شات ***جمهورية مصر العربية***

[sherwetta]

بنووووووووووووووووته

قرى واعترفى كان مين وفين وليه ازاى؟
وكنتى فين وقت وقوع الجريمه

 

[تحيا مصر]

سما
الفطاير لسه موجوده
عملت مقدار كامل وبقى نصه هصوره وابروزه وانزل الصور

د/شيماء
انا نيفين
عندى 27 سنه
متزوجه عندى ريم 4 سنين 3 شهور
واريام سنه و11 شهر
ومقيمه فى السعوديه


بنوته
هاتى الرساله هنا
فضول بعيد عنك ههههههههههه

 

[اعماق البحر]

يتصفح الموضوع حالياً : 10 (9 عضو و 1 ضيف)
‏اعماق البحر, ‏um-hajar, ‏تحيا مصر, ‏om-noran, ‏sherwetta, ‏ dr.shimaa , ‏habeba, ‏sama_sehab


فى ضيف و واحده متخفيه يا ترى ميييييييييييييييييييييين!!!!!!!!!!!!!!!!!!!

 

[تحيا مصر]

كان فى حد قال على الشاورمه قريب
اللى يعرف طريقه حلوة يقولى
متكسفونيش بقى مع سلفتى هى اللى عايزاها

 

[اعماق البحر]

Dr شيماء
اعماق معموقه متعمقه اتحدث من الامارات
فى مقتبل العمر 31 سنه متزوجة و اعووووووووول
بنت 8 و ولد 6
و سبع صنايع و البخت ضايع و الى يلاقيه له مكافئه مليووووووووووووووون شكرا
و هنيالك يا فاعل الخيييييييييييييييييييييييييييييييييييييييير

 

[sama_sehab]

د شيماء لا شكر على واجب بس انتي تقدري تعملي اي حشوه شيري كانت عامله حشوه حلوه اوي بالبرجر

انا باعمل شاورما او بانيه بس باتبل من بليل بس ممكن اسرع حاجه طبق زي فاهيتا الفراخ كده

تقطعي الصدور شرايح رفيعه وتتبليها بكل التوابل اللي بتحبيها وفص توم مفروم وتسخني الطاسه وتحضي نقطة زيت

صغيره وتضييفي م صويا صوص وتسيبيها تستوي كويس على نار هاديه هتنزل ميتها وتستوي بس ما تخليهاش تنشف

اوي تروحي نازله بشرايح بصل وفلفل اخضر بسسس ما تخليش الفلفل والبصل يسوا اوي لانهم بيكونوا

الذ وهم بيقرقشوا شويه وتدهني العيش مايونيز وخس وممكن جبنه شرايح يعني اي اضافه بتحبيها

وبالف هنا وشفا

بنت اسكندريه هو التركي درجات ولا ايه مش عارفه اصله حسيت انه هنا ارخص من عندكم كتير اوي

 

[HOPA]

حد فاضى اكلمه

 

[HOPA]

اهلاااااااا انا هوبه القاهره

 

[om-noran]

منورين

بنوتة

ايه ده يا بنتي رسالة مش محترمة..وعلة منتدى المفروض ان كله ستات...مش هاقولك هاتي الرسالة احسن تقولي عليا حشرية ولا فضولية ولا حاجة...خخخخخخخخ

وبعدين هو انا لسه هاستنى لما تنزلي مصر وتجربي الحلل..طيب جربي واحدة دلوقتي وقوليلي النتيجة..ماما عندها الطاسة بتعمل فيها الرز بس بيلزق فيها؟؟؟

شيري..

يرحمكن الله.الف سلامة عليكي..يبقى انتي اللي عديتيني..جسمي مدشدش بس الصراحة لقيت ام هاجر قلت ادخل اسلم عليها مش بشوفها خالص

ام هاجر..

انتي يا بنتي بتصحي امتى...والله مش قادرة اقعد على الكمبيوتر والا كنت قعدت واتكلمت معاكي..بس واحشاني جدا
تقريبا اخدت الدور من يارا وهي لسه سخنة الحمد لله على كل حال...جوزي جايبلي يارا صاحية من النوم..بيقولي ماشاء الله انتي بتيجي على الكمبيوتر؟؟؟خخخخخخ...قلتله معلش..هاسلم على اصحابي واطلع..

د شيماء
اهلا بيكي

معاكي ام نوران
ورنا
ويارا

مقيمة في قطر..واكبر منك...معدية ال 32...بس مش هاقولك عندي كام سنه..مع ان الكل عارف...ههههههههههههه

نوفا
مابعتيش فطاير؟؟؟كده...طيب...متشكرين...خخخخخخ

حبيبة

واضح ان بعلك نزل تاني..

اللمة دي حلوة اوي يا بناتيت ومش عاوزة اسيبكم بس معلش..هاحاول ادخل كل شوية..هاقوم اكل كيكة ( عملت كيكة مع البصارة...اتفضلو) واشرب شوية شاي يمكن اتظبط شوية

 

[اعماق البحر]

هوبا
انتى بس اتكلمى و هتلاقى امه لا اله الا الله بترد عليكى
بس عرفينا بيكى الاول

 

[اعماق البحر]

ام ملك هانم
اسمك مش غريب عليا
انتى ام ملك مجدى ؟؟؟؟؟؟؟؟؟؟؟؟

 

[الامومة]

السلام عليكم

 

[om-noran]

نوفا

بصي

انا بقطع اللحمة صغير وبتبلها ببصل مفروم وزبادي وشوية صلصة وصويا صوص وملح وفلفل وكمون وشوية قرفة وشوية زيت زيتون وبجيب 3 فصوص حبهان مع 2 ورق لوري وبطحنهم في المطحنة واحطهم على اللحمة واسيبهم في التلاجة لتاني يوم

وبعدين بسويهم في ميتهم وبعدين لما تستوي بحط بقدونس مفروم وطماطم مقطعة صغيرة مش بحط فلفل اخضر خالص

الطريقة كانت بتاعة شيري وانا اضفت لها الحبهان وورق اللوري من التليفزيون

وبعدين لو عاوزاها فته

بحمر العيش وبسقيه في ميه الشاورما..بشيلها من الحلة وازود على المية بتاعتها..وبعدين تحطي العيش وفوقه الرز بالشعرية وبعدين الشاورما..وتزيني بشوية سلطة طحينة

وبالف هنا

 

[om-noran]

هو مين اللى كان عايز شاورما

نيفو باين صح؟

انا مجربتش اعملها فى البيت لسه يانيفو والله الخطه القادمه باذن الله

بس فى العالم فيه طرق كتييييييييييير للشاورما

ايه ده يا شيري..

مش انتي اللي اديتيني طريقة فتة الشاورما؟؟؟:1eye: :dunno: :dunno:

وانا عمالة اقول للناس كلها دي طريقة شيري؟؟؟


امال ميييييييييييييييييييييييييييييييين؟؟؟؟ :shutup:

 

[الامومة]

لا
انا ام ملك مصطفي

 

[om-noran]

ام هاجر..

لو تعرفي تدخلي بكره الصبح...شكلي مش نازلة الدار بكرة علشان يارا..ابقي قوليلي لو هاتقدري..

سلام انا دلوقتي

 

[اعماق البحر]

لا
انا ام ملك مصطفي

على العموم منوره
اهلا بيكى بين اخواتك

 

[om-noran]

قبل مامشي

احب ارحب ب
هوبا

وام ملك هانم

سلامين وحتة..

تم ترارارم تم تم

يالا يا حلوين

اهلا بيكم معانا..

عرفونا عليكم

وبنحذركم

اللي بيدخل معانا مرة..مش ممكن يسيبنا بالمرة...هههههههههه

 

[الامومة]

شو اسمك

 

[sama_sehab]

شيري

تحيا مصر

انا من فتره وقعت في ايدي وصفة شاورما سهله اوي وكنت خايفه اعملها بس صراحه سهله اوي

لو جربتوها هتعتمدوها الخلااااصه

شرائح الصدور تتبل في عصي ليمون وخل ورشة جوزة الطيب وفلفل اسمر والملح طبعا تبات ليله في الخلطه دي

تاني يوم باه تضيفي شوية زيت زيتون او زيت عادي وتغطوها بسلفر وعلى الفرن والع من تحت لمدة ساعه وبعدين

تكشفيها وتولعي من فوق علشان تتحمر

وبسسسس اديها باه اضافاتك سلطة الطحينه والبقدونس والطماطم والبصل

او مايونيز مع خس وطبعا مخلللل وبسسسسسس

د شيماء ان شاء الله 31 ديسمبر هاتم 28 سنه

عندي يامن 4 سنين و4 شهور ومنى 10 شهور ما شاء الله ربنا يحفظهم هم واولادكم جميعا

خبر حلو باااااااه موفاجه الصراحه هههههههه في حضانه فتحت وربنا يسهل ويامن يروح ان شاء الله