عليها كم يوم سرحانه وحزينه
يالله ودي اسويلها شئ
احس مافي شئ ممكن ممكن يعبرلها عن اللي احسه

يا عمري عليك يا سكرة

ان شاء الله الف مبروك وربي يسعدك و يفرح امك فيك ويسخر زوجك لك

اما عن وش تسوين ...انا اقول لك ..اي فرص تلاقينها ..احضنيها ... خليك مثل طفل عمرة سنتين ..داما ملتصق بامة ....عشان انت اللي تشبعين حنان و حب وعاطفة راح تفتدقينها اذا تزوجتي ..عشان ما تقولين يا ريت حضنت امي اكثر وجلست في حضنها

انا الى الان اذا رحت زيارة لاهلي في البلد الثاني ... لازم اتلزق بامي ...وانا في حضنها ..واحط راسي في حجرها ...يضحكون علي اولادي ..يقولون لي يمة انت كبرتي على هذه الحركات

اقول لهم عمر البنت ما تكبر في عين امها

عاد امي تنبسط على حركاتي وانا اخذ دفعة حنان و عاطفة ما احصلها عند احد غير ست الحبايب

حتى اذا رحت زيارة لجدتي ... انا في حضنها ... واجلس عند اقدامها ...ربي يمد في عمرها وصحتها

قولوا أأأأأأأأأأأأأأأأأأأمين

وهذه هي سنة الحياة حبيبتي سكر ....امك امس تركت امها...وانت اليوم ...وبكرة ان شاء الله بناتك:shiny: :shiny:

 

[رومنسيات قمر]

اسعدني قراءه سوالفكم الحلوه
الله يهينكم بعيالكم ويوفكم للخير
مايربت شهور العروس ولا يربت شعور الام
الله كريم

 

[عنقود عنب]

حياكم الله يا بنات

منورين الصفحة

راح اعرف عن نفسي عشان العضوات الجدد اللي ما يعرفوني

انا من مواليد 3\7\1968 وانت حسبوا العمر

متزوجة من قرابة 25 سنه

عندي خمسة ... 3 اولاد و 2 بنات

ادور عروسة لابني ...اخر سنة جامعة ... و متوظف جاهز ...

انا ما في حوالي بنات يناسبون ولدي

امي وابوي من عائلتين مختلفتين ... يعني مو قرايب ....لكن في معرفة صداقة طويلة

تزوجت ولد عم امي ...يعني مو من عائلتي من ناحية الاب

المهم ....ما في بنات يناسبون ولدي من ناحية عائلة ابوه

قال لي ابوه ...اصلا ما نبغي من العائلة ...شوفي احد من قرايبك انت واذا في احد من عائلتك يكون افضل

قلت له طبعا ...بعد ما شفت اخلاقي و عقلي وحكمتي ...اكيد تبغي حق ولدك وحده مثل امه ....هههههههه

طيب انا ما اعرف احد من عائلتي ... اختلاطي صاير اكثر شي مع عائلة اهل زوجي

المهم ...وصيت عمتي ...قلت لها ابغي بنت تكون هذه مواصفاتها ... وعطيها اسماء ثلاث عوائل او اربع من اللي في بينا نسب معاهم ...

رشحت لي كذا بنت .... وحده من البنات تدرس مع بنتي في المدرسة...انا عرف امها عز المعرفة وبينا صلة قرابة

لكن البنت انا ما شفتها...صار اجتماع في مدرسة بنتي وقلت فرررررررررصة اروح اشوفها على طبيعتها..

شفت البنت و عجبتني ...

البنت في ثالث ثانوي ..

وملاحظة ...ولدي يفضل ان تكون البيت جامعية ..عشان يكون تفكيرها ناضج اكثر

البنت الثانية ...هذه مشكلة كيف اشوفها...هي جارة عمتي ...وبعد في صلة قرابة لكن انا ما مرة شفتهم ...انا شايفة خالة البنت وبعض نسوان خوالها...

اتصل علي عمتي ليلة الخميس اللي فات ..قالت لي في زواج والبنت اكيد بتكون موجوده

رحنا العرس ولكن للاسف متأخرين ..كانت واقفة بتمشي .....سلمت عليها و مشت ...طبعا انا اخذت بنتي معي

هي تعرف ذوق اخوها اكثر مني ...عجبتنا البنت جدا ...خاصة انها فيها الشرط اللي هو يبغيه ...هي في سنة ثالثة جامعة

كلمت عمتي ...وقلت لها ابغي اشوفها اكثر واشوف امها ...دبري طريقة

قالت لي خلاص ...ارتب زيارة عندي في البيت وانت تعالي كأنك جاية بشكل طبيعي بيت عمتك وشوفيهم

وانا واثقة انك راح تحبي امها ...انسانة خلوقة واجتماعية وهي مدرسة

المهم يوم الجمعة اتصلت علي وقالت لي تعالي البيت اليوم العصر راح يجون

انا تفاجأ بهذه السرعة ...قالت لي عمتي هذا للي صار وهم اللي اقترحوا هذا الوقت

المهم ...انا كنت محسبة اني بروح بيت عمتي وسط الاسبوع ...وكنت مجهزة لسته كاتبة فيها الاطباق اللي راح اسويها واخذها معي

وكان يوم الجمعة عندي ضيوف (اهل زوجي على الغذا) وانا ما ابغي احد يحس بشي

مشوا اهل زوجي وانا تجهزت مع بناتي و رحت محل حلويات راقي واخذ معجنات و بتيفورات و شكولاتات

وعمتي بيض الله وجها كانت مجهزة ضيافة ملكية ...ربي يجزيها الف خير

جاو الضيوف ...وشفتها ..ما شاء الله تبارك الله

امها واختها و خالتها وزوجة عمها جاو معاها بحكم انهم كلهم جيران عمتي ...وعمتي طلبت منهم انهم يجون عشان يكون الجو عادي

خالتها كانت جالسة بيني وبينها ...يعني اشوفها على جنب

اختها كانت جالسة امامي ...يوووووووووه ...انا عيني على البنت ...واختها عينها علي

كل ما افر عيني اشوف اختها تطالع فيني ... وودي اضحك

عاد انا يا بنات ...سولفت معاها شوي ...وخالتها اللي يهديها رازة راسها بيني وبين العروس

يا جايبة راسي يمين يا يسار بسبب خالتها

المهم شغلت المجهر عليها ...وهي تاكل وهي تشرب وهي تتحرك ...وهي بتبسم وهي تتكلم ... تفحصتها زين ما زين

امها شايفتها في احد المناسبات ..وطلعت تعرفني على خفيف

امها انسانة ذوق وكلاس و اختها الكبيرة بعد ... يعني ناس حلوين جدا

رجعت البيت وقلت لهم (الاب والابن ))

قالوا لي شوفي الثالثة اللي انت قلتي عنها

قلت لهم ذبحتوني ...الثالثة انا عرف امهم عز المعرفة ...(عمة ابوي ) والبنت في ثالث ثانوي ...يعني شرط الجامعة مو متوفر فيها ...والبنت جملية (شفتها وهي صغيرة واكيد صارت احلى الان)

يعني اعرفها ....قلت للولد ...البنات الثلاث من عوائل بنفس المستوى الاجتماعي

البنات كلهم حلوين ...ولكن الفرق هنا ان البنت هذه جامعية

في بنات واسماء كثيرة مرشحة ...لكنهم بعاد جدا عنا ..ما اعرف حتى امهاتهم

وانا ما ابغي اخذ وحد بعيدة ...فقالوا خلاص ...كلمي عمتك عشان ترتب موعد

وراح اكلم عمتي اخر هذا الاسبوع وراح اسوي هجووووووووم عليهم

دعواتكم يا بنات

اكيد طولت عليكم ..بس حبيتكم تشاركوني كل خطوة اخطوها في رحلة خطوبة ابني

انتظر تجاربكم بالتفصييييييييييييييييييييييييييل

 

[عنقود عنب]

اسعدني قراءه سوالفكم الحلوه
الله يهينكم بعيالكم ويوفكم للخير
مايربت شهور العروس ولا يربت شعور الام
الله كريم

حياك الله عزيزتي رومنسيات القمر

نورتي والله

ربي يرزقك بالزوج الصالح اللي يستاهلك

وتكتبين لنا تجربتك هنا ان شاء الله

 

[!! ام الزين !!]

ماشاء الله موضوع راقي
جيتوا ع الجرح انا عندي ست اولاد ومافي بنت معاهم واكبر عيالي يبي يعرس يدرس سنة اولى جامعة في بريطانيا
كل مجاني زيارة يسئلني شفتي بنت عجبتج لي اقول لا وانا صادقة ماتخيل اني راح اخطب حق ولدي لين هو ماقال لي يمة ابي بنت فلان معنه اعرفهم واعرف انه ماشفها بس اخت صديقة روح عمرة من الطفوله لين الجامعة الحين معن كل واحد في ولاية بس مايتفرقون عن بعض اما بالنسبة لي اقول له تو الناس على انه يتزوج وهو طالع دراسة على حساب عملة يعتبر موضف عندهم بس احس عمرة صغير على الزواج عمره عشرين سنة واخاف انه فترة طيش شباب
ويظلم بنت الناس وخصوصا يتيمة الام ولا عندها خوات عندها اشقاء اولاد فقط والبنت صغيره في ثالث ثانوي
والبنت ماعليها اي كلام والله الشاهد كنت اعرفها من زمان على حيات امها ولكن ولا مرة شفت امها بحكم انها مريضة وفي المستشفى كانت فترة طويله حتى توفت ولكن اعيالي اصدقاء مع عيالهم وعادي يجون عندي البيت بس البنت كانت عند زوجت عمها تراعيها مع بناتها وبعد وافات امها تزوج ابوها وحدة ثانية بعد ماعرفها ولكن زوجي صديق ابوهم والعيال اصدقاء وجيران بالنفس الوقت

واسفة اذا طولت عليكم بس كنت محتاجة افضفض على فكرة زوجي رافض تزويج ولدة في الوقت الحالي حتى ياخذ سنتين او ثلاث من الدراسة يخاف انه بعد مايتزوج ينشغل عن الدراسة ويتركها لانه بصراحة دراسة ولدي هي مستقبله الي راح ياخذ فيها وظيفة عالية

 

[نور الصفاء]

ما شاء الله عليك حبيبتي عنقود عنب طلعتي خطيرة وبديتي الشغل على اصوله ,,,

طيب ليش ماتقرروا على البنت الجامعية طالما انك شفتيها لو غاويه وجع قلب ,,

شكلنا عن قريب بنأكل الكيك وبتفرح معاك ,,

ان شاء الله تفرحي بعرس اولاده يارب

 

[حبة لولو]

مبروك ياعنقودد عنب عاى هذاالملف صراحه موضوع مهم يستحق الاهتمام وينفتح له موضوع لحاله
ونقول تجاربنا فيه ونستفيد من بعض والله يزوج كل بناتنا وبنات المسلمين بالازواج الصالحين
اللي يسعدونهم ويوفق عيالنا وعيال المسلمين بالزوجات اللي يسعدونهم ..

انابعد عندي ولد على وشك زواج وعندي مشكله ابيكم تساعدوني فيها محتااااره فيها مره
بس افضي ارجع واكتب لكم واخذ آرائكم وأكيد مابتقصرون معاااااااااااااااي صحححححححح

 

[عنقود عنب]

ماشاء الله موضوع راقي
جيتوا ع الجرح انا عندي ست اولاد ومافي بنت معاهم واكبر عيالي يبي يعرس يدرس سنة اولى جامعة في بريطانيا
كل مجاني زيارة يسئلني شفتي بنت عجبتج لي اقول لا وانا صادقة ماتخيل اني راح اخطب حق ولدي لين هو ماقال لي يمة ابي بنت فلان معنه اعرفهم واعرف انه ماشفها بس اخت صديقة روح عمرة من الطفوله لين الجامعة الحين معن كل واحد في ولاية بس مايتفرقون عن بعض اما بالنسبة لي اقول له تو الناس على انه يتزوج وهو طالع دراسة على حساب عملة يعتبر موضف عندهم بس احس عمرة صغير على الزواج عمره عشرين سنة واخاف انه فترة طيش شباب
ويظلم بنت الناس وخصوصا يتيمة الام ولا عندها خوات عندها اشقاء اولاد فقط والبنت صغيره في ثالث ثانوي
والبنت ماعليها اي كلام والله الشاهد كنت اعرفها من زمان على حيات امها ولكن ولا مرة شفت امها بحكم انها مريضة وفي المستشفى كانت فترة طويله حتى توفت ولكن اعيالي اصدقاء مع عيالهم وعادي يجون عندي البيت بس البنت كانت عند زوجت عمها تراعيها مع بناتها وبعد وافات امها تزوج ابوها وحدة ثانية بعد ماعرفها ولكن زوجي صديق ابوهم والعيال اصدقاء وجيران بالنفس الوقت

واسفة اذا طولت عليكم بس كنت محتاجة افضفض على فكرة زوجي رافض تزويج ولدة في الوقت الحالي حتى ياخذ سنتين او ثلاث من الدراسة يخاف انه بعد مايتزوج ينشغل عن الدراسة ويتركها لانه بصراحة دراسة ولدي هي مستقبله الي راح ياخذ فيها وظيفة عالية

حياك الله عزيزتي ام الزين

والله نورتي وعطرتي صفحتي بمرورك

ما شاء الله تبارك الله ...ربي يحفظهم و يخليهم لك ...ويقرون عينك و يكونون بارين بك انت وابوهم

عزيزتي ...ربي يرجع لك ولدك بالف سلامة و يرفع راسكم

لكن ابوه معاه حق ...الولد توه صغير

قولوا له ...نخطب لك البنت ...يعني تكلمون ابوها ...

وبعد سنتين تكتبون الكتاب

واذا خلص ...يتزوجون ...عشان حتى هي تدخل الجامعة وتكمل دراستها

اما انكم تزوجونه و تروح له هناك ..فصعب جدا

يعني الولد يكون يا دوب يلحق على مسؤولية نفسه و دراسته في الغربة

فلما تزيد عليه مسؤولية زوجة واحتمال كبير تجيهم اولاد ..فأكيد راح يكون صغير جدا على تحمل كل هذه المسؤوليات الضخمة

انت خليه يركد شوي ...صبرية و فهمية ان المسؤولية صعبة جدا

والجميل انكم عارفين البنت واهلها...هذا اهم شي

ربي يفرحك فيهم كلهم

 

[عنقود عنب]

ما شاء الله عليك حبيبتي عنقود عنب طلعتي خطيرة وبديتي الشغل على اصوله ,,,

طيب ليش ماتقرروا على البنت الجامعية طالما انك شفتيها لو غاويه وجع قلب ,,

شكلنا عن قريب بنأكل الكيك وبتفرح معاك ,,

ان شاء الله تفرحي بعرس اولاده يارب

نوووووووور ...يا هلا ويا مرحب بك

شفتي انا مو سهله ..تدرين ليش

لان فعلا المسؤولية صعبة ...ما ابغي اخطو اي خطوة الا انا واثقة منها

اخاف اورط الولد والبنت معي ...لازم يكون كل شي حسب الاصول

ودعواتكم لي ..بان يكون النصيب

يعني احنا تقريبا حسمنا الموضوع ...البنت هي اللي راح نتقدم لها

ادعوا انها توافق

واتمنى التوفيق لكل ام تبحث عن عروسة لابنها

 

[عنقود عنب]

مبروك ياعنقودد عنب عاى هذاالملف صراحه موضوع مهم يستحق الاهتمام وينفتح له موضوع لحاله
ونقول تجاربنا فيه ونستفيد من بعض والله يزوج كل بناتنا وبنات المسلمين بالازواج الصالحين
اللي يسعدونهم ويوفق عيالنا وعيال المسلمين بالزوجات اللي يسعدونهم ..

انابعد عندي ولد على وشك زواج وعندي مشكله ابيكم تساعدوني فيها محتااااره فيها مره
بس افضي ارجع واكتب لكم واخذ آرائكم وأكيد مابتقصرون معاااااااااااااااي صحححححححح

عقد لولو ...يا هلا ويا مرحب بك عزيزتي

نورتي

ومشكووووووووورة على هذا الدعاء ....ربي يسمع منك

وفي انتظار تجربتك ...وان شاء الله نتناقش فيها ونلاقي الحل اللي يريحك و يرضيك

 

[vIH.]

حياالله تجمع الامهات الحلوات طبعايا ملحنا وحنا قاعدين نبحلق في ها البنات علشان عيالنا بالنسبه لي انا عندي ولدي الكبير ودي انه يتزؤج وهو صراحه متردد مره يله يمه دوري لي ابغى اتزوج ومره ياثر عليه ابوه بسالفه توك على الشقاء ولاحق على المسؤليه فيغير رايه هو طبيعته هادي جدا ورومانسي وهذا اللي يخليني احسب الف حساب ماادري وين اروح لاوالمشكله ماعندي بنت كبيره تساعدني شوي وهو رافض فكرة الاقارب فتلقيني لما اروح اي مناسبه اللهم لك الحمد طايره عيوني فيذا البنيات ورقبتي ماغير تلف واذا رجعت وعطيته الموجز حطمني شر تحطيمه صراحه قد ماانامبسوطه اني راح اخطب له قد ماانا حامله هم كيف ومتى الله يوفقهم ويرزقهم الصالح من خلقه

 

[عنقود عنب]

حياالله تجمع الامهات الحلوات طبعايا ملحنا وحنا قاعدين نبحلق في ها البنات علشان عيالنا بالنسبه لي انا عندي ولدي الكبير ودي انه يتزؤج وهو صراحه متردد مره يله يمه دوري لي ابغى اتزوج ومره ياثر عليه ابوه بسالفه توك على الشقاء ولاحق على المسؤليه فيغير رايه هو طبيعته هادي جدا ورومانسي وهذا اللي يخليني احسب الف حساب ماادري وين اروح لاوالمشكله ماعندي بنت كبيره تساعدني شوي وهو رافض فكرة الاقارب فتلقيني لما اروح اي مناسبه اللهم لك الحمد طايره عيوني فيذا البنيات ورقبتي ماغير تلف واذا رجعت وعطيته الموجز حطمني شر تحطيمه صراحه قد ماانامبسوطه اني راح اخطب له قد ماانا حامله هم كيف ومتى الله يوفقهم ويرزقهم الصالح من خلقه

حياك الله عزيزتي

اي والله ... قاعدين نبحلق في هالبنات عشان عيالنا

يا ويلي على الرومنسي ...هنا فعلا يبغي لك تختارين وحده تقدر الرومنسية والحنية اللي فيه ...يعني ولدك جنوبي
..حاولي تحصلين له على جنوبية ...تقدر قيمة الحب والرومنسية

وانا بعد ولدي الثاني جنوبي ..حنوووووووووووووووووووووووووووووون ...عاطفي ...رقيق ..حساس ...خدووووووم ...مضحي

وش اقول و وش اخلي ..ابوي دائما يقول لي ...هذا لازم تدورين له على وحده تقدرة ...والا راح تعيشين في تأنيب ضمير طول عمرك لو خطبتي له وحده ما تقدر طبايعة .. :tears:

اما ولدي الكبير ..ما شاء الله تبارك الله ...مثل ابوه شمالي ..شخصية قوية جدا جدا ... ما ينخاف عليه

لو اخطب له بنت ابليس الرجيم ...يقدر عليها و يكسر لها راسها بعد ...:shiny:

ربي يوفقك في بنت الحلال اللي تستاهل ابنك

ويوفقك ابناء وبنات الجميع

 

[نور الصفاء]

هلاا وغلااا بأم المعرس ,,,

ان شاء الله ربك يوفق بينهم ويجعلهم من نصيب بعد ويسعدهم ويبارك لهم ,,,

اما انا حالتي حالة حتى احس ولدي المسكين وده يسألني بس مستحي وفاهم اني مطنشة الموضوع ,,

والله العالم ان هالموضوغ شاغل بالي بس مدري ليش مترددة وخايفة ,,

حتى بناتي يضحكوا علي يقولوا وين امي القوية والشخصية موضوع مثل هذا خفتي ,,

الموضوع اكبر ما يتصوره هالبنت بتكون شريكة حياته واختياري ببيحدد مستقبله ,,

ومصيبة لو طلعت مو مثل ماتمناها بيجي الشيء على رأسي

مواضيع الخطوبة انا ما ادخل نفسي فيها ابد حتى اخواني لما طلبوا مني اقول الى خواتي

وبعدين اروح عشان نتفق ,,

اللحين عندي اربع بنات

بنت الله يستر عليها ثالث ثانوي شفتها مرة وحده بس اعرف عائلتها ناس محترمين ,,
بنت عمرها 22 سنه اخر سنه لها وهي تطبق اللحين وفيها جميع المواصفات بس هو يبيها اصغر
بنت دكتورة جميلة واخلاق وهي سنة ثالثة بس هي سمينة شوي وهو يبيها رشيقة ,,عمرها 22
بنت عمرها 20 سنة وماشاء الله من عائلة محترمه والبنت حلوة ومؤذبة بس مستواها الدراسي
مو لهناك في معهد وهو محتار لانه ييبي جامعية ..

يبي زوجة متعلمة مثقفة جميلة شعر ناعم بشرتها وسط ولو كانت بيضاء افضل تكون رشيقة وسنها يكون من 18 الى 21 سنة
من عائلة محترمة

مواصفات ولدي طبعا
خريج هندسة كهربائية واللحين موظف بشركة كبيرة ,, عمره 24 سنة
وسيم ويقول مابي اكون انا اجمل منها بعديم بعايرها :sad_1:بدينا بنذالة الرجال من اللحين
طبعا يمزح بس ,,,,

محتاااااااااااااااااااااارة احسه يبي وحده تفصيل
عجبتنه االثانية بس متردد
شكلي بكنسلهم وبدور من جديد

هذرت واجد بس من حرتي:bleh:

 

[خدود الورد]

يا اااااااااااااااا


بكيتوني ...

حسيت بمشاعركم ....الله يجازيكم عنا خير يالأمها ت ....



أنا توني متزوجة من سنتين وولدي ما كمل سنة ...

 

[عنقود عنب]

هلاا وغلااا بأم المعرس ,,,

ان شاء الله ربك يوفق بينهم ويجعلهم من نصيب بعد ويسعدهم ويبارك لهم ,,,

اما انا حالتي حالة حتى احس ولدي المسكين وده يسألني بس مستحي وفاهم اني مطنشة الموضوع ,,

والله العالم ان هالموضوغ شاغل بالي بس مدري ليش مترددة وخايفة ,,

حتى بناتي يضحكوا علي يقولوا وين امي القوية والشخصية موضوع مثل هذا خفتي ,,

الموضوع اكبر ما يتصوره هالبنت بتكون شريكة حياته واختياري ببيحدد مستقبله ,,

ومصيبة لو طلعت مو مثل ماتمناها بيجي الشيء على رأسي

مواضيع الخطوبة انا ما ادخل نفسي فيها ابد حتى اخواني لما طلبوا مني اقول الى خواتي

وبعدين اروح عشان نتفق ,,

اللحين عندي اربع بنات

بنت الله يستر عليها ثالث ثانوي شفتها مرة وحده بس اعرف عائلتها ناس محترمين ,,
بنت عمرها 22 سنه اخر سنه لها وهي تطبق اللحين وفيها جميع المواصفات بس هو يبيها اصغر
بنت دكتورة جميلة واخلاق وهي سنة ثالثة بس هي سمينة شوي وهو يبيها رشيقة ,,عمرها 22
بنت عمرها 20 سنة وماشاء الله من عائلة محترمه والبنت حلوة ومؤذبة بس مستواها الدراسي
مو لهناك في معهد وهو محتار لانه ييبي جامعية ..

يبي زوجة متعلمة مثقفة جميلة شعر ناعم بشرتها وسط ولو كانت بيضاء افضل تكون رشيقة وسنها يكون من 18 الى 21 سنة
من عائلة محترمة

مواصفات ولدي طبعا
خريج هندسة كهربائية واللحين موظف بشركة كبيرة ,, عمره 24 سنة
وسيم ويقول مابي اكون انا اجمل منها بعديم بعايرها :sad_1:بدينا بنذالة الرجال من اللحين
طبعا يمزح بس ,,,,

محتاااااااااااااااااااااارة احسه يبي وحده تفصيل
عجبتنه االثانية بس متردد
شكلي بكنسلهم وبدور من جديد

هذرت واجد بس من حرتي:bleh:

نور

هذرتك مثل شربات اخواننا المصريين

اشوفة في التلفزيون لونه احمر ...اقول لابو الشباب والله خاطري اذوقة ...شلكة مغري و حلو

عاد سوالفك انا اشوفها مثل ما اشوف الشربات في الافلام ...لذيييييييييذه و حلوة مثلك

كل كلمة قلتيها يا نور صحيحة مية مية ..خوفك و ترددك ..انا مثلك بالضبط

والله يانور ما انام الليل ...اقول لو تطلع البنت مو مثل ما يبغي الولد ... اكيد راح الوم نفسي طول عمري ....وين اروح من تأنيب الضمير

عاد يقول لي ابوه ..والله مستعد اقبرك انت و ولدك اذا دخلتوا في الموضوع وبعدين قلتوا بننسحب

تدخلين في الموضوع ... و تكملينه انت وولدك ...انا اذا صار كلام رجال ما اتراجع عنه لو اذبحكم انتوا الاثنين ...:shutup:

قلت له ...ولو يا بو العريس ...انا ما ارضها لك ابدا ..ولا اقبلها على نفسي

عشان كذا انا حريصة جدا في الاختيار

عاد تعرفون يا بنات انا وش ناوية اسوي اذا رحت لام العروس ؟؟؟

بقول لها ...انت شاوري البنت وابوها .... اذا وافقوا ..ودي انهم يشوفون بعض يكون افضل

واذا شافوا بعض وارتاحوا ونزل الله القبول في قلبوهم ..ذيك الساعة نسوي الفحص الطبي

وان شاء الله يطلعون يناسبون لبعض

بعدين نتكلم بشكل رسمي و نقول للاهل ...لاني انا ما تكلمت ابدا ابدا ابدا

واذا ما وافقت على انهم يشوفون بعض

راح انهي الموضوع من اساسة

اخاف اواصل وبعدين لما يشوفها بعد ما يصيل كلام رجال وما تعجبة نتورط مع الناس

ابو الشباب وصل بروح احط له العشا وارجع لكم

 

[نور الصفاء]

حبيبتي عنقود عنب الحقيني انا في ورطة وحاسة بخوف مو طبيعي وكأني انا اللي بنخطب ,,

طبعا انا قلت لك ان في بالي اربع بنات والثانية منهم صديقة بنتي ,,

واللحين بنتي كلمت بنتهم الصغيرة هي صديقة لبنتي ,,

وقالت لها اني وامي نبي نعمل زيارة لكم في البيت

والبنت كلمت امها وقالت حياكم الله بأي وقت ,,,

يا ويلي مدري لما اروح شنو اعمل انا ماشفت البنت بس بناتي شافوها

ناس مادخلت بيتهم استتحي ازورهم

ولو رحت لهم ادخل بالموضوع واطلبها لو اخليها تعارف ,,,,


اعطيني افكارك غناتي اختك محتاسة :blushing:

 

[عنقود عنب]

حبيبتي عنقود عنب الحقيني انا في ورطة وحاسة بخوف مو طبيعي وكأني انا اللي بنخطب ,,

طبعا انا قلت لك ان في بالي اربع بنات والثانية منهم صديقة بنتي ,,

واللحين بنتي كلمت بنتهم الصغيرة هي صديقة لبنتي ,,

وقالت لها اني وامي نبي نعمل زيارة لكم في البيت

والبنت كلمت امها وقالت حياكم الله بأي وقت ,,,

يا ويلي مدري لما اروح شنو اعمل انا ماشفت البنت بس بناتي شافوها

ناس مادخلت بيتهم استتحي ازورهم

ولو رحت لهم ادخل بالموضوع واطلبها لو اخليها تعارف ,,,,


اعطيني افكارك غناتي اختك محتاسة :blushing:

نور عزيزتي

لي عودة سريعة ان شاء الله