زوجي والسفر

[سويتي 88]

السلام عليكم ورحمة الله وبركاته
أمسي واصبح على عضوات مملكة بلقيس العزيزات ​

اسمحوا لي اني اشارك معكم في هذا المنتدى الاكثر من رائع واسال الله الكريم ان يجعل جهود القائمين عليه في ميزان حسناتهم...​

سمعت كثيرا عن الاستاذة الفاضلة ناعمة الهاشمي ولذلك حبيت اني اشارك في مملكتها علي استفيد من خبراتها الجميلة​

مشكلتي:
زوجي غالبا ما يسافر الى بلد عربي اريده باختصار ان يكف عن السفر وان طلبت منه ان ياخذني معه يتحجج بااسعار التذاكر وانه ليس لديه الا مايكفي تذكرته فقط علما باني اساهم كثيرا من راتبي في بيتي ولاطفالي الثلاثه و في بعض الاحيان ياخذ منه جزء هو كذلك...... واذا سافر تركني انا واطفالي لدى اهلي لمدة قد تطول عن العشرين يوما .. لا يسال عني ولا عن اطفاله .... لذلك اردت ان تشوروا علي مـــــــــــــــــــــــــــاذا افعل ؟ وكيف اقلل من سفراته...
وللعلم ان زوجي معلم وانا كذلك ​

:icon26: وجوزيتم خيرا:icon26:​

 

[نمله حمراء]

نفس المشكله بس الفرق ان زوجي يسافر اندونيسيا ياليت نلاقي لنا حل

 

[نرجسية]

الله يفرج لكم

 

[الله يصبرني]

يا عزيزتي هل أنت متأكدة من قوة ايمانه!!!!
خوفيه من الأمراض،،،وقولي له نروح مع بعض لأني محتاجة أغير جو ،،والتذاكر علي وحاولي تدبرين المبلغ عشان يستسهل سفرتك معاه هذا إن كان من جد عقبته الفلوس والله يوفقك​

 

[لتوفي]

خذو موقف صارم معهم هذا مرض مهب شي عادي

 

[فيتامين]

الله يفرج همك و ييسر مرك مع زوجك ويبعد عنه الفتن والحرام ويحنن قلبه عليك

 

[ساره ع]

المشكله منك انتي تدرين ليه؟؟؟؟ليه تصرفين علييييه؟؟؟؟؟؟؟؟؟؟؟؟ انت عارفه ان الشي هذا يخليه يفقد المسؤليه تجاهك وتجاه اولاده.....

 

[بريئه25]

لييييييييه تساااااعديه بالمصروووف د ام انه سفرااااته كثييره
لاتعطينه ولا فلس وخلي كل مصاريف البيت عليه هو الرجال وهو المسؤول
وانتي مو ملزمه بمصروف البيت
والله يعينك عليه

 

[مستعينة بخالقي]

الله يعنيك ويساعدك
حبيبتي لاتعطينه ولا ريال طول السنه لانه يوفر من فلوسه عشان يسافر
وانتي يخليك تدفعين من راتبك واذا قلك ليه ماتساهمين قلي ابغا اسافر بالاجازه واستانس ولا حلال عليكم حرام علينا
اتمنى لك حياة سعيده وسامحيني على ردي

 

[طيور المحبة]

الله يفرج همك وتلاقييييييييين حل

 

[أمواج وبحار]

والله انا من رايي انج تخوفينه بالامراض سولفي له عن قصص الخيانات وانتشار الايدز و..ويستحسن بعد اذا في مطبوعات يقراها عن هالامور عسى الله يصلح ازواجنا ويهديهم الى صراطه المستقيم

 

[سمو الأميرة]

حبيبتي حاولي تغيرين من نفسج شوي عشان ينجذب لج أكثر و ما يقدر يستغنى عنج .. اعرفي من خلال بوصلة الشخصية عن طبعه و شو الاشياء اللي يحبها .. لان يمكن بسفراته يدور أشياء مب ملاقيها عندج .. اقري في قسم القصص قصة برود و مطر و قصة ام الوليد و القصص الثانيه بتفيدج .. و صرفج عليه انتي تعتبرينه تضحيه منج و تعبير عن حبج بس هو ما يشوفه جذيه .. حاولي تراجعين نفسج عشان تعرفين وين المشكلة و تحلينها من جذورها و الله يكون في عونج

 

[so0om top]

بصراحه رجال يتصرف كذا سواء عنده ايمان او ماعنده حاولي بكل شطاره تخوفيه تسحريه تجذبيه ولاتجيبين سيرة السفر ابد لانه وقتها راح يفهم مثل ماقالت اختنا خوفيه من الامراض لان واحد يترك زوجته ويسافر كل هالمده وش بيسوي بذمتك فتحي عيونك وشوفي قصص الخائنات وشوفي وشلون دبرتهم الدكتوره ناعمه خذي اللي يناسب وضعك واتركي اللي ماتقدرين عليه واعرفوا ان الموضوع فيه خيااااااااانه وشئ مخل بالاخلاق والا اقل شئ اخذك معاه اعذروني بس لازم مانختلق الاعذار وبهالنقطه نشتغل

 

[حبيبت رشيد1]

اهلين الختي الله يفرج همك وكربتك ويهديه لك ويسخره ويحنن قلبه عليك
عليكي الجوء الي الله والصلاة ثلث اليل وكثرة الدعاء والاستغفار وقراءة
القران

 

[رفيقة النجوم]

ردا على الأخوات
أقول لك ((عن معرفة)) بأن الخيانة في دول الخليج أسهل
ومستحيل يكون بيدفع ويتكلف علشان يزني ويرجع
بس ممكن يكون متزوج

 

[موزة خلفان]

ماذا يعني ليس لديه سوى مصاريف سفره ؟؟؟
كل مره يسافر فقط من اجل نفسه ولنفسي البلد
اخبريه بانه اذا لم يكن لديه ما يسافر به لا يسافر احسن
واطلبي منه و باصرار عدم السفر

 

[تحيه للعلم]

حبيبتي سويتي الغلط منج انتي تساعدينه على انه يهجرج والا وحده مثلج سنعه ومثقفه وفاهمه

تعطينه جزء من راتبج لييييييييييش ؟؟

وانتي شايله عنه مسؤولية البيت والعيال ومخلية له السفر والوناااسه وتبين حل حق مشكلتج؟؟

راجعي نفسج حياتي وبالآخر انتي وعياله آخر همه ما همه الا وناسته واذا بتمين جذيه ابشري بسعدج

اذا ما طلع متزوج هناك اسمحي لي سويتي على ردي القاسي بس انتي السبب فيه

وتقبلي مروري

 

[أم الزينات]

مرحبا اختي , انا رايي من راي البنات لا تعطينه ولا فلس هو المسؤل وهو المفروض يصرف حتى العيال اذا قصر عليهم شي خليه هو يجيبه لانه ابوهم ولازم يتحمل المسؤلية .
والله يهدي زوجج وزوجي ويعصمهم عن الحرام .

 

[@روح الورد@]

غلطانة حبيبتي مخليته على كيفه

المفروض من أول مرة ماتعلمينه على فراقج

على قولة اخوانا المصريين (ابنك على ماتربيه وجوزك على ماتعوديه)

بس اذا الحين توج واعية وتبين مايسافر الا معاج لأنج بديتي تشكين فيه
خلاص لازم ماتفرضين عليه فرض وتراقبينه وتموتين نفسج بالبطيء
لأن الرياييل عليهم دم باااااااااااااااارد
يذبحونا قهر وهم يتفرجون وكأنهم ماسوو شي

جوفي حبيبتي
بالكلام مابتقدرين لأنه اذا يبي يسوي شي مايمنعه لو يصدرون عليه منع سفر رسمي في المطار

في هالحالة انتي وذكائج
وين كيد النساء ؟؟؟؟؟

أول شي كسبي قلبه علشان تمشينه وويسوي اللي انتي تبينه بدون ما يحس انك فارضة رايك وانه قاعد يسوي اللي انتي تبينه

لأنه الرياييل يعاندون أكثر من اليهال
انتي شفتي اليهال اشلون يعاندون ان بغيتي منهم شي أو منعتيهم من شي ؟؟؟!
الرياييل اكثر والله أكثر!!

الحب علاج ولعيه فيك
قطعي عنه المصروف!!!!
اشلون يعني
لا تدفعين شي للبيت
قولي له ماعندي
يعني ترضين يسافر بفلوسك؟؟؟ انتي بتدفعين للبيت وهو بيدفع لسفراته!!!!
امتصيه
على قولة حبيبتنا الاستاذ ناعمة (حلبيه حتى ينشف) بالفلوس والاشياء الثانية اللي خبرك
خليه يكره طاري السفر
أتمنى تكون الفكرة وصلت

 

[@روح الورد@]

ردا على الأخوات
أقول لك ((عن معرفة)) بأن الخيانة في دول الخليج أسهل من سوريا
ومستحيل يكون بيدفع ويتكلف علشان يزني ويرجع
بس ممكن يكون متزوج

يعني بتكحلينها؟؟!!!!!
ههههههههههههه
احنا والله يسامحنا عندنا يزني ولا يتزوج؟!!
والا اشرايكم يا بنات؟؟!!!