شات ***جمهورية مصر العربية***

[nada al fajr]

معلش كمان لو مفيهاش علاسة وتباتة ممكن تقوليلى ايه عجينة العشر دقايق دى؟

 

[om-noran]

يتصفح الموضوع حالياً : 4 (4 عضو و 0 ضيف) ‏om-noran, ‏بنت اسكندرية, ‏sherwetta, ‏nada al fajr


صباح الخير يا حلوين

 

[sherwetta]

سهاليلو

صباح الفل

انا نزلت الصور الصفحه اللى فاتت ياباشااااااااااا


ندى
العجينه دى روووعه فعلا هى المفروض بتتعمل وتستخدم على طول بعد عشر دقايق بس انا فى المرحلتين بسيبها تخمر كل مرحله تقريبا ساعه بتبقى ارووووووووع

المقادير الاولى
2 كوب دقيق<<<عايرى بكوبايه الميه الطويله
4 معالق سكر
2 معلقه حليب بودره
رشه ملح
معلقه كبيره خميره فوريه
2 كوب ماء دافى
تخلطى المقادير دى مع بعض هتلاقيها سايله سيبيها تخمر حوالى ساعه او نص ساعه

وبعدين تضيفى عليها 3 كوب دقيق ونص كوبايه زيت

واعجنى كويس اوووى ولو لقيتيها لسه بتلزق سيبيها تخمر وهيروح التلزيق

بس كده وشكليها زى مانتى عايزه

 

[nada al fajr]

رحتى فين يا شيرى انا كنت عاوزة المقادير بس شكلك كدة قمت تعمليهالى :bigsmile:
مكنتش عاوزة اتعبك بس تاجهز نفسى للاكل بقى:essen:

 

[sherwetta]

صباح الفل ياطنط

اخبار النمل ايه النهارده

 

[om-noran]

أم هاجر..

ان شاء الله تكون نفسيتك النهاردة احسن...معلش مش قدرت ادخل امبارح..الحالة تأزمت زيادة..مش بقولك..العضمة كبرت...ههههههههههه

شيري..

ماشاء الله...شكل البوفيه حلو اوي...بس انتي ليه بتسقي السبرنج رول شربات يا شربات.هههههه.هي محشية كيري باين...صح؟؟؟ الطعم بيختلف؟؟؟

بنت اسكندرية

ايوة ياعم...اول امبارح نانسي...النهاردة هاتقولي رايحة لشيرين.ههههههههه.هي النهاردة عندكم باين صح؟؟؟ انتو عندكو اجازة وبعدين اجازة العيد؟؟

احنا اكمان الأسبوع اللي بعد العيد فيه يوم اجازة بتاع اليوم الوطني

سما..

الحمد لله الجو برد شوية والنمل استخبى..بس ممكن الاقي واحدة تايهه كده ولا كده...فرأفه بيها وعلشان اخلصها من عذابها وتوهانها بفعصها....هههههههههههه

نداالفجر...

اهلا بيكي..منورة

امرأه لا تنحني...

منورة..ربنا يخليلك بنوتك...بس الصراحة الصورة الرمزية بتاعتك...يعني...مش عارفة اقول ايه...الصراحة يعني...خوفتني شوية..هههههه...مرعبة يا اوختي

 

[om-noran]

صباح الفل ياطنط

اخبار النمل ايه النهارده

حابس حابس

يجعل كلامنا خفيف عليه...ههههههههه

 

[om-noran]

بنت اسكندرية
هو حسام كان سخن؟؟؟الف سلامة عليه..رنا بأه هي اللي واخدة المناوبة بتاعة السخونية عندي الأسبوع ده..بقالها يومين سخنة الحمد لله

بقولكو..ايه رأيكو كل واحدة فينا تلم عيال الملف يومين عندها علشان نستريح..ههههههههه

 

[om-noran]

انتو فين...ردو بسرعة...مش قادرة اقعد يا ناس...عاوزين نشاط وحيوية... واحد اتنين...واحد اتنين...هوب هوب

 

[بنت اسكندرية]

سلام عليكم امراءة لا تنحنى منورة معاك ندى من القاهرة بحاول اطلع الشات بس دايما اوصل اخر الليل متاخرة ومش بلاقى حد بيكونوانااااااااااامممممممموا:blush-anim-cl:
عرفينا عليك اكتر يا جميل.

طيب نعمل ايه ياندا

احنا مواعيدنا ملخبطة لان كل واحدة في بلد غير التانية وفيه فروق توقيت

انت بكرة تظبطي معانا المواعيد ,,,,,بس بعد العيد ان شاء الله عشان الكل يكون موجود

بنت اسكندريه


فعلا الحاله اشتغلت ربنا يستر اهو بحاول اطلع منها


عملت ايه في عيد الاتحاد مش حكيتي حاجه

الف سلامه علي حسام اخبار السخونيه ايه دلوقتي

هتعملي ايه في العيد


كل عام و انت والاسره بخير وبصحه و سعاده

معلش يا ام هاجر

هو ده حال الدنيا ,,,,يوم مفرفشيين ويوم الحالة تشتغل

ربنا يزيح عنك وكمان العيد على الابواب اكيد هيكون فيه تغيير شوية

اما حسام

بجد الدور فظيع ,,,ده انا وهو شغالين بدوا الكحة لان صدرنا قافل خالص ,,,بس الحرارة الحمد لله راحت

اهلا وسهلا بيك امراه لاتنحني نورت الشات :icon31:


ليه بقي ماكملتيش التعارف خايفه من ايه :busted_red:

دا انت حتي ماقلتيش اسم بنتك ايه و لا انت ساكنه فين في اسكندريه

ولا عندك خروف و لا:harhar1:


بنت اسكندريه بلدياتك وهي اللي هتمضي علي القبول بالمعلومات


البسيطه دي :fish:ولا هيكون فيه واسطه:cupidarrow: هههههههههههههه

لا يا ام هاجر

لا وسطة ولا شطة ,,,,ماعندناش خيار وفقوس

الدين لله والملف للجميع

 

[om-noran]

الصفحة كلها ام نوران...ههههههههه

 

[sherwetta]

هاللو ام نورانو

ايوه ياام نوران اللى بتبقى محشيه كيرى بتتسقى شربات ياشربات خخخخخخخخخخ

طعمها بيبقى متلخبط مابين حادق وحلو وطعمها بصراحه رووووعه

 

[om-noran]

شيري شيري...

ايه طريقة كرات البسكويت بالحليب المكثف؟؟؟؟

 

[بنت اسكندرية]

سمؤة

تسلمي يارب
الحمد لله ماشي حالنا هههههههههههه انا وهو بناخد دوا واحد وبخاخ واحد ,,,اقصد نفس النوع


شيرين

ماشاء الله ,,,بوفيه تحفة ,,,,الله ينور عليكي

بس انت كدة اتاخدت نمرتك من المدرسات ,,,,اي حفلة واي مناسبة هيدبسوكي


ام نوران

يا اوختي نزلنا ووقفنا في مكان واحد ولا روحنا يمين ولا شمال ,,,,, بجد احتفالات رهيبة وجميلة
وحتى لو فيه حفلة ,,,, انا مش بروح الحاجات دي ,,,, لانها بالمجان يعني زحام وقاعدة مش لطيفة
واللى مش بيخرج من بيته خالص باليوم ده بيخرج يتفرج ويحتفل,,,,تصوري ساعة كاملة العاب نارية ,,,ده غير الحاجات الغريبة اللى بيعملوها الشباب من تزويق العربيات
وماشاء الله مواطنين ووافدين كله خارج بالعلم وبيحتفل
ربنا يديم عليهم نعمته

بعد العيد بنزل لكم صور

 

[om-noran]

ماشاء الله,,,طيب الحمد لله انكم اتبسطم يا بنوتة

 

[sherwetta]

بنوتى

الف الف سلامه عليكى ياقممممر انتى وحسوووم
وماشاء الله الاحتفالات عندكم لذيييذه

انا كمان بطلع اليوم الوطنى وبنمشى فى المسيره مع رش وحاجات هبله كده بس بيبقى يوم لذييييذ اوووى

والله يخليك ياباشا الحمد لله انها عدت على خيييير

وضحكتينى مانا الميس بتقولى انتى ليه ماتفتحيش محل خخخخخخخخخخخخخخخخخ

 

[nada al fajr]

ام نوران
صباح الفل
بنوتة
ربنا يكرمنا جميعا واعرف اقابلكوا بعد العيد واتعرف عليكوا اكتر.
شيرى
ميرسى جدا جدا وتسلم ايديك.
كل عام وانتوا بخير يا حلوين.:clap:

 

[sherwetta]

ام نورانو

كرات البسكوت سهله خالص

انا طحنت بسكوت ساده بس طحنته خشن

حطيت عليه شويه حليب مركز من اللى بعمله بالبيت

وعليه شوكولاته برضه من اللى بعملها فى البيت كنت كاتبالك طريقتها قبل كده

وبعجنهم كويس مع بعض واكورهم وادحرجهم فى جوز هند

سهله خالص وطعمها لذييييييييييييذ

 

[بنت اسكندرية]

بنوتى

الف الف سلامه عليكى ياقممممر انتى وحسوووم
وماشاء الله الاحتفالات عندكم لذيييذه

انا كمان بطلع اليوم الوطنى وبنمشى فى المسيره مع رش وحاجات هبله كده بس بيبقى يوم لذييييذ اوووى

والله يخليك ياباشا الحمد لله انها عدت على خيييير

وضحكتينى مانا الميس بتقولى انتى ليه ماتفتحيش محل خخخخخخخخخخخخخخخخخ

رش ههههههههههههه

ده انا طلعت لاقيت الارض مليانه بلاوي
ورق ملون وقصاقيص وورق زينة وده غير السبراي اللى عامل زي التلج واللى على شكل خطوط واللى رغوة ,,, والخيبة السنة دي عاملين حاجة جديدة
جايبين مسدسات ميه بتاعة حمامات السباحة وبيرشوا الناس
واختك اخدتلها واحد مرش واحنا مروحين ههههههههه
الكل جري وانا تنحت ووقفت مكان ,,,,,راح ابن الذين ركز عليا المسدس هههههههههه
بس الحمد لله ان الكاميرا ماطلهاش ميه

 

[غريبة1]

انتو فين...ردو بسرعة...مش قادرة اقعد يا ناس...عاوزين نشاط وحيوية... واحد اتنين...واحد اتنين...هوب هوب

ما شاء الله على النشاط

صباح الفل :a084::a084::a084: