تجمع للزوجات الكسولات

[امار]

مرحبا ياخوات يمكن لو كنتو كاتبين الموضوع قبل 7 سنين جان انضميت للنادي معاكم بس الحمد لله تخلصت من الكسل صج بين فتره وفتره يحوشني بس انشالله اتخلص نهائيا منه وادعولي وعلى فكره انا موظفه وماعندي خدامه ومابيها الفتره الحاليه وعندي بنت وولد والحمدلله مشيه اموري على احسن وجه بس ادعولي الله يتم على،،،

 

[السهم]

المرهفه
يعطيك العافيه على ها القصه
ما شاء الله عليها قامت و جابت تنكت التمر
من جد انا حاسه بمشاعرها جت على نفسها و قامت الصبح

امار
الحقينا قولي لنا وشلون تخلصتي من ها العاده السيئه
​

 

[هذاك اول]

ياحلالالالالالالالالالالالات هذا التجمع :clap:انا انضم معاكم اختكم الكسلانه انا متزوجه وعندي بنتين خريجه بكاليريوس بدووووون دورات مااخذتها من الكسل

 

[7leywa]

انا ابى اسأل اللي تشتغل كيف تقوم الصبح وايد صعب او اللي تسرح عيالها حق المدرسه احديحس بها الاحساس او انا بروحي ...اقول في نفسي خلاص مااريد الشغل ..بس عقب ساعات يتبخر هذا الاحساس

 

[امار]

امار
الحقينا قولي لنا وشلون تخلصتي من ها العاده السيئه​

اول شي كنت اتكاليه في بيت اهلي كانت امي مخليتني على راحتي تقول الوحده تتدلع بيت اهلها وفي بيت الزوج مساوليه والتزام وبعد الله يعافي الخدم مايقصرون بس كنت اشوف امي واراقب طرقها في كل شي وامي يضرب فيها المثل بالنظافه والترتيب وحسن الاداره للمنزل ولذه الطبخ والفن فيه وبعد الزواج امي قالت لي نظفي اول باول عشان مايتراكم عليج الشغل المهم كنت انا وزوجي ماكان في هذاك الوسخ والشغل وبالنسبه للطبخ ماكنت اسوي شي لاني معتمده اني في بيت الحموله بس انا كنت توني في اول كورس لي من الدراسه وقابلت صديقات متزوجات حديثا وكنا نعاني من نفس المشكله بس وحده كانت سابقتنا بسنه زواج قالت ترا الزوج ياخذ فكره عن زوجته من اول ايام الوزاج فصلحو اطباعكم عشان الصوره الحلوه صارت الفكره تروح وتجي براسي ايام بس الكسل ذابحني ومع الايام خفت وطنشت بعد لين ماطاح الفاس بالراس وحملت ودخلت في موضوع النسات وغفلت عن الموضوع تماما وبعد ماولدت وقبل لايخلص الانفاس نادتني امي وقالت بنتج تنام عندي وانتي ماتدرين عنها وانا البسها وارضعها وقايمه بمستلزماتها الحين جاء دورج عشان ماتحتاجين احد وبعدين محد يشره عليج ويقول مو سنعه حسيت ان امي قطتني على صخر وتحسفت اني تزوجت وبجيت بس علمتني امي شلون اسبح بنتي والبسها وارضعها وكل شي عنها في 4 ايام وعقب بديت اهتم واسوي نفسي يعني من حريم راعيات البيوت الي يفهمون وانا مادري وين الله قاطني وثلاث ايام مكسله وكنا راحمني اني ادرس وخالتي ( امي زوجي) تاخذ البنت عندها لما اداوم وتسبحها وتلبسها لانها اول حفيده لهم وبعد ماتخرجت كانت بنتي 3سنين وعقبها قالي زوجي لازم اقط اللولب واحمل جنه ذابحني يعني فيها مسؤليه زايده وسالفه صجيه الناس تكفلو بواحد ماراح ياخذون الثاني ضليت ابجي 2 يومين وبعدين قعدت اسولف مع صديقتي الي تسبقني بسنه زواج عن معاناتي واهي ساعدتني وشجعتني للبحث عن اسهل طرق التنظيف والاوتي للملابس وترتيب الغرفه والاهتمام بالاطفال وكل شي ندور على اسهل الحلول والي اطلع فيها اني سنعه وام السنع بعد وبعد ماولدت تعلقت حيل بولدي لانه من ولدته وهو عندي وبحضني ويمكن لاني رضعته طبيعي وحبيت اهتم بكل شي عشان عيالي وابوهم وصرت اتفنن بالطبخ والوجبات وطرق ترتيب الغرفه والملابس وتصنيف الاغراض ولين صرت بعد جهد وعناء مثل حق بنات جيلي يقولون شوف ملابس عيالها وترتيبهم وصحتهم وانا الحين موظفه وماعندي خدامه بس انا مفكرة اني احمل وخاطري اجيبها لان بتعب اكثر لان صج صعبه عقب الدوام اشغل الغساله واحط راسي وانام ولما اقوم انشر الملابس واقعد اخم وارتب واقابل عيالي وبعدها اسهر على كوي الملابس اتوقع مع الحمل بيتغير النظام ،،،،
وادعو لي الله يثبتني على النشاط ويبعد عني الكسل ...
والحين عرفتي شلو انا تغيرت ..
مالج خاطر تتغيرين ..
حلو شعور التغير فيج ولما تتذكرين انتي كنتي شنو قبل وشنو صرتي الحين ،،،،،

 

[amal7yatee]

قوة اشلونكم ،، عساكم بخير
بصراحة أنا داشة على بالي أنا قمة في الكسل بس بعد ما قريت قصصكم شفت اني انشط شوي
شوي مو وايد :blush-anim-cl:
المهم في الأيام الي أكون فيها نشيطة اقعد من الصبح 7 تقريبا وأكون كاتبة لستة بالأشياء الي ناوية اسويها،،
مثال: قبل يومين كتبت لستة بست شغلات تقريبا سويت منهم 6

بس المشكلة اني احيانا اتكيسل اسوي اللستة نفسها، بس كذا مرة جربتها وكانت مفيدة

وسلامتكم

 

[زهرة البنفسجيه]

انا في بيت اهلي ماكنت مدلعه بس بعد الزواج حصلت زوج علمني اشوي على الكسل انا احب الشغل بس اكون عندي همه ما اجلس من كثر الشغل ومرات اجلس على النت الاقي الوقت ضاع والشغل وراي كثير وتتعب نفسيتي من هالكسل

 

[فيض لانوثة]

بنات انا الكسل عندى موطبيعى انام واصحى من النوم ويظل الكسل فينى وكلة مالى خلق عندى 4 اولاد الله احفظهم محتاجينى حيل وانا مالى خلقهم الكسل مسيطر على اشتركت فى نادى رياضي بس مافى فايدة كل يوم اغصب نفسي انى اروح والحين صارلي شهر مارحت سويت كل التحاليل وطلعت سليمة والحمد الله
مرة كنت حاضرة دورة فى الدوام والمحاضرة تكلمت عن الكسل وقلة الخلق وقالت انه هذا الكسل ماهو الا اكتئاب وبصراحة انا دايما افكر فى هالموضوع وفى كلام المحاضرة وفى مرات افكر انى اخذ موعد استشارة عندها يمكن تقدر اتساعدنى واتخلص من الكسل الى انا فية
ادعولى يا بنات ان ربى اوفقنى ويهدينى وان اتخلص من هذا الشعور المزعج
وخلونا كلنا نرفع شعار
:clap:لالالالالالالالالالالالالالالالالالالالالالالالالالالالالالالا للكسل
واوعدكم يا بنات انى اذا تخلصت من الكسل راح اعلمكم الطريقة

 

[الجمان الابيض]

السلاااااااااااااااام عليييييييييييييكم صراحه تجمع رهييييييييييييييييييب بمعنى الكلمه يعني اقدر اطلع اللي في خاطري بدون تكلف ......انا آخر العنقووووود :c028:عند اهلي وتعرفون مكانت آخر العنقوووووود كيف تصير يعني دلع وتكشخ وطلعات وخرجات ودموع تماسيح:tongue: واتهامات لكل من حولي ......بأختصار ماني شايله اي مسؤليه حتى مسؤلية نفسي راميتهاعلى غيري حتى المجتمع يساعدك على الاتكاليه والدلع......لدرجة يسموني دلوعة امها:c018: ولمن خطبني زوجي كلموه ناس من اقاربي قالوله تراها مدلعه على الآخر يمكن ماتقدر عليها؟؟؟؟؟
المهم انا درست في الجامعه سنتين وبعدها رفضت عشان الكسل يكمل<<<<<خخخخخخخخخ
لي طفلان .....الله يحفظهم وابنائكم جميعا
انا مشكلتي مو الكسل وبس لا عندي مشكلة اني اقفل على نفسي الحلول بمعنى اذا كنت ناويه ارتب خزانة البطاطين والمفارش لااااااازم تكون نظيفه كلها ومتواجده واذا ناويه مثلا اعمل حلى لازم اعمل قهوة واذا مافيه قهوه مافيه حلى عندي مشكلة ربط الامور موطبيعيه .....اتمنى انكم فهمتوني وانا آسفه على الثرثره :blush-anim-cl::blush-anim-cl::blush-anim-cl:​

 

[ربي ثبت قلبي]

متابعه

 

[السهم]

لي عوده
بفكره حللللللللوه
​

 

[المرهفة]

تبون الصراحة ..انا كنت نشيطة في بيت اهلي .من كان عمري 12سنة وانا ادخل المطبخ واغسل المواعيين واهتم باخواني الصغار واقوم من الصبح اساعد امي بالفطور واذا جانا ضيوف اصير زي النحلة ارتب البيت بدقايق
وبعد زواجي شلت البيت فوق راسي وخدمت اهله وامه وضيوفهم لدرجة اني اضغط على نفسي عشان ارضيهم..والا قد شفتوا عروس في اول شهر تقوم من الساعة سبع تزين الفطور لاهله وبعدين القهوة والشاي والغداء
.وايام رمضان اقوم من صبح الله ازين المحاشي والمعجنات والشوربة والحلى..الخ لان حضرتهم ما يحبون الاكل البايت يبغون كل يوم بيومه.حتى بزارينهم كنت اعتني فيهم.
.المهم قعدت كم سنة وانا كني حمارة.
بعدين شرفت مرت اخوه اللي ما ترفع الكاس من قدامها ولا تعرف تطبخ حتي القهوة وزوجها تعود على ها الشيء وصار يتكاثر منها الطبخة اللي تظهر مرة في الشهرين
وصار يدلعها ولا يكلف عليها شيء حتى ما ينادى ضيف على كاس شاهي عشان ما يتعبها.
وشرفت مرة اخوه الثاني وصارت مثل اللي قبلها.
انا هنا قلت stopوحسيت اني غبية لاني كنت اظن ان الشقردية والنشيطة هي اللي تعجب رجلها .صار بالعكس
صرت اتكاسل وما عاد اعزم كثير في بيتي ولا اكلف على نفسي .تصدقون اذا شفت طبخة حلوة ما اسأل صاحبتها وشلون سوتها,لاني ما ابغى اتعب نفسي واسويها اشتري حاجة جاهزة.
بالاول اذا رحت لوحدة من خواته افسخ عباتي وادخل مطبخها عشان اساعدها ..الحين ما اقوم من مكاني
احيانا الكسل يعني الدلع والنشاط يعني احتقار النفس

 

[السهم]

الفكره الاولى

الارساء الحسي

هذا شي تعلمته من البرمجه
وطبقته ولقيت منه فايده
وهي ان تغيير المشاعر

مثال
ماهو شعورك عن سماع صوت الشيخ السديس وهو يقرى قران؟
دخولك للمدرسه التي درستي بها الابتدائي؟
عطر معين لما تشمينه تذكرين مرحله معينه في حياتك؟

:clap:انا لما اسمع السديس على طول احس بنشوه و بسعاده لانه يذكرني بالحرم
:msn-wink:اذا دخلت مدرستي الابتدائيه على طول تجيني شعور بالسعاده واحس ان فمي راح ينشق من كثر التبسم
:icon26:وفيه عطر اذا شميته يذكرني بايام عرسي
ونوع معين من السجاير اذا شميته في اي مكان عام احس باحساس السفر على طول لانه يذكرني بالمطارات

ياترى لما نستخدم هذي التقنيه تقدر تنقلنا من حالة الكسل لحالة النشاط؟

انا ما ادري بس ناويه اجربها معاكم لان العمل مع جماعه سعاده
ياتري وش لون طريقتها؟؟؟؟

انتظر اجابتكم على اسئلتي السابقه
ومين راح تجرب معانا


​

 

[السهم]

هلا
ملامح خجوله
اخني مشكوره على الاقتراح الحلو انا كل ثلاث ايام اشغل سورة البقره في البيت
بس الكسل من جد ذابحني

وشكرا على الاجابه على الاسئله انا ابغاكم تعرفون ان فيه اشياء تقدر تغير حالتنا النفسيه لما نسمعها او نشمها او نشوفها او نستخدمها و تنقلنا من حا لتنا النفسيه الي احنا الحين فيها ال الحاله النفسيه الي كنا فيها مثل عطر اسكادا اتوقع انه يدخل السعاده على قلبك صححح؟

الانتقال من حالة الكسل للنشاط


اولا : نحاول نتذكرموقف كنا فيه بقمة الترتيب و النظام نحاول ان احنا نعيشه في خيالنا الى الحد ان احنا نكون استرجعنا مشاعرنا كلها فيه لازم نوصل لاقصى المشاعر بشكل كامل هذا ضروري لانجاح هذي الحركع

ثانياً : نختار نقطه في الجسم من شروطها عند لمسها لا احد يشك في امرنا و هذه النقطه تكون قليلا ما نلمسها بالعاده ونضغط عليها تقريا دقيقه او اقل ونحن نعيش هذه الحاله في خيالنا وننحاول ان نخزن المشاعر في هذه النقطه (هذه النقطه تسما مرساة حسيه )
ثالثاً : في وقت لاحق نختبر هذه الحركه وذلك بالضغط على هذه النقطه نطول واحنا نظغط نلاقي الحاله بدت ترجع الى ذهننا شوي شوي ثم تزيد نلاقي هذه الحاله النفسيه عادة لنا

التجربه

انا ما راح تذكر حالة نشاط لان فيه شي اذا قريته احس بنشاط في جسمي عادتا لما اقرى قصة ام الوليد او ام بسمه خاصه احس بنشاط وعند احساسي بهذذ النشاط راح اضغط لمدة دقيقه وعلى نقطه في اسفل باطن الكف واحاول اخزن حالة النشاط في هذه النقطه و من بكره راح اختبر هذه النقطه


وانتم وش راح تسوون؟؟

​

 

[دمعه حزن]

ليش ما تشغلون اذاعه القران لان فيها محاضرات وندوات والله العظيم ينفتح نفسي اذا شغلتها ...
وع فكرة انا المسجل في المطبخ ويشتغل 24×24 ساعه وبدون توقف ...​

 

[دلع بلقيس]

حبيباتي ...


انا اشوف الحل في هالحال انك ماتفتحين النت الا لما تخلصين كل شي تبغين تسوينه وحتى لو مر يوم او يومين مافتحتيه عاااااااادي بس اهم شي زوجك يدخل يلاقي كل شي بمكانه والاكل ريحته تشق الخشم.

تراني كنت مثلكم ولا اخفيكم اني الى الآن وانا تصير لي هالحالة بس اكرههههههههها بعنف.

تحياتي ياالملكات الكسولات..

 

[دلع بلقيس]

وانا ارى ان قومة الصبح شي مهم جدا جدا .. يعني لما تصحين الساعه 9 ونص او عشره بالكثير وتخلصين كللللل شي واذا جا بعد الظهر تريحين عالسرير شوي ومو كثير.
والله اذا انا قمت ذاك اليوم الصبح تلاقيني نشيطة كل اليوم ومبسوطة واصير اسوي اللي مايتسوى وتلاقيني اغسل ملابس واكوي وانشر وانظف كل شي واذا جا آخر اليوم رحت ازور اي احد من معارفي .
وانا كلللللي نشاط .

سبحان الله
هذا كله من قومة الصبح
واحنا تلاقينا الساعه 1ونص الظهر باليالله نقوم عشان نصلي .. ونسهر بعدالى الفجر وهذا هو قمة الكسل .
وطبعا اهم اهم اهم شي النوم بالليل هو اللي يكسب جسمك طاقة مايكتسبها النوم في النهار لأن كثير من أعضاء الجسم ماتتحرك الا لما تنامين في الليل.
والله ييسر اموركم ويعزنا بالنشاط والحيوية ولايحرمنا قومة الصبح ونومة الليل.

تحياتي,,

 

[(A7LA)]

ما شاء الله يا السهم موضوع حلو ... و نادي لطيف

انا الحمد لله نشيطة بس الصبح غيــــــــــررر و الدفا تحت اللحف و المخدات رهيــــــــــب



لي عودة

 

[السهم]

ياحلوات ابي ارد عليكم وابي اسوي اقتباس لكلامكم وشلون ماني عارفه

هلب مي
​

 

[السهم]

حبيبتي السهم سهله ووووووايد
شوفي نهاية ردي موجود كلمه اقتباس اضغطي عليها يصير اقتبستي تنفتح لك صفحه موجود الاقتباس واكتبي انت الي تبغيه زياااااااده عليه اتمنى فهمتي يالغاليه وارسليه يطلع كلامك ومعاااااااه الاقتباس اتمنى فهمتي:icon30:اذا لا:thumbdown: اكتبي وافهمك اكثر باااااااااااااااااي:bye1:

ايوه كذا انا فهمت

:showoff:​