هناك فرق 😍

[ام انوسة]

لو قلتلك إن زوجه شافت جوزها خارج بره البيت في نص الليل فشكت أنه رايح لزوجته الثانيه فقامت لبست وخرجت وراه تراقبه في عز الليل
هتقول ايه عنها ؟! ولو انت مكان الراجل ده وعرفت انها وراك هتعمل ايه في الشارع أو لما تروح البيت ؟!

الزوجه دي تبقي امنا عائشه رضي الله عنها والزوج يبقي سيدنا محمد صلى الله عليه وسلم

خرج بليل يزور أصحابه اللي استشهدوا ودفنوا ف البقيع ويدعوا لهم بامر من الله

ولما خلص ولف وشه شاف حد بيجري قدامه سواد ف سواد .. رجع البيت لقي السيده عائشه مغطيه وشها عامله نفسها نايمه ومن الجري الشديد بتتنفس بصوت عالي جدا وصدرها طاااالع ناااازل من تحت الغطاء

النبي قالها اااه انت السواد الذي كان امامي.. كشفتك .. ردت بحب قالت خشيت أن تذهب لزوجه اخري ( بتحبه جدا وبتغير عليه )

نغزها نغزه عتاب كده وقالها " رسول الله لا يظلم "

والموضوع انتهي ؟ اه والله الموضوع انتهي غيروا السيره وبدأت بذكاء تحكي عن شهداء البقيع وهو بنفس الذكاء مقلهاش لاااااا متغيريش الموضوع اخد حقي منك الاول لازم تتحاسبي .. بالعكس حكي عن الشهداء وان ربنا أمره يعمل ده دلوقت ودخلوا في قصه تانيه خااااالص

والحكايه خصت بسهوله ويسر وهو ارجل الرجال وسيد الناس لكنه يعرف أن النساء يتصرفن دوما بالعاطفة ولذلك احتواها واحتوي قلبها وعاملها برحمه محب وعطف زوج وقلب اب

اللهم صل وسلم وبارك على سيدنا محمد