صباح الخير على الكل :
حبيت اليوم أكلم الخوات عن تأثير الرقص الشرقي على الرجل ، هذي الحركات الساحرة والتي استخدمتها قديما الجاريات والساحرات
في اغواء الملوك والسلاطين بغية الحصول على مبتغاهم على الرغم من كونها مجرد حركات جسمانية ناعمه الا انه في القديم كان الناس يعتقدون
بأن من تقوم بهذه الحركات ماهي الا ساحرة وهذي الحركات والايماءات ماهي الا طلاسم تستخدمها هذي الساحرة لاستدعاء الشياطيين ؟؟؟
وهذه الشياطين تأثر بدورها في عقول الرجال وتجعلهم يفعلون ما تريد ؟؟؟
في سنة 2000 انخطبت لواحد كان معاي في الجامعة يدرس وكنت احبه اموت عليه لدرجة اني ماطالع غيره وكنت دايما اشوف انه احسن مني بشغلات وايد :icon1366: ، بعدين الريال هذا بدا يشيخ علي ويشوف نفسه علي وبدا باختصار يتلذذ في اهانتي وتقليل من شاني جدام الناس وبيني وبينه وصلت لدرجة اني اطالع نفسي بالمرايا واقول عن نفسي اني ويع الوع الجبد وجسمي مو حلو وويع المهم وصلت فيه الوقاحة يا بنات انه ييه اشكره وقالي انه اهو واهله في الوقت الي كانوا خاطبيني فيه راحوا وخطبوا وحده ثانيه غيري :no: طبعا انا ما صدقت وقلت اكيد يقص علي ليمة الحمدلله رب العالمين عرفت من ناس ثانيه والحمدلله فلينه الخطبة ، بس تدرون عقبها وانا اخر يوم تكلمت معاه قلت له
انا ماقول الا حسبي الله ونعم الوكيل
وراح ايي يوم يا فلان بتزحف وراي وتمشيت بحياتي الحمدلله ،
طبعا اول الفراق ماكان سهل ابدا وتعبت وايد وايد ونفسيتي كلش
لكن هالتعب كان مدته شهر كنت كل ليله اصلي وادعي ربييسهلها علي والحمدلله قمت من عقب الشهر قوية مثل الصاروخ انا اقولكم ليش ،
من عقب هالشهر من التعب ركزت على دراستي اكثر الي اهملتها عشانه ، وانتبهت على (أنا) نفسي اكثر وقمت العب رياضة اكثر ورديت لوزني الي عرفني فيه
والحمدلله تخرجت من الجامعة الي قعد اهو فيها من عقب 2 سنتين زيادة ،
والخبر الثاني انه اهو ماكان متوقع انه بيشوفني جي توقع انه يشوف انسانه منكسرة متحطمة بس انا كنت اقوى من القوية
توقع اني كل من شفته بلاحقه لكن العكس الي صار عقب شهري بالضبط من زواجه بدا يلاحقني ويمشي وراي ؟؟!!!! وانا ولا على البال
المهم تخرجت وقعدت بالبيت فترة وسبحان الله بدت اشتري كتب عن المرأة وشخصيتها واشلون الناس تحبها شلون تتعامل اشتريت كتب عن شخصيات الاميرات وتعاملهم وعن شخصيات قياديات قديمات ، وبنفس الوقت اشتغلت في معهد صحي عشان اسد الفراغ واستفيد وافيد ، المهم تطورت الحمدلله وكملت وانتقلت من مرحلة ليمة مرحلة والقافلة تسير وعزكم الله الكلب ينبح من مكان لي مكان ، الحين بتقولون شنو دخل الرقص الشرقي لما بديت اعلم الرقص الشرقي كنت اتعلم حركة حركة وشنو معناها وبفس الوقت اقرا كتب عن الانوثه والمراة شلون تكون جذابه وجمييله وهذا الشي غير شخصيتي 180 درجة لدرجة انه في ناس لما تشوفني الحين ما تصدق انه هذي الي قبل ومن بينهم اهو .
المهم خواتي للرقص تأثير عجيب على المرأة في من الدرجة الأولى ثم الرجل:flex:... الحين صار لي تقريبا اشتغل في هالمجال لمدة 4 سنوات تدريب الرقص الشرقي ورقص exotic للنساء المتزوجات وبصراحة طوال هالأربع سنوات واجهت العديد من الصعوبات واايد وبعض الانتقادات لكن بعدين النتيجة شفتها في بناتي والحمدلله ، يمكن البعض يستغرب ويقول شلون بنت مسلمه ومحجبة تتشتغل في هالمجال لكن هالمجال نفعني اتعلم شغلات وايد عن نفسي كمرأة وقرأت وايد وأثريت معلومات وايد عني وعن بنات جنسي والي بالتالي فدتهم فيها بعد ، المهم خواتي ماطول عليكم .... الرقص الشرقي له تعابير وايد ومن بينها تعابير تثير الرجل جنسيا وتجعله ينتبه على مفاتن جسمها ووجها شعرها او روحها نفسها ، لكن الرقص الشرقي يحتاج لعامل مهم عشان تطلع نتيجته حلوة والي اهي :dunno: وهذا العامل اهو الثقة بالنفس وحب الذات والي اهو يعتبر من الخواص الي لازم المراة تتمتع فيهم عشان يحبها الرجل ، نيي على حركات الايد لما نيي نطالع الرقاصه في التلفزيون او الي في الفيديو كليب ما نفهم شنو معنا حركات الايد لكن حركات الايدي في قاموس الراقصة والرجل لها معاني كثيرة ومتنوعه
راح اشرحها بالتفصيل انشاء الله قريبا ؟؟!!!
اتمنى اني اكون فدتكم بخبرتي المتواضعه
