مرحبا
تدرون أحس أني أكرههه زوجي أو أحقد عليه... لانه حارمني من العواطف ومن اشياء ثانية بعد عشان منغمسة في علاقة عاطفية ...أنا تقدرون اتسموني الزوجة المهجورة!! نادرا ما اشوفه انه يشتغل في امارة ثانية...
واحيانا احس بالحنان حق ايامانا اللي قبل يوم كنت محور حياته وكان يموت فيني
بس شكلها هال الحقيرة مسوتله غسيل مخ كامل
ساعات افكر بالانفصال
وساعات يغمضوني العيال
والله يا خواتي انه ما يسوى ظفري يوم افكر فيه قهر قهر قهر في كل شي انا احسن عنه
الحمدالله على كل حال
حبيبتي هاجس يعز علي اقرى هالكلام لكن صدقيني مشكلتج لها حل
الاف نسوان غيرج مرو في الي انتي مريتي فيه
وترا بقولج شي الريال لو شنو راح راح راح ولف مرده لزوجته ام عياله الي صانته وحفظته لكن اذا اثبتت قوتها مو اذا قعدت تندب حظها وتندم عالي فات وعايشه عالذكريات
انا ما اقولج لا تذكرين بالعكس الذكريات غصب عنها اتيي وهي الي محافظه على الود الباقي
بس حبيبتي بدل ما تقعدين تفكرين حاولي تشغلين روحج وتسعدين نفسج باي طريقه
يعني هي لو شنو كانت قويه الله اقوى منها وانتي تسلحي بدعائج في منتصف الليل لان اكيد ربي ما راح يخيبج بالاضافه الى انج تحاولين شوي تتناسين الموضوع باشغال نفسج والاهتمام بروحج وبحياتج وصدقيني هو لما يشوف لج كيان واستقلال راح يرجع لج يزحف
الله يوفقج يااارب وانتي بطلي تشاؤم وهم وفكري بتفاؤل وايجابيه وياااارب ما تشوفين الا كل خير
