قلت في نفسي اللي هذا اوله ينعاف تاليه !!
وهذي باقي القصة ..
بعد ماقال لي عن قراره انصدمت !
لكن ماحاولت امنعه او حتى اعترضت ، كنت وقتها ضعيفة وكأن الامر طلع من يدي ، وماباليد حيلة ..
علمت أمي ، امي تأثرت اكثر مني وكأن المصيبة واقعه عليها هي !
لكن اهلي ماتدخلو ولاتكلم احد منهم ! وبعد زوجته طلبت انه يطلقني لكن هو رفض !
وبدا بتجهيز بيته الجديد !
رجعها بعد شهرين تقريباً ، سكنت في شقة قريبة ، كنت اغار اذا شفته يكلمها ، ويبتسم ويطول معها في المكالمه ، لـ درجة اني فكرت بالطلاق
( لاني ماتقبلت وضعي كزوجة ثانيه وماتوقعت ابداً اتزوج واحد عنده وحده غيري تشاركني فيه )
فكرت بالطلاق لكن بعد ما اكتشفت اني " حاااامل " تراجعت عن فكرة الطلاق ..
وكان واضح عليه انه يحبني ، وعلاقتنا جيدة الى حد ما ،
وكان يبخل علي في النفقة وانا صابره واذا طلبت اطلب منه بالدموع والضعف ..
بعد ماجبت ولدي الاول بدا يبتعد عني ، يتأخر في ليلتي ، واذا دقيت عليه في بيته الثاني يرد علي !
دايم اطلب منه انه مايتأخر !!
هنا بداية المشكلة ، بعد ما توحمت بحملي الثاني صار مايفطر عندي وانا غير راضيه
وصرت ما اشوفه الا قليل كان وقتها يبني فله جديدة ..
اما عند اهله او في مشاويره الخاصة الكثيرة ..
واستمر الحال الا ان نزلنا البيت الجديد ، اخترت الدور الاعلى ، وتغيرت حالته للأسوأ واحيانا يمر اليوم مانشوفـه
ولا يشتاق لولده الوحيـد ، صرت ابكي كل وقتي افكر ليه يسوي معي كذا !
بعد 3 شهور ، أثث لها الا انا مايأثث الا بصعوبة وبإلحاح ، كملنا اربع سنين والى الان والاثاث في بيتنا ناقص مع ان عندي الان ولد وبنتيـن !!
بارجع ورى شوي .. بعد ماولدت بنتي الاولى سافر بعياله وانا في النفاس !
اما انا وعيالي ولا سفـره ! بعد بنتي هذي طلبت مانع حمل ، رفـض وكان الجماع بيننا قليل ، كذب علي ان الاولى ماتستعمل اي مانع للحمل
وطبيعي انه يعاشرها اكثر مني .. وبحكم اننا ساكنين في بيت واحد والغرف فوق بعض كنت ادري عن كل شي ..
حتى العلاقة الخاصة بينهم ، قبل مايجي في ليلتي لازم يمر تحت ويجلس معهم الساعه والساعتين وانا انتظر حتى انه احياناً يجامعها في ليلتي !!
مع اني لامريضة ولا علي العـذر !! ( ياترى ليـه ) ..
ولا يسوي الشي نفسه معي ..
مره سوّاها وجاء وانا افكر في نفسي قبل مايجي لازم اتصرف ! الى متى أسكت ..
لازم يشوف مني ردة فعل توقفه عند حدهـ !!
من شدة الغضب ، سبيته بكلمتين هو ماتحمل لانه كان محترم من الناس وماتوقع يوجه له مثل هذا الكلام ..
جاب العصى وضربني !! ضرب مبرح !!
رحت اهلي شهر ونص ، أثناء جلوسي عندهم كنت اكلمه عشان اطلب منه شي للعيال فقط !
وهو يطلب مني اني ارجع للبيت ، قلت له لازم تعدل بيننا ، وتأثث البيت بالكامل وتريحني وتريح نفسك من المشاكل ..
هو كان يقول اذا جيتي يصير خير .. ومره يقول تبين ترجعين لوضعك الاول او اسوأ منه
وان كان تبين الطلاق طلقتك ، وانا اصلا ماحبيتك ..
ومره كلمني وقال من ضمن الكلام اني " احبك " .. ( شفتو التناقض كيف ) !!!
وقتها كانت زوجته حامل ، بعد ماولدت زوجته ، طلب مني ارجع وانا ماحبيت ارجع لكن ودي أغيظ زوجته الاولى واعيش اربعين يوم بدونها ..
عشان كذا رجعت ، كان وعدني خير .. لكن شفت منه الكذب وتعذر ان ماعنده فلوس الحيـن ودايم يردد علي ( اصبري بعديـن ) عند كل طلب لحق من حقوقي ,,
[ والله انا ماطلبت منه شي تعجيزي وكل اللي اطلبه من حقي ]
وتصدقون له سنه الى الان ماصار اي شي ! مع قدرته الماديـه ..
انا غصب علي تغيرت معاملتي معه مع اني اول ماكنت مقصره معه في اي شي ، والله يشهد على ذلك ..
لكن هو اتهمني بـ التقصير ،
لكن قلبي مو مرتاح من تصرفاته ، وهو يفضل زوجته وبناته علي وحتى واضح عليه انه يحب بناته من زوجته الاولى اكثر من عيالي ويجلس معهم اكثر !
مرت الايام وفيه يوم ماتت فيه خالته وكنا تونا راجعين من اهله ، وسبني بـ كلمه انا رديت عليه بمثلها وكنت قبل ما اواجهه بالكلام ابداً
لكن حاولت اني اقوي من شخصيتي وان الضعف هذا ماراح ينفعني خاصه ان زوجي شمالي شرقي تقريباً ..
انا تأثرت بمنتدى بلقيس كثيراً ..
بعد مارديت عليه بالكلام ظربني لكن هذه المره وهي [ المره الثانية ] قدام عيالي .. وانا اصارخ من الصدمة ..
وجاء يسكتني وجاب العصا يضربني ! وقول اسكتي لايسمعك احد ، بعد ماهديت شوي جاء يكلمني ويحقرني ..
ويقول احترمي نفسك وانا جلست من القهر والاحساس بالاهانة اهزء فيه .. بعدها كلمت أختي وعلمتها باللي صار قالت لي لازم تتصرفين ولاتسكتين له ..
انا كلمت ابوي عشان يجي يكلمه لكن ابوي بطبيعته طيب ومسالم مايحب يواجه المشاكل .. بعدها درت امي وقالت تبيني اعلم اخوك علمته علشان يجي ويكلمه
وفعلا جاء اخوي بعد ثالث يوم كلمه عند باب بيته واخذ رقم جواله وواعده في مكان يتفاهم معه ..
اخوي قاله لاعاد تضربها هي ماجتك من الشارع هي بنت ناس ما يجوز لك تهينها قال والله تبي تجلس في البيت معززه مكرمه ، وان كانت تبي الطلاق هذا الباب ..
وآخر اللقاء وعد اخوي انه مايمد يده علي ..
بعدها توترت علاقتنا وهو الحين مانسى كلامي عنه ..
ولايكلمني الا بالضروريات !!
وقال لي ان اللي بيننا انتهى ، وما اسوي الا الواجب .. والحين مطنشني مايجي للبيت الا لعياله ومايكلمني وكلها دقيقتين ويروح !
ارشدوني لانه ماعنده مانع من الطلاق بحكم ان عنده بيت ثاني وما احسه مهتم فيني وانا اخاف على عيالي من الطلاق لانهم بيصيرون الضحية ..
كل اللي ابيه العدل ما ابي وضعي السابق يستمر .. لانه متعب لي نفسياً ، ويشغل تفكيري طول الوقت !
ياترى وش الحل معه برايكم ؟؟!!!
