أم زوجي كابوس في حياتي حسبي الله عليها.......

[احزااان]

مشكلتي مع أم زوجي ... مشكلتي انها انسانه فيها عيوب الدنيا من خلال الصفات ..
انسانه أولا: ماتخاف ربها أبد .. تكذب بشكل مب طبيعي وفي كل شي تدعي اشياء ماصارت بس هي تتخيلها وتقولها لزوجي وعيالها وزوجها والمشكلة يصدقونها ..
اتييب الكذبة بطريقة تخلي اللي حولها يصدقها بس والله العظيم انا اعرف انها تكذب بالقوووو لانها تكذب بأشياء يعني صارت جدامي حسبي الله عليها ..
المشكلة الأكبر انها بعد ممثلة بارعه يعني يوم تبا الشي بتمثل انها تعبانه ومريضة واطيح ع الارض واونه قلبها يعورها من هالسوالف وتروح المستشفى ويقولولها مافيج شي يعني تمثيل بتمثيل...
والشي الثالث: أن عمي اللي هو زوجها يصدقها في كل شي تقوله وفرقت بيني وبينه وبين زوجة ولده الثاني خلته يكرها تقول عنا اشياء ماصارت بس المشكلة هو يصدقها على طول حتى مايسمع منا ...
والمشكلة الرابعة بعد .....آآآآآآآآآه .. انها تتعامل بالسحر هي وامها يعني اذا كرهت حد تنتقم منه انتقام الله يستر...
ماتصلي كل حياتها رقااااااااااااااااد ... ويوم اتنش بس تحب ادور المشاكل دواره تخترع واطلع مشكلة من تحت الأرض بس عشان يصير اللي في بالها..
وبعد مشكلتها انها تحب تمشي الكل على كيفها وزوجها خاتم باصبعها ... الحمدلله ان عيالها فاهمين حركاتها وزوجي بعد فاهم حركاتها بس هي ياما قالت عني اشيا والله العظيم ماصارت تقولها لزوجي وزوجي يعاتبني واتم احلف له وافهمه السالفة المشكلة تفنين بيني وبينه ماعرف شو اسوي معاها والله امنيتي اطلع بيت بروحي بس طبعا مستحيل حد يطلع من البيت من عيالها بتغضب عليه ومحد قادر يطلع من البيت ريلي يقول اونه مستحيل اطلع من البيت الا لو ابوي طردني وانا دايما مشاكل بيني وبينه والسبه هالشي اقوله مستحيل الا مايي يوم نطلع فيه من البيت
افففففففففففففف عمه تقصر العمر والله

 

[ميمي 1404]

الله يكون بعونك ياحبيبتي .. والله خنقة .. بس الحمدلله ان زوجك في صفك .. لانه لو كان معاها كان رحتي بخبر كان ههههههه

مابيدك الا الدعاء ان ربنا يجعل كيدها بنحرها .. وان يعطيها على قدنيتها .. وكل ما قمتي وقعدتي قولي حسبــــــــــــــــــــــــــــــــــــــــــــــــــــــــــــــي الله ونعم الوكيل .. يكفيك الله شرها باذنه ..

 

[فطوم84]

الله يعينج عليج بالدعاء والصبر والله يكفيج شرها

 

[عسكريمه...]

الله يعينك انتي شكلك تعانين مثلي حسبي اللله عليهم من عمات هذولي نسرات

ام زوجي ساحره وتتعامل مع سحره فرقت بيني وبين زوجي والله العالم بيطلقني او لا

بس ماارتاحت الا لما قذفت في عرضي وشرفي امام زوجي حسبي الله


بس انتي ادعي ان الله يرد كيدها في نحرها ويجعل تدبيرها تدميرها

وخليك اقوى منها ودائماً اقري سورة البقره كامله تكفيك من شر السحر واذكار الصباح والمساء

والله يكون بعونك

دعواتك لي ان الله يرد لي زوجي رداً جميلا

 

[أم احلى وردتين]

للاسف مشكلتك مالها حل..الله يكون بعونك

 

[كيوت مامي]

اللة يعينج

 

[اغلى بشر]

آآآآآآآآآآآآآآآآآآآآه من ام زوجي الله ياخذ عمرها ويريحني من شرها
تبي تفرق بيني وبين زوجي
كله غيرة وامراض نفسيه حسبي الله ونعم الوكيل
حسبي الله ونعم الوكيل
حسبي الله ونعم الوكيل
حسبي الله ونعم الوكيل
حسبي الله ونعم الوكيل
حسبي الله ونعم الوكيل

 

[اغلى بشر]

العرض وماادراكم مالعرض ماخلت عرضي فحاله حسبي الله عليييييها

 

[نور كندا]

مالك حل الا ان تتحمليها الى ان ياخز الله امانته وبس

 

[nice angel]

الله يعينج ع بلاوااج وصراااحه موب حلو ان ام الزووج
تسوي هالحركاات البااايجه كانهااياهل حتى اليهاال ما يسوون جي


الله يكوون في عوونج يالغاليه

 

[ريانيه قطر]

هاي امه مهما قلتي فتظل امه اللي عاش معها اكثر عمره واكثر الرياييل يعرفون امهامتهم عدل بس في الاخير مايبي يكسر بخاطرها علشان كذا كل ماشفتيها قولي حسبي الله ونعم الوكيل اللهم اكفيها بما شئت اللهم اني اجعل واذا مرتي عليها قولي صبحج الله بالخير ياعمه بغيتي شي واذ الليل نفس الشي حاولي السلام وتفربي منها حاوووووولي تكسبينها في النهاية امه حاولي وحتى وانتي تطلعين تستأذنين منها علشان يعني كأنها امج ادري اتقولين مومن حقها بس علشان تحس انها مسيطرة وماتمادى معاج حسيها انها الكل في الكل

 

[هديل001]

حبيبتي

الله معك إذا كانت أم زوجك تتعامل بالسحر والشر فثقي تماما إلا مايجي يوم وربي ينتقم منها

أحمدي ربك إن زوجك وأخوانه فاهمين أمهم ولا كنتي بالباي بالباي

دائما رددي على لسانك ذكر الله والاستغفار وحسبي الله ونعم الوكيل كل ماحسيتي بضيقة أو إنها

بتكيد لكِ مكيدة قولي حسبي الله ونعم الوكيل يارب العالمين عليكَ بها فإنها لاتعجزك

الله يكون معك يالغالية وينصرك على من عاداك

أختك / هديل001

 

[بنت العيـــن]

فديتج ياريانية قطر على كلامج الذهب

وصدق هاي امه قبل لاتكونين زوجته

وحتى لو كانت مثل ماتقولين هذا مايعطيج الحق انج تحشين فيها

يكفي انج تقولين حسبي الله ونعم الوكيل

لكن ماتغتابينها ... يعني بسألج ريلج لو سمع كلامج عن امه شو بتكون ردة فعله؟

بيفرح ويفتخر فيج؟؟ :no:

ادري انج تعانين لكن لاتتعدين حدودج بالكلام على عمتج ام ريلج

تذكري محاسنها تذكري انها هي امه اللي ربته وتعبت عليه وكبر وتزوجج

واحمدي ربج ان ريلج واقف وياج شو تبين اكثر

اهم شي ريلج انه مايتأثر بكلامها والباقي على الله اصبري واحتسبي الاجر والثواب من الله


......

آآآآآآآآآآآآآآآآآآآآه من ام زوجي الله ياخذ عمرها ويريحني من شرها

اللي دعت هالدعاء تراه بيرد عليها

تدعين على ام ريلج كأنج تدعين على امج

السيده عائشة وهي ام المؤمنين يوم قذفوها مادعت عليهم الا بدعوة وحده

قالت صبرا جميلا و الله المستعان على مايصفون

من نكون نحن جدام ام المؤمنين عشان نسمح لأنفسنا انا ندعي وعلى منو على امهات ازواجنا :icon28:

 

[*روعة*]

اعوذ بالله
ياربي الناس اللي ماتخاف الله وشلون نخوّفها
عليك بنفسك وزجك مالك إلا الدعاء ان الله يكفيك شرها ويرد كيدها عنك
التحصييييين شي مهم حصّني نفسك بالأذكار داااائما
حتى اذا بغت لاسمح الله تحاول تأذيك تكونين محصنه بذكر الله
حاولي تجنبها وتجنب الإحتكاك اللي يسوي مشاكل قدر الإمكان

 

[طموح نملة]

الله معك

 

[ارووج]

حسبي الله على من يظلم ويقذف ويفرق بين الناس حسبي الله عليهم
حصني نفسك ولا تخلين الدعاء

 

[طموح نملة]

اختي بنت العين أعجبني ردك وحكمتك
لا فضَ فوك يارب

 

[طموح نملة]

<P><FONT face="Comic Sans MS" color=seagreen siz

 

[زمردة زماني]

لاحول ولا قوة الا بالله
عليكي اختي بسهام الليل قومي اخر الليل وصلي
وادعي ان الله يكفيك شرها ويرد كيدها في نحرها
وادعيلها ان ربي يهديها ومدام صلتك بربك قوية لاتخافين ابدا
حافظي على اذكار الصباح والمساء
والله يكون بعونك

 

[عيالي دنيتي]

اغلى بشر مايوز تدعين عليها هذه في حسبة امج وهي ام ريلج وترى الدعوه ترد على صاحبها وانت حاولي تكسبينها بالكلمه الطيبه والمعامله الزينه وان شاء الله بتغيرمعاملتها لج والله يوفقج غناتي