الزوج و غرفـــة الولادة !!

[^غلا دبي^]

مساكم ورد حبيباتي




اليوم حابه آخذ رايكم في موضوع يخص زميله لي حامل وولادتها بعد اسبوع
ربي يقومها بالسلامه ان شاء الله





تقول ان زوجها (شمالي شرقي) بخيل في الكلام الحلو.. وصعب يبين مشاعره وهذا الوضع مب عاجبها وحابه انها تغير او تلفت انتباهه بشي..ولكنها حاولت وفشلت !! :no:





فكرت انه وقت الولاده تخليه يدخل وياها..لكن من القصص اللي اسمعتها ان الزوج ممكن يعاف زرجته او يتغير عليها ترددت :crazy:





تخاف تجازف لكن في رايها انها لازم تستغل وقت الولاده على الاقل يدخل يشوفها وقت الطلق ويطلع..يعني يشوفها وهيه تعبانه بدون ما يحضر الولاده كلها..يمكن يحس او يفكر فيها اكثر بعد الولاده :sad_1:






انتوا شو رايكم؟


في وحده منكم جربت هالحركه ونفعتها؟


يعني شكل الحرمه وقت الولاده وتعبها ممكن يحرك مشاعر الزوج؟






واذا لكم راي ثاني لا تبخلون به عليها








لكم التحيه

 

[نهر الحياه]

صراحة انا لما كنت في غرفة الولادة لأول حمل حبيت ريلي يكون وياي ويشوف

هاللحظات ...لأسباب : منها يشوف كيف الولادة صعبه ...ثاني شي يهون علي

الألم من كلماته ودعائه وقراءته علي ...ثالث شي والأهم : عشان مايقولي أحملي بسرعه .........

وبعدين اصلا الريال مابيقعد يطالع هذيج المنطقه وبيشوف البيبي كيف يطلع

يكون يالس عند راسج ...ريلي صااااااااح وايد لما طلع البيبي وع طول سجد لله

وربيعتج تخلي ريلها يشوف الوضع ومب كله إذا هي خايفه انه ريلها يتغير

وتسأله احتمال يريد يشوف الولادة كلها ...ع فكرة بعضهم يغمى عليهم

وريل ربيعتج المفروض تسأله وايد اذا كان من النوع الغامضومايضهر مشاعره ...

 

[^غلا دبي^]

تسلمين على ردج يا نهر الحياه


يعني تسأله اذا يبا يدخل والا لا ؟

والا تحطه جدام الامر الواقع وتخبره نفس الوقت ؟


وان شاء الله بنقل لها رايج




لج التحيه

 

[الغد الاجمل]

اللة يقومها بالسلامة يارب
انا من رايي مايدخل معاها غرفة الولادة
فية اساليب كثيرة تخليهم يقربون من بعض اكثر وصدقيني مع العشرة بيحبون بعض اكثر لكن مو بدخولة معاها غرفة الولادة

 

[^غلا دبي^]

احترم رايج يا الغد الاجمل

كل محاولاتها ما نفعت معاه !!




لج التحيه

 

[هدوء السحر]

انا راي انه فعلا يدخل معاها غرفة الولادة انا في ولادتي رغم اني مسوية قيصري الا اني تالمت كتير بعد العملية زوجي كان يضمني ويبكي من حزنه وتاثره بحالي
ولو صاحبتك خايفة انه يعافها بعدين مو لازم يحضر الولادة للاخر لحظات الطلق والالم وبعدين يخرج
الله يقومها بالسلامه هي واللي في بطنها

 

[^غلا دبي^]

آمييين ويقوم كل حامل بالسلامه


تسلمين على ردج يا فراولاية

رايي من رايج



لج التحيه

 

[أحلى رواضي]

أنا في رأيي انها تسأله شو رأيه يبغي يدخل و الا لا؟

 

[أم فهودي]

بصراحة مو كل زوج يصبر على الموقف في ساعة الولادة لكن خليها تجرب يمكن ربي يحنن قلبه عليها ويتغير الله يسخر لها زوجها يااااااااااااارب

 

[^غلا دبي^]

تسلمين على مرورج يا احلى رواضي


تخاف تسأله وما يتشجع اما اذا في نفس الوقت تقول بيظطر يدخل

الله يجدم اللي فيه الخير





لج التحيه

 

[درة البحار]

زوجي شمالي شرقي وهذا طبعهم كلهم الشح بالكلام عموما والحلو خصوصا .. ومن خلال متابعتي موضوع الشمالي الشرقي رحلة إكتشافية للغالية أندلسية تبين لي أنهم حنونين لكن المتطرف منهم معقد بالنظافة لذا راح يحن عليها ويتعاطف معهاها لكن لو متطرف فراح يقرف منها وراح يقع اللي هي خايفة منه.. هذا اللي أذكره من ما يتعلق بحالتها وغيري من المشاركات القديمات بموضوع أندلسية راح يكونوا أكيد أحسن مني ..

الله يهون عليها

 

[^غلا دبي^]

آمييييين يا ام فهودي

وان شاء الله بنقل لها رايج




لج التحيه

 

[^غلا دبي^]

كلامج صحيح يا درة البحار

بخليها تراجع مواضيع الشمالي الشرقي


والله يهون على الجميع ان شاء الله






لج التحيه

 

[تووتهـ]

الله يقومها بالسلامه ....
حتى أنا حامل وريلي مثل طبع ريلها ومتردده
بس يوم سألته قال يصير خير وأنا باقلي أربع شهور
قلتله يدخل على أساس يقرأ عليه وبعدين يطلع ,,,,,

 

[ابتسامة ملاك]

الله يحنن قلب زوجها عليها
بس انا ضد فكرة دخوله لغرفة
الولادة مجرد رأي:dunno:

تقبلي مروري

 

[تووتهـ]

والله يقوم كل حامل بالسلامة .......

 

[^غلا دبي^]

آميييين يا توته

انا بعد اشوف انهم لازم يدخلون علشان يحسون ان الحرمه واااايد تتعب




لج التحيه

 

[^غلا دبي^]

احترم رايج يا ابتسامة ملاك



لج التحيه

 

[m2008]

يدخل معاها شوي

 

[^غلا دبي^]

تسلمين على مرورج يا m2008



لج التحيه