الشمــــــــــــــــ رجل القانون (2)والعدالة ــــــــــــــــــــــــــــــــــــالي

[عنقود عنب]

سلام الله عليكن جميعا

واخص اختي عذاري على هذا الموضوع الرائع

واسئلتها اللي تخلي كل واحده منا تطلع اشياء ماكانت تفكر فيها من قبل

بسم الله الرحمن الرحيم نبدأ الاجابات


حددي نمطك ونمط زوجك؟
انا جنوبية غربية و زوجي شمالي غربي

- الشمالي والوظيفه 00هل انت موظفه 00او ربة البيت 00صفي وضعك ومشاكلك وطريقة ادارتك لفراغك 00او توفيقك بين العمل والمنزل بهذه الناحيه ؟؟

قبل اسبوع كنا نتكلم عن هذا الموضوع بالذات

انا ربة بيت

زوجي يكرة المراة الموظفة ...اقول له ليش ...انت تفكيرك تفكير اهل زمان

يقول :قولي اللي تبغينه ...انا ما احب المراة اللي ما تجلس في بيتها و تهتم بالعيال و شؤن البيت وشؤون زوجها ...

اقول له : لو كل واحد تفكيرة مثلك كان ما صارت مدراست تدرس بناتنا و طبيبات تعالجنا

سألته : راح تعارض شغل بناتك ؟؟

قال لي : لا ... بالعكس خلها تتوظف !!!!!

قلت له : طيب لو زوجها طلب منها تترك وظيفتها؟

قال لي : يخسي ...هو خذها موظفة ...يتحمل شغلها ...

يعني بالعربي الفصيح ...زوجي يبغيني ما افكر في شي غيرة و لا غير البيت والطبخ والنفخ

بالنسبة للفراغ .... الحمد لله ما عندي فراغ ابدا

يومي كله مشغول ..الى درجة ما عندي وقت اتابع التلفزيون الا وقت بسيط جدا وبرامج معينه افضي نفسي لها

الحمد لله ..انا من النوع اللي احب اخذ دورات ...واخذ دورات طويلة ..يعني بالشهور ...خياطة ..كمبيوتر .. طبعا هو احسه مو راضي ..لكن ما يقول لها بصريح العبارة

لكن يسوي لي تحقيق ...كيف راح يكون دوامك ...متى راح ترجعين البيت ..من راح يهتم بالعيال ..كيف يعني راح تطبخين الوجبات ... لا يكون يصدر منك تقصير ولو 0،000000001 %

اقول له ..ما راح اقصر ...انا قادرة على ترتبيت وقتي

يعني الحمد لله ..اولادي كبار في السن يقدرون يدبرون انفسهم في هالكم ساعة اللي اطلع من البيت

امارس رياضة المشي لمدة ساعة يوميا مع جاراتي ...حاول انه يمنعني ..عشان ما اطلع برة البيت يوميا ...لكن قلت له ..امنعني من اي شي ...الا المشي ما استغني عنه ..وهذا انا الحمد لله صار لي سنين امارس هذه الرياضة الرائعة وانصحك الكل بممارستها

الميزة ان زوجي متقاعد ...وطول النهار في البيت ...لكن ما يجبرني ان اجلس معاه ..يعني ظليت فترة ما عندي شغاله ..وكان الشغل ياخذ وقتي كله ..فما كان يزعجني ابدا بتواجده في البيت

اهم شي اجهز له فطورة و نفطر مع بعض ...ثم اجهز له الشيشة والشاي واتركه على جهاز الكمبيوتر و التلفزيون ..وانا اقضي شغلي

العصر يطلع يروح شغلة الخاص وما يرجع الا الساعة 12 ليلا ...يعني عندي وقت طوووويلة متفرغة لنفسي والبيت والعيال و هواياتي


- الشمالي هاجسه الأمن 00 هل ترين ذلك بإدخاره وحرصه وكيف تشتركين معه بهذا الهم ؟؟
نعم ...فعلا ..هذه صفة واضحة في الشمالي ..هو فعلا عنده هاجس تأمين مستقبلنا
دائما فكرة مشغول بالعمل و في كيفية تطويرة حتى يؤمن لنا مستقبل

ولكن من كثر ما هو حريص ...ضيع فلوسه كلها في الاسهم عشان يضاعفهم ...ههههههه

من ناحية مشاركتي له ..فالحمد لله ..لا يحب يشركني في امورة المالية

يقول لي ما ابغي اوجع راسك بالمشاكل المالية ...انت عليك ما ينقصك شي ...اما الباقي علي

اقول له ..جزاك الله خير ...ريحتني

3- افضل الصفات الإيجابية التي ترينها بالشمالي ؟؟
فيه صفات كثيرة حلوة

ثقتة بنفسة ... كلمته المسموعة عند الكل ..رجاحة عقلة و تفكيره
شخص يعتمد عليه في المواقف الصعبة والحرجة
اشعر بالامان معه
كريم ... وشهم وصاحب مبادئ
صريح و حقاني


4-الشمالي والتسوق 0ماتعليقك؟؟0
99% اتسوق بنفسي ...لانه يذبحني اذا جيبت اتسوق معه

انا اقول يمين ..هو يقول شمال

انا من النوع اللي اذا عجبني محل معين ..دائما اتردد عليه و اخذ نفس نوعية بضاعته

هو يقول لي ..ما يصير تعلقين على محل واحد ...جربي محلات ثانية

اقول له ما احب اتعب نفسي ...انا مرتاحة لنوعية البضاعة هذا ما احب اغيرها

ولكن اذا اصر علي اني اشوف محلات ثانية ..اكتشف فعلا ان فيه اشياء احلى من اللي متعوده اخذها

مثل ... ما يحب الماركات ..يقول لي غالية على قل معنى ..شوفي لك بدائل افضل منها

لكن غالبا ...انا اتسوق بنفسي ... وهو يدفع الفلوسسسسسسسس


- قضاء العطلات والاوقات العائلية والاجازات مع الشمالي هل هو شي ممتع لك واذا كان نعم كيف ؟؟؟؟
طول السنة ما يطلعنا ابدا ابدا ...انا اللي اطلع لحالي مع الاولاد ..

واذا واذا واذا بالغلط اصرينا عليه انه يطلع معانا ..صراحة ...ينكد علينا ..ما يجعبة العجب

تلاقين وجهه مكفهر ..وهات يا تعليقات على المكان او على الاكل او او يطلع لنا مليون حجة

لكن في الاجازة الصيفية بما انه متقاعد .فيااااااااااسلام

الحق يقال ...يعوضنا مليون في المئة ... نشيطة في السفر ...يحب يكتشف كل مكان

ما يحب يضيع ولا دقيقة بدون ما يكتشف محلات و مطاعم و مقاهي

لكن عبية الوحيد انه غالبا على الصامت ..كلامة قليل ...لكني تعودت عليه

اكيد طولت عليكم اخواتي ..لكن هذا كان طلب اختنا العزيزة عذاري ...تبغي اجابات مطولة

 

[كييييوت وبس]

حتى رسائل الزوار منعونا منها ياعذاري الله يستر مايمنعونا من المنتدى بعد
اختي عذراي الله يوفقك ويسخر لك وماتشوفين يوم اسود يارب

ياحبيبتي كلامك باطبقه حرفيا واقاطع اهله بدون نقاش>>بس الشمكله ياقلبي ان الخميس والجمعه يروح لهم غدا!! وانا اروح فقط الجمعه معه!!
الحين بيصير يروح الجمسعه والخميس ابي اقنعه ان يوم لنا ويم لهم!!
والمهم في الموضوع وش اسوي له بعد كلامه الجفاااااا ماينفع والنقااااااااش ماينفع وش ينفع مع ذا الشمالي!!
والله انهم فيه نقطه اكرههااااااااا اذا تناقشت باي موضوع وقلت انت مقصر بكذا وكذا يقلبها علي
تعرفين وش قال اليوم قال افكر اتزوج>>مانصلح كذا كل يوم نقاش؟؟>>للعلم ياقلبي ياعذراي مو كل يوم نقاش ولا شي بس هو كذا يحسسني اني اخطيت ودي يقول لا يامره مو الموضوع كذا او يقول يازوجتي انتي فهمتي غلط او اي شي...
قلت انا تبي راحتك وتتزوج وانا وين راحتي قال تفتكين من وجهي يوم وترتاحين قلت لا ه>>المهم كلامه اليوم كله ينفررررررر مدري ازعل عليه ولا اكلمه ايام؟ او اقول ياحبيبي انا ماقصرت>>[س انا مابي يقلب الموضوع فيني
وهو اللي غلط علي بالافاظه ومعاملته
الله يسخر لك ماارح ارد ولا اعلق هنا اذا عندك رد روحي لموضوعي منزله موضوع انا عشان اعلق عليك مابي والله اخرب الموضوع عليكــ

وفقكــ الله وسخر لكـ

حبيبتي الحلا انا متابعه قصتك مع زوجك من زمان ........وطبعا انا حياتي مع زوجي قريبه من حياتك فانا ابفيدك من واقع تجربتي .......يبدولي ان زوجك عنييييييييييدجداعلشان كدا من واقع تجربه لا تصيري كتاب مفتوح بعرف كيف يضايقك وكيف يزعلك.....والله العظيم ان ابو زوجي فيه جلطه بالمستشفى له اربع شهور مازرته الامره والثانيه وداني اخوي وانا من حرجه من شكلي قدام اهله.....ليش مايودني لابوه وان قلت ابزوره قالي الوصل مانبيه....خليه لك مع ان الكل يزوره ويقولو كيوت وينها .......حتى بعلاقته مع اهلي سطحيه ورسميه ويمكن يمر العيد ماسلم عليهم ........انا ما انصح تعاملي اهله بالمثل لكن همشي الموضوع.......ولاتفتحينه مره ثانيه ......وبالنسبه للتهديد تقريبا سنويا مره اومرتين الي يصير موضوع كبير واروح لاهلي حتى اخوي الكبير ما عاد يحبه من كثر مايغلط علي لكن انا حاليا ما اناقش الا بوقت راااااااايق وان صار معصب تركته ,,,,,,,ولا ارد عليه الله اعلم ان زوجك يحبك لكن يغارمنك يمكن انت اجمل ومن عائله لها مركز فيعوض شعوره بالنقص بكدا......نفس العباره الي قالها لك زوجك انا وبس نفس عباره زوجي حبيبتي يبدو ان نمط زوجك ثلاثي شمالي شرقي غربي يبي لك صبر ولاتناقشي ....اطلبي حاجاتك بدون تردد لكن لا تطالبيه بوصل اوسلام اوتفرضي عليه شخصيه معينه اتركيه ......وجهي بشكل غير مباشر ونصيحه اي شي تبينه لفي ودوري لانه عنيييييييييد وماينفع معه الصراحه ......... والله يسعدك بس ماادري احس ان عمرك 25والا انا غلطانه واسفه ياحبوبتنا عداري لاني طلعت عن الموضوع بس مريت بنفس التجربه وحبيت افيد

 

[كييييوت وبس]

انبه حاليا هذي اخر جزئية نقاش لنزلها

نبي نغير شوي طريقة سير الملف
انتظر اقتراحاتكم ​

اسئلة للنقاش 5​

اجيبوا بالتفصيل
(حددي نمطك ونمط زوجك)​

انا جنوبيه شرقيه وزوجي شمالي غربي وشرقي نسبه الاجابات عنده متساويه بين الشرقي والغربي عشان كدا القى صعوبه في التعامل معه .....ماخدمن الغربي الفكاهه والعلاقات ولا يمكن التنبؤ بما يفعل وماخد من الشرقي عدم نسيان الاساءه والبطء باتخادالقرارات كما انه يهتم بمظهره سيارته

1- الشمالي والوظيفه 00هل انت موظفه 00او ربة البيت 00صفي وضعك ومشاكلك وطريقة ادارتك لفراغك 00او توفيقك بين العمل والمنزل بهذه الناحيه ؟؟​

الحمدلله موظفه.....وفراغ ماعندي فراغ وطبعا لابد من انجاز الاعمال بدقه ونظام وخاصه الاشياء المتعلقه بزوجي من وجبات وملابس قبل الوقت المحدد تجنب للمشاكل طبعا ليس لدي خادمه واطفال يدرسون .......هههههه جنوبيه....لواخرج من عملي متاخرلابد من عمل الغداء في المنزل

​

2- الشمالي هاجسه الأمن 00 هل ترين ذلك بإدخاره وحرصه وكيف تشتركين معه بهذا الهم ؟؟​

طبعا لوعنده وادي من دهب قال لابد من ثاني ........طبعا اساهم في مصروف المنزل وفق بنود محدده

3- افضل الصفات الإيجابية التي ترينها بالشمالي ؟؟​

1. يمكن الاعتمادعليه,,,,,,,,شهم,,,,,,,,,,,,كريم بس بحدود........

4-الشمالي والتسوق 0ماتعليقك؟؟0​

لايحب التسوق كثير يحب الماركات والاشياء القيمه

5- قضاء العطلات والاوقات العائلية والاجازات مع الشمالي هل هو شي ممتع لك واذا كان نعم كيف ؟؟؟؟​

العطلات مايحب السفر وان سافرنا نكد........وجلسته بالبيت قليله بعض الاجازات ممتع والاخر نككككككد يمكن جهلي بطبيعته تخليها نكد والله ييسرها من عنده

الف شكر للاخت عداري على ملفها الرائع

 

[ملاك88]

1- الشمالي والوظيفه 00هل انت موظفه 00او ربة البيت 00صفي وضعك ومشاكلك وطريقة ادارتك لفراغك 00او توفيقك بين العمل والمنزل بهذه الناحيه ؟؟

انا ربة منزل ..بالعكس ما عندي وقت فراغ كثير ..من اصحى وانا عندي شغل ما بين البيت والطبخ ولأولاد ورجعة زوجي لما يناموا الأولاد على 9 بالليل أفضى لنفسي واعمل الأشياء الي احبها

2- الشمالي هاجسه الأمن 00 هل ترين ذلك بإدخاره وحرصه وكيف تشتركين معه بهذا الهم ؟؟​

بالعكس ما يحب الإدخار وكم مرة حاولت معاه اننا نجمع لنا كم قرش علشان نشتري شي معين بس يرفض اننا نضيق على نفسنا علشان شي محدد اشوفه حرصه على الأمن أكثر شي بالسيارة يعني لازم يحط الأولاد في كراسي الأطفال ولازم كلنا نربط حزام الأمان ومستحيل يقبل انه يركب معاه بالسيارة فوق العدد المطلوب ..بالنسبة لي أنا معاه في هالموضوع لأنه على حق واذا كنت اقترحت له شي بالنسبة للإددخار ورفض فماهو شي مرة مهم بالنسبة لي الآن فما فكرت في الموضوع كثير ولا اصريت عليه لأنه الحمد لله أمورنا ماشية

3- افضل الصفات الإيجابية التي ترينها بالشمالي ؟؟


الكرم
الإيثار
تعبيره لحبه لي
خوفه علي وعلى الأولاد رغم انها أحياناً تكون فيها شئ من المبالغه لكن تعجبني

4-الشمالي والتسوق 0ماتعليقك؟؟0

ما يحب السوق ولا التسوق لكن يطلع معانا يوم بالأسبوع علشان خاطر يمشي الأولاد وعلشان انا اتسوق لنفسي صحيح مو مرتاح بس علشان خاطرنا بس مايحب تسوقي يآخذ وقت طويل علشان كده مرات اطلع مع حريم افضل علشان لا يطفش ويستعجلني

5- قضاء العطلات والاوقات العائلية والاجازات مع الشمالي هل هو شي ممتع لك واذا كان نعم كيف ؟؟؟؟

قضاء العطلات معاه عادة في العطلة اروح لأهلي لأنهم بعيد عني وهو يكون معايا لكن ما احسه كثير مبسوط لنه ما في اماكن يطلع فيها ولا أقارب كثير يعرفهم هناك فيتذمر بعض الشئ لكن نروح منطقة ثانية نتمشى فيها وينبسط وجيتي معايا علشان هو يحس انه مسؤؤل عني يمشيني ويوديني و(ينتبه علي)
ورغم اني حاولت معاه اني اجي لحالي بدونه علشان لا يطفش وانا اقدر اروح واجي للزيارات والتمشيات براحتي الا انه عملها مرة وحده وقلي خلاص اول وآخر مرة قلتله لييييش؟قال ماني متعود ارجع البيت ومالقاكي وانام وانت ممو جنبي مااقدر اكون لوحدي بدونك:in_love:
رغم اني افضل اروح لحالي

 

[ملاك88]

نسيت أقول انه شمالي غربي وأنا جنوبية شرقية

 

[الــحــلا]

كيوت وبس شكرا ياقلبي على حرصك الله يوفقك ويسخر لكـ يارب عمري انا 27
ومتزوجه من عمري 17>>اكبر غلطه بس الحمدلله على كل حال مابي اطلع من الموضوع

باجاوب على الاسئله

نمطي جنوبيه غربيه وزوجي شمالي شرقي

- الشمالي والوظيفه 00هل انت موظفه 00او ربة البيت 00صفي وضعك ومشاكلك وطريقة ادارتك لفراغك 00او توفيقك بين العمل والمنزل بهذه الناحيه ؟؟


انا ربه منزل الحمدلله وضعي عادي وفراغي ادخل نت واستفيد واقرا او اعمل رياضه المشي

2- الشمالي هاجسه الأمن 00 هل ترين ذلك بإدخاره وحرصه وكيف تشتركين معه بهذا الهم ؟؟
اي هاجسه البيت والامن ويقول وراي مسوليات وكذا وحريص وصرفه الحمدلله بحرص مو بخيل لا لا الضروري مايقصر فيه والاشياء الاخرى يقول اصبرو اذا جبنا بيت وكذا
اشاركه اني اصبر على اشياء ابيها مثل سفر او اثاث حلو واقول بعدين >>يعني اصبر عليه وما اكلفه زياده ​

3- افضل الصفات الإيجابية التي ترينها بالشمالي ؟؟
انه ينسى بسرعه مع ان كلامه يسم البدن ويقهر وانا ارد عليه بكلام يقهر>>ينسى
انا ما انسى كلامه وبيني وبين نفسي اقول كيف يقول لي كذا ويطردني وكذا
بس اقول بيني وبين نفسي بما انه نسى كلامي اكيد ماهمه واعتبر كلامي مو من قلب اكيد هو مثلي وكلامه مو من قلبه
>>مثلا من الكلام اللي اقول له اففففففف جاء قال لي اف من الدنيا يتطنز علي قلت انا لا اف منك انت الدنيا فيها اشياء زينه>>يعني انا ناويه اجرحه لانه قهرني >>بس انا ندمت والرجال بعد الهوشه ينسى
اتمنى يجي يوم يعاتبني ويقول انتي ماتبيني انتي قلتي وقلتي!!
حياتنا صمت يعني احس لو بقول بروح لاهلي شهر يقول روحي اتمنى يقول ماصبر بدونك اجلسي >>احس غيرت مووضع الجواب ​

الله يعين
:sadwalk:

4-الشمالي والتسوق 0ماتعليقك؟؟0​

التسوق مع زوجي ما ارتاح بصراحه معه يبي اختار بسرعه وكذا والوقت محمدود اروح لحالي مع خواتي اريح لي واروح معه اذا كنت بسفر او اروح ابي غرض معين وارجع بسرعه

5- قضاء العطلات والاوقات العائلية والاجازات مع الشمالي هل هو شي ممتع لك واذا كان نعم كيف ؟؟؟؟

العطلات والله زوجي ماياخذ اجازه اتمنى مره اسافر اسبوع واحد
سفرتنا كلها يومين للبحر ووبس وفعلا وناسه باليومين هذي لان كل وقت نطلع ويجيب كل اللي نبيه>اتمنى تطول اكثر من يومين
اما الاوقات العائليه مخصص لنا الجمعه نروح نتعشا بمكان او يلعبون العيال ثم نتعشاء>مو كل جمعه جمعه ورا جمعه
الحمدلله مقتنعه ​

وآآآآآآآآآآآآآآآآسفه مره ثانيه ياعذراي اني اشغلتك بموضوعي
>>ابي اكمل لكم وش صار رجع زوجي بليل وانا ماكاني سمعت كلامه اللي يقهر باتزوج وكذا
قال لي الجو حلو ليه ماقلتي لامك تجي تتقهوا معك؟؟؟
انا بيني وبين نفسي ترجمت التصرف هذا انه ندم على اللي سواه معي قلت انا امي تبي انت تجي عندها مو هي ويازينك ياقلبي :icon26:وانت حريص على اهلي>>جاء رد علي وقال حق وواجب ..:icon30:
ثم انا عطيته بوسه واسكتت>>مافتحت موضع البارح وقلت اجل وش فيك وكذا وكذا

انا بيني وبني نفسي للحين طايره عيوني:detective2:مستغربه وش غيره!!
يمكن رحمني اني مازعلت من كلامه وصرت طبيعيه
مدري وش يبي بس يارب ياحي ياقيوم يفرحني ويروح لابوي ويسلم عليه

انتظر ردكـ ياعذاري :icon26:

 

[زوجةشمالي شرقي]

(حددي نمطك ونمط زوجك)


انا جنوبيه غربيه وهو شمالي شرقي
​

1- الشمالي والوظيفه 00هل انت موظفه 00او ربة البيت 00صفي وضعك ومشاكلك وطريقة ادارتك لفراغك 00او توفيقك بين العمل والمنزل بهذه الناحيه ؟؟​

انا معي دبلوم..اخذتها بعد ما تزوجت.. وحاليا ربة بيت..
هو رافض اني اتوظف..يقول انا ماراح اخليك تحتاجينها..
واحيانا احس انه رفض اني اتوظف لأنه شاف كيف كنت اعاني من قومة الصبح.. واحيان اغيب..يعني كسوله..فقال من الاخر اقعدي..
وقت فراغي على النت او مع زوجي اذا كان صاحي وفي البيت..

واول ما تزوجنا كنت لما اقول له زهق ملل..ابيه يطلعني.. يقول دوري لك شغل في البيت.. شوفي جزمي لمعيها.. انا هالجمله الى الان قاهرتني:icon28:

2- الشمالي هاجسه الأمن 00 هل ترين ذلك بإدخاره وحرصه وكيف تشتركين معه بهذا الهم ؟؟
اول ما تزوجنا كنت اقول له عن التوفير وهو ما كان مقتنع..

لكن بعد ما سار عندنا اطفال حس بضرورة الامر وبدا بالتوفير

3- افضل الصفات الإيجابية التي ترينها بالشمالي ؟؟​

حنون..يحب الاطفال..كريم..وان شاء الله وفي

4-الشمالي والتسوق 0ماتعليقك؟؟0
ما ننزل للسوق الا بايام الاسبوع تفاديا للزحمة..
يمل بسرعة ويقول مشينا ننزل يوم ثاني..​

لكن يوم سار عندي ثلاث بنات الله يصلحهن ويستر عليهن..
سار يظغط على نفسه شوي لأنه عارف ان اغراضهم كثيرة..

5- قضاء العطلات والاوقات العائلية والاجازات مع الشمالي هل هو شي ممتع لك واذا كان نعم كيف ؟؟؟؟
دايم عند اهله او اروح عند اهلي..
ما بعد جربت نسافر لحالنا.. احس بتكون حلوة اذا ما توقعت الكثير.. يكفي اني بكون مع الانسان اللي احب وفي مكان حلو ورايق..
بس كل ما اقول له خل نروح بهالعطله..يقول يسير خير..

وعلى فكره..اخر مره واول مره سافرنا مع بعض غير شهر العسل.. كانت لدبي.. ومره ركبنا سفينه وسار فيها رقاصة:shutup:

وانا توني والده والجسم رايح فيها..وذي قاعده تهزز قدامنا..

انا انفجرت بوجهها وصرخت عليها غصب عني:nosweat:
وهو تفاااااجاء من تصرفي..:exclamationpoint:

تتوقعين هاموقف خلاه ما يفكر لو مجرد تفكير اننا نسافر مع بعض مره ثانية؟!!!

 

[flashah]

الشمالي والوظيفه 00هل انت موظفه 00او ربة البيت 00صفي وضعك ومشاكلك وطريقة ادارتك لفراغك 00او توفيقك بين العمل والمنزل بهذه الناحيه ؟؟

موظفة ولله الحمد ولا كنت بموت من قعدة البيت، لانه ما يحب يطلعنا وبيت اهله ماحد يزورهم ومايحب زيارات العائلة ، وما يحبني ازور اهلي .
شغلي ما مخلي عندي فراغ وخصوصا انه عندي ولدي بعده صغير ومسليني في البيت ، احب اشوف المنتدى ، بس ما الحق اقرا كل المواضيع اللي خاطري فيهم بسبب اني مشغولة.
وهو ولله الحمد ما يي البيت إلا اخر الاسبوع.

2- الشمالي هاجسه الأمن 00 هل ترين ذلك بإدخاره وحرصه وكيف تشتركين معه بهذا الهم ؟؟
لا هو مب مدخر مع انه يطلب مني دائما الادخار. على فكرة زوجي متسلط إلى حد كبير ​

3- افضل الصفات الإيجابية التي ترينها بالشمالي ؟؟

ما ادري عن الصفات الايجابية بس هو لما يكون مستانس يرتاح ويحاول ما يقصر في أغراض البيت بس لو زعل الله المستعان

4-الشمالي والتسوق 0ماتعليقك؟؟0

كل ما اروح السوق يالله بسرعة اشتري ومشكلتي انه ما يعجبني شيء بسهولة ، فالله يعينه ويعيني.

5- قضاء العطلات والاوقات العائلية والاجازات مع الشمالي هل هو شي ممتع لك واذا كان نعم كيف ؟؟؟؟


لا دايما مشاكل ويحاول يفرض رايه في كل شي

 

[flashah]

عذاري بغيت اسألج زوجي خاين وانا اعرف هذا الشيء بس هو مايعرف اني اعرف وما حسسته اني اعرف ، مشكلته كل ما يروح عندها يرد يا منجلب علي ، او قبل ما يروح ينجلب حاله 180 درجة ، وها الاسبوع كان رايح عندها، قبل دوامه تصوري كان جاي يوم السبت لانه عنده شغل يوم الجمعة قعد عندنا ساعة الظهر وقت الغدا وباقي الوقت طلع برع ، وقبل ما يداوم دخل البيت سبح طلع حتى السلام ما سلم علينا مع انه بيغيب اسبوع ومع انه دوامه بيكون اليوم الثاني بس طلع من البيت الساعة 5 وراح وما اتصل من يوم السبت رحت وطرشتله مسج ما ادري اللي كتبته له صح ولا غلط بحكم انه شمالي ومتسلط.خصوصا بعد ما طرشت له مسج ابغي اروح بيت اهلي وما رد علي .




انت مب من حقك تحرمني من بيت اهلي
المفروض من نفسك تقولي روحي متى ما تبي، شوف رياييل خواتك ما راديهن عن بيتكم ومشرغيهن قولي الحين تنظرلهم كيف، ولو كان واحد ماخذ اختك ومانعنها من بيتكم كيف بتنظرله.
اسفة انا من حقي اروح بيت اهلي متى ما بغيت ،
اما انت ولا حاس انه عندك بيت، بيتك بس ترقد فيه ، وباقي الوقت برع، وين الله اعلم، وانا ولا اعرف عنك شي ، قلنا الريال ياخذ راحته بس مب بطريقتك،انت عايش ولا كانه عندك حرمة ، اسمحلي انا من حقي اعرف وين تروح،اول امس طول اليوم ما اتصلت،امس ياي الساعة١١ بدال ما تقول بعوض غيابي عنكم بجلس عندكم بطلعكم ،ييت وروحت ولا حسينا بوجودك ،لا ومداوم قبل المغرب كانه دوامك في مكان بعيد مب ساعة ،لهذي الدرجة تحب الدوام، اليوم دوامك مخلصنه الساعة عشر وينك، روح دور شوف الشباب كيف عايشين مع حريمهم كيف يحاولوا يرضوهن وشوف نحن كيف عايشين. انت قاعد تتعامل ويانا وتبى تعيشني بنفس الطريقة اللي عايشة بها امك ، بس هم من جيل ونحن من جيل.انت شوف جيلك شوف خواتك كيف عايشات،شوف كيف تكون اسرة كيف تسعدنا. صدقني باسلوبك هذا عمرنا ما بنرتاح طول ما انت تفكر براحتك وبس، انت ما بترتاح الين ما تريحني لان فاقد الشي لا يعطي انت بتم تعاند وتبا ترتاح بروحك ،انا ما بقدر اريحك لاني مب مرتاحة و انا عن نفسي تعبت وقررت اريح عمري،وبسوي دايما اللي يريحني . ويوم تعرف كيف تريحني بعرف اريحك.

 

[طفلة شقية]

انبه حاليا هذي اخر جزئية نقاش لنزلها ​

نبي نغير شوي طريقة سير الملف
انتظر اقتراحاتكم ​

اسئلة للنقاش 5​

اجيبوا بالتفصيل
(حددي نمطك ونمط زوجك)​

1- الشمالي والوظيفه 00هل انت موظفه 00او ربة البيت 00صفي وضعك ومشاكلك وطريقة ادارتك لفراغك 00او توفيقك بين العمل والمنزل بهذه الناحيه ؟؟​

( انا مخطوبة مملكة يعني )​

انا كنت موظفة بس لما تزوجنا رفض اني اكمل وظيفتي على قولته الخير كثير وانا مو مقصر عليكي ناقشته طبعا فعرفت انه يرفض الاختلاط بالشغل وانا شغلي مستحيل يكون مو مختلط يقول انه يغار ومايحب يحس انه تاركني بين رجال انا ادري انه ريحني من الشغل بس انا احب وظيفتي بس احبه اكثر فتنازلت عن الشغل مع اني افتقده بس اشغل نفسي يعني انام بالليل بدري يعني اكثر شي اوصل له 12 بالليل واقعد الصباح اسوي له فطور ياخذه معه واسبح واتجهز بس احيانا يخرب هالنظام بس ارجع انظمه
إجازة الأسبوع نقضيها بره

​

2- الشمالي هاجسه الأمن 00 هل ترين ذلك بإدخاره وحرصه وكيف تشتركين معه بهذا الهم ؟؟
انا من طبعي احب تأمين المستقبل وتوفير من الراتب احس فيه فعلا يحب يخلي رصيد بالبنك لحاجته مبلغ يعني محترم لوقت الضيقات​

خاصة واحنا على وجه زواج مافي مجال للتوفير كله بالعرس بس احسه شايل هم مايبي يصرف كل اللي عنده​

3- افضل الصفات الإيجابية التي ترينها بالشمالي ؟؟​

حنون جدا - كريم ويمدحني احيانا قليلة هههههههههههههه - واصل مع امه كثير ويحبها وهالشي يعجبني لأني متعلقة بأمي

متحمل مقالبي اللي تيبس الميت هههههههههههه مجنونة مقالب انا

4-الشمالي والتسوق 0ماتعليقك؟؟0​

لا لا لا لا للتسوق - اذا في شي معين ابي اشتريه مثل بروح بودي شوب عادي يروح معي لأني عارفة المحل ووش ابي
بس اذا بدور اشتري ملابس او اغراض دايما هالجملة عنده لا تضيعين الوقت واخر شي ماتشترين
مع اني والله طلعاتي للسوق بس لحاجاتي عمري مادخلت مجمع عشان بس اتمشى بس اذا جيت بشتري احتاج اشوف أغلب الأماكن بس هو صعب في السوق مايحبها

وقبل كنت دايما اقوله شرايك اروح اشتري لي كذا وكذا يوافق واروح السوق واقعد ادور في كل مكان واطلع خالية اليدين بس الحين اذا بغيت شي أطلبه بوضوح وثقة اني ابيه مو رايحة عشان يمكن اشتريه
وهالشي اشوفه نفع

5- قضاء العطلات والاوقات العائلية والاجازات مع الشمالي هل هو شي ممتع لك واذا كان نعم كيف ؟؟؟؟​

ممتع ايه اتونس معه كثير لأني بصراحة دايما افتح مواضيع تهمه هو واخليه يسهب في الكلام وانا اسمع واقول ايه صح
عندك حق
والله رايك حلو
ماشاء الله عليك عمري ماخطرت لي هالفكرة

هههههههههه


الا اذا صار شي و احتدينا بالنقاش تنقلب الطلعة فوق تحت

واقعد ابكي بس يوم سجلت بهالمنتدى خفيت البكي وصرت اطنش واسكت وهالأسلوب صار ينفع يعني اذا سكت بعد يومين اذا شافني ثقيلة يعتذر بطريقة غير مباشرة عن اللي صار

اسئلة رائعة تسلمي ياقلبي عذاري عليها

 

[&Athari&]

مساء الخير
اشكركم عل تفاعلكم واجاباتكم
بنات انتم لو تعرفون انا ليش ماابي احد يسأل هنا كان عذرتوني
يعني الاسئلة موجهة لي انا القى مية ووحده ترد عليها
مع ا السؤال موجه لعذاري ؟؟؟
والمشكلة يردون وهو مو عارفين مشكلتها من الاساس لاني اتوصل مع الاخت عالخاص
فايش رايكم ؟؟؟
غير ان الوحده تذكر لي تفاصيل على الخاص
وتجي تعرض مشكلتها هنا
فيجون البنات يسألونها عن اشياء انا اعرفها
بالله مو شي يقهر!
انا مو ذنبي وقفوا الرسائل الخاصه
لانهم مايحترمون الاعضاء ولا ماسووا كذا
فضلا على اني اتحدى لو ناقشتوهم عطوكم وجه !
انا مااح اجاوب هنا
راح اجاوب عل رسائل الزوار

وهذا تحذير
والله مااجاوب على احد
اخليكم تردوا وتجاوبوا على بعض !!
​

 

[&Athari&]

راح افتح موضوع بعنوان سوالف زوجات الشماليين
اكتبوا فيه براحتكم عن اي استفسار وارد عليكم هناك

 

[أريج الذكريات]

بصراحه أنا اليوم مرووقه وبما أني مروووقه الله يعينكم علي ......
وأحب أقول للغاليه على قلبي عذاري الله يسخر لك يارب وتراني أحبك مووت ....
انا مدري وش الله باليني بهالشماليين , أكتشفت اني دايم وأكثر الي أحبهم شماليين ..
بسم الله أبدأ .......
حددي نمطك ونمط زوجك
-
أنا جنوبيه متذبذبه مابين الشرقيه والغربيه وزوجي شمالي غربي حتى الموت

الشمالي والوظيفه 00هل انت موظفه 00او ربة البيت 00صفي وضعك ومشاكلك وطريقة ادارتك لفراغك 00او توفيقك بين العمل والمنزل بهذه الناحيه ؟؟

انا توظفت في مدرسه أهليه ست سنوات وبصراحه ما أظلمه ماعمره بحياته حسسني اني مقصره بشي
بالعكس كان يتعاطف معي إذا شافني مشغوله . ويقولي لا تسكتين عن حقوقك و.و.
وبصراحه ماكان عندي وقت فراغ أبد أبدا بس الي كان مضايقني اني من بعد الساعه 8 خلاص يبدا ينقطع الإرسال
واصير في مرحلة الإستعداد لدخول الغيبوبه ( قصدي النووووووووم ) دجاجه والعافيه
والسنه هذي لما صار عندي طفلين
وتعبت من كثرة شغل المدارس الأهليه وصار فيه تعب علي مع إدارة بيتي ( صرت مديره ....)قررت أني أستقيل ( بناءا على طلبي ) هالمرره صرت وزيره
وبالنسبه للشمالي بهالنقطه الله يبيض وجهه مايعلق أبد يعني تاركلي الحريه كااااامله في الإختيار .
وبعد الإستقاله بدأت بتصميم أزياء وعرضها في البازارات , وبصراحه ماقصر ودايم يشجعني وكان يقولي
أنت ما عندس الا كلام متى تنفذين .........عاد الحين بديت أنفذ ......وان شاء الله أنافس ايليا صعب وزهير مراد.

2- الشمالي هاجسه الأمن 00 هل ترين ذلك بإدخاره وحرصه وكيف تشتركين معه بهذا الهم ؟؟
والله الشمالي الي عندي من أخذته وهو على الصامت بس مررررره قالي ( شكله توهق ) ابي أدبر البيت قبل ما أمووت .........والمشكله انه مررررره قالي بناخذ بيت كانت ساكنه فيه بنت عمي وهو يعرف زوجها أنا يوم قالي انهبلت وقلت مستححححيل أسكن بيت زي كذا ....كان البيت صغير مررره .وبصراحه نفصيله شين .. ( بيت أرانب )
قالي ناخذه خمس سنين وبعدين نبيعه وناخذ أكبر .طبعا هذا قبل ماتطير العقارات للعلالي .. قلتله أنا ماأبيه
وبعدين وش بتأثثلي البيت , بأثاث مؤقت ......وطبعا من يوم ما زادت العقارات وهو متحسف ودايم يلومني .
وكان إذا سألته عن البيت قالي بالجنه , جتك الفرصه وضيعتيها وأنا أجلس ابرر والحين صرت أقوله إذا الله
راد وقدر بيصير عندنا بيت .( شكلي فحطت عن الموضوع الأساسي ) ماعليش نرجع لموضوعنا ...
الحين رجلي ذابح عمره بالشغل ومتابعة سوق الأسهم . وأتوقع ان هذا من أجل تأمين البيت خصوصا انو عددنا زاد ماشاء الله .. وبصراحه أنا ما أشاركه الا بدعوه أو تفاؤل بس .

3- افضل الصفات الإيجابية التي ترينها بالشمالي ؟؟
كريييييييييييييييييييييييييييييييييييييييييييم , ومايرفضلي طلب الا نااااادرا .
كثير منكم يقول انه رحوووووم وحنوووون بس للأسف مابعد أكتشفت هالصفتين ...يمكن عشاني من كوكب الجنوب..

4-الشمالي والتسوق 0ماتعليقك؟؟0

والله انه مايقصر سواء معه أو بدونه وكل ماتذكرت سفرتنا لماليزيا يأنبني ضميري المسكين فررت فيه
أسواق ماليزيا كلها وهو ياعمري ماغير يتقهوى ويتفرج . . لا ومن زيني بعد كنت أقوله ليش احس انك مو مبسوط ؟؟؟؟؟؟ قمة الغباء وشلون ينبسط وهو من مركز لمركز ..( بس اتذكر اننا رحنا للبحر كم مرره )
أشوى عشان مايضيق صدري .

5- قضاء العطلات والاوقات العائلية والاجازات مع الشمالي هل هو شي ممتع لك واذا كان نعم كيف ؟؟؟؟

مثل الإسئله السابقه هو مايقصر نطلع نتغدا حنا وياه بس ما أحسه ينبسط مررررررره , بس الي يقهرني انه من مليونات المستحيلات انه يعرض علي أطلع أنا وياه بدون العيال ...مرررررررره وحده بس طلبتها أنا وقلتله نخليه كل شهر قال لأ كل ثلاث شهور قلت ولا يهمك وعيونكم ما تشوف الا النور الحين لنا ثمان شهور ولا عنده نيه .....انتم خلووووه يرضى أول بعدين أطلع انا وياه ياحظي .

 

[الزهرة الربيعية]

سلام حااااااااااااااار جدا للأخت الفاضلة عذاري



حددي نمطك ونمط زوجك؟
أنا شمالية غربية وهو شمالي شرقي

- الشمالي والوظيفه 00هل انت موظفه 00او ربة البيت 00صفي وضعك ومشاكلك وطريقة ادارتك لفراغك 00او توفيقك بين العمل والمنزل بهذه الناحيه ؟؟

أنا ربة بيت غير جامعية وضعي مع زوجي متوتر نوعا ما أخاف حتى أطلب منه أي طلب يخصني بس في الفترة الأخير صرت أتجرأ وأطلب اللي بدي اياه كنت في الاول أخاف أطلب أي طلب ويرفض لكن صرت أطلب وأقول ماعليه خليه يرفض بس المهم أطلع اللي عندي وأطلب اللي بدي اياه لأني انا من النوع اذا كان في بالي حاجة وماقلت له عنها أبقى متوترة طول الوقت وممكن يوصل فيني الأمر للبكاء بيني وبين نفسي طبعا بس بصراحة الى الآن في كثير طلبات ما أقدر أطلبها منه أقعد أقول خلاص اليوم بقول له وبكرة أقول له الين أقول خلاص مابدي هذي الحاجة بلا وجع راس أهم مشكلة عندي انه كل شيء مايعجبه في الغالب يسبني بالقذف طبعا هو مايقصد القذف بس تعود من زماااااااان من قبل زواجنا ان هذي هي مسباته وبصراحة انا يصير دمي يغلي من هذي النقطة كنت في الاول أرد عليه ببعض المسبات طبعا مو قذف بس أنبهه لهالشي أما الحين ماعدت أتكلم اللي قاهرني اني أكون خلاص بنجن منه ومن مسباته اللي مالها أي داعي يعني ممكن لأقل سبب يسب هذي المسبات وأستغرب أنا انه حتى لو انت زعلت من الموقف فماهو مستاهل حتى اي مسبة بس ماعدت ارد عليه بأي شي من كثر مامريت في مشاكل مع اني ماصار لي متزوجة الا 5 سنين سلبية صح:no:انا عارفة لكني ماكنت اعرف كيف اتصرف ومازلت الى الآن أحاول اغير من نفسي عن طريق هذا الصرح التعليمي الجميل الله يوفق جميع القائمين عليه وبصراحة لسة ماتمعنت في الملف الأول بس قلت خليني أشارك في الملف الثاني وهو مفتوح وفي نفس الوقت أقرأ في الملف الأول فراغي بصراحة بعد مادخل النت البيت صار ماخذ كل وقت فراغي وخصوصا بعد ماعرفت هذا المنتدى حتى زوجي استغرب ايش اللي شادني لهذا المنتدى لأنه مو متعود يشوفني امسك بشيء معين فترة طويلة بس لما شافني على المنتدى صار أحيانا ييجي يشوفني وأنا أكتب ويشوف ردودي وسألني عن اسمي في المنتدى ايش هو والله المستعان
- الشمالي هاجسه الأمن 00 هل ترين ذلك بإدخاره وحرصه وكيف تشتركين معه بهذا الهم ؟؟
الشمالي فعلا هاجسه الأمن وذلك لمسته فيه من خلال حرصه على مستقبل الأولاد وتأمين مبلغ يقتطع من راتبه كل شهر عن طريق البنك تلقائيا لمدة أعوام معينة هو يقوم بتحديدها :icon30: وأنا دوري دائما في هذا الموضوع اني أشجع الفكرة اللي أشوفها صائبة لأنه هو من النوع اللي صعب التأثير عليه خصوصا من الناحية هذي لأن المال كله معه فماتقدري تشيلي مبلغ من المال على مسئوليتك لكني كنت أوقات اقترح عليه مثل الجمعية مثلا مع عدد من الأصحاب خصوصا اذا كنا محتارين في جمع مبلغ معين

4-الشمالي والتسوق 0ماتعليقك؟؟0
اما التسوق وماأدراك ماالتسوق فهو متعته بس طبعا في الغالب لحاله أو مع أصدقاؤه بسبب ازعاج الأولاد في السوق بس مو يعني انا مانروح معه بالمرة لا بالعكس فاحنا كل خميس بعد خميس تقريبا يكون يوم مفتوح في كل شي نريده ونتمناه تسوق مطاعم وأقصد بتسوق في جميع المجالات وهو بصراحة كريييييييييييييييييييييييييييم جدا ولأبعد حد ان كان علي أو على نفسه أو الاولاد أو أهله ويحب الماركات الغالية ومايجيب لي الا أحسن الماركات وأفضل الملابس وبصراحة هو ذوقه عالي جدا في الأمور هذي يعني يوم يجيب لي هدية أعرف انها قيمة جدا مهما كان سعرها بسبب ذوقه اللي صار يعجبني دائما بسش المشكلة اني صرت ماأعرف أتسوق لحالي ولا أعرف أختار لي ملابس حلوة اللهم الفترة الأخيرة صرت أحاول أرجع لنفسي ورغباتها اللي كان يضيعني في التسوق اني كنت دائما ابحث عن الشيء اللي ممكن يعجبه هو متجاهلة مايعجبني انا ورغم ذلك لم يكن تسوقي يعجبه في الغالب ولكني انتبهت لنفسي والحمد لله
آآآآآآآآآآآآآآآآآآآآآآآآآآآآآآآآآسفة جدا على الإطالة أختكم ماصدقت على الله فرصة تتكلم وتلاقي أحد يرد:clap::clap::clap::clap:
لك مني جزيل الشكر والعرفان اختي عذاري

 

[أريج الذكريات]

يا عمري ياعذاري توي انتبه لردك لأني كنت مشغوله بالقص واللزق عشان أجاوب عالأسئله .
ولا يهمك ياعمري وانا عن نفسي اعتذر على ازعاجك .
بصراحه سالفة الرسائل الخاصه هذي رافعه ضغطي وما خليت مكان الا وكتبت فيه استفساري عن السبب وانو حنا بحاجتها مررررره بس ما أحد رد علي ..
المفروض المشرفات والي لهم صلاحيه في المنتدى هم الي يطالبون موب حنا .

 

[بسمة البحرين]

أولاً آسفه اني ما جاوبت على الأسئلة المطروحه للنقاش مب استهتار مني لا بالعكس آنه وايد استفدت من موضوعك لدرجة أني تصفحت جميع صفحات الموضوع وقرأت ردود كل الأخوات على موضوعك لكن آنه في مشكلة وماني قادرة اركز في كتابة شي أو الرد على حاجه .

مشكلتي مع زوجي الشمالي الشرقي هو أنه من أمس حالف ان يضربني اذا رجعت البيت وكل هذا بسبب ان تلفوني كان مافي ارسال مدة نصف ساعه وآنه كنت في بيت اهلي وآنه عارفه انه واثق اني ما اسوي شي من وراه لكن زوجي من النوع الغيور اللي مايحب ان يتصل والتلفون يرن وايد وما ارد عليه وآنه احاسب لهذي النقطه وايد لدرجة اني احمل موبايلي كل مكان معاي ومايحب يتصل ويشوف التلفون مغلق وآنه امس دخلت مطبخ بيت اهلي عشان اسوي عشى حق اخواني وشكله ان ماصار في ارسال في تلفوني واخذ يدقق وكان يعطيه مغلق نص ساعه واول ما طلعت من المطبخ اخذ يسبني ويغلط علي بالكلام كأني ذابحه له احد وآنه حاولت ابرر له واحلف وحتى زوجة اخوي قالت له اني كنت بالمطبخ .... لكن مافي فايده حلف ان راح يكسرني لدرجة ان يمكن اطلب الطلاق من الطق بصراحه كل مره يصير بينا سوء تفاهم ويهددني ان بيضربني اقول مالي الا بيتي وارجع له واحصل كم كف اطنشه كم يوم وبعدين اسامحه لكن مادري شلي خلاني اخاف اني اروح امس يمكن لان حلف بدفنة ابوه ان بيكسر العصا على ظهري عشان جذي خفت صج ان يذبحني ورحت اليوم وخذيت ملابس من البيت وقلت له دام انك طلبت مني ان اقعد في بيت اهلي ولا بتضربني فآنه سويت اللي انت تبيه ,,,,,
آنه من غبائي كل ما قال لي شي عصبت ورديت عليه لين اوصلت السالفة لرب السما


عطيني حل ابغى احل المشكلة من غير ما نطق ومن غير ما افقد كرامتي وانهان دبريني الله يوفقك دنيا وآخره ساعدني والله اني اموت فيه ودايما ادور ارضاه لكن ماعرف نصيبي ليش جذي ارجووووووووووووج شلون اتصرف شلون انقذيني آنه معتمده على الله وعليج

ادعوا ان الله يهديه ويسخره لي ويسخر لكم ازواجكم اللهم آمين انه مجيب دعوة الداعي

 

[الزهرة الربيعية]

5- قضاء العطلات والاوقات العائلية والاجازات مع الشمالي هل هو شي ممتع لك واذا كان نعم كيف؟؟؟؟
بصراحة الأوقات العائلية معه قمة في الروعة والجمال والإجازة شي ثااااااااااااااااااااااااااااني لأنها فعلا تكون جميلة جدا جدا وهو يقول انها اجازة يعني اجازة بس اللي يتعبني فيها انه نومه فيها قليييييييييييييل جدا يحاول يستغل كل دقيقة في الاجازة وأنا ماأقدر أتماشى معه في هذي النقطة يعني ممكن أكون ميتة نعس وعيوني مقفلة وهو ماشاء الله عليه نعسان بس مستعد يواصل وصارت والله انه يقعد مواصل يومين كاملة بس تكون أعصابه متوترة
مايبقى في بالي مكان في البلد اللي نكون رايحين له الا يودينا له لا ويصير كمان هو يودينا أماكن يمكن لو ماهو ودانا عليها كان عمري ماسمعت عنها في حياتي عنده عائلته وبيته وأولاده أهم شيء والحمد لله ربي يديم النعمة وبصراحة تكون اجازة مميزة صحيح لا تخلو من المكدرات والبنات اللي اذا تغاضيت عنهم اكون سعيدة من قلبي لكن طول مافي بنات في النص وأقصد (خيانات) فمهما كان هو معنا وماهو مقصر في شي أبقى سعيدة اللحظة فقط وربنا يعين

 

[أريج الذكريات]

عذاري ماعليش أدري ودك تذبحيني بس تكفيين غمضي عيونك لا تشوفين مشاركتي هذي ’ لأني لو ما أرد بيطق فيني عرق .
أما أنت يا بسمة البحرين تعالي أشوف .
ليش ترضين انه يطقك .
وليش تسمحيله انه يمد ايده علييك .. يختي حرااااام عليك , هذا ذل ما بعده ذل , كله ولا الضرب
لا تقعدين عنده ولا دقيقه ......حطي عينك بعينه وقوليله إذا أحترمتني قدرت أعيش معك .واتركيه ....
خير ان شاء الله كل مرره تاخذي لك كم كف وين عايشه في غابه ..
الله يفرجلك ولا يبلاني .
تراني منيب أستشاريه ولا مؤهله لحل مشاكل الناس ,( أصلا خل أحل مشكلتي أول )
ويمكن كلامي غلط
بس ما أتحمل اسمع انه فيه انثى تنضرب من شبه رجل , يجيني نفاضه .وأحس بقهر .
اسمحيلي إذا ثقلت عليك بالكلام .

 

[&Athari&]

هذا رابط
سوالف زوجات الشمالي
انا مااسمح هنا باي رد لنقطه خارج النقاش
الاسئله اللي خارج النقاش نجاوب عليها بالملف الثاني
اذا عندك سؤال على نقطه سابقة او نقطه حاليا نتناقش عليها اسالي هنا
واللي بتسال هنا على خارج النقاش لاتزعل اذا ماجاوبت عليها ​

 

[kraooo]

الشمالي والوظيفه 00هل انت موظفه 00او ربة البيت 00صفي وضعك ومشاكلك وطريقة ادارتك لفراغك 00او توفيقك بين العمل والمنزل بهذه الناحيه ؟؟

انا طالبة انقطعت كثير والحين رجعت اكمل بعد انقطاع
مشاكلي يمكن اكثر وحدة بتشتكي انا زوجي شمالي غربي ويمكن شرقي لانة مااخذ من الاثنين فية من الشرقي والغربي ع فكرة انا جنوبية غربية
بصراحة كاااان عندي وقت فراغ بس بعد الدراسة يادوب افضى وع طول ادخل النت لولقيت فرصة
بالنسبة لتوفيقي بي هالنقطة والله اني بجهاد مايعلم فية الا الله
- الشمالي هاجسه الأمن 00 هل ترين ذلك بإدخاره وحرصه وكيف تشتركين معه بهذا الهم ؟؟
نعم....
بينا هموم مشتركة اهمها ندخر مبلغ من المال ونسدد الدين ونبني ارضنا والله يبلغنا يارب ع فكرة انا شجعت زوجي كثير ع هالنقطة والحمدلله
- افضل الصفات الإيجابية التي ترينها بالشمالي ؟؟

زوجي لما يكون راضي ياسلام بس خلية يعصب ياساترررر يارب وخري عنة
-الشمالي والتسوق 0ماتعليقك؟؟0

الحمدلله
5- قضاء العطلات والاوقات العائلية والاجازات مع الشمالي هل هو شي ممتع لك واذا كان نعم كيف ؟؟؟؟
اةةةةةةةةة هذة ماساتي لاني مالي خصوصية بحياتي فدايم تلاقيني بمشاكل كل اجازة تخيلي !! وماصرت افرح فيها
ولاتعليق اخلي الباقي لنفسي لانة مشكلتي مالها حل,
وانا دايم شعاري بالحياة خير الامور الوسط بكل شي...