مشاعر ذكورية في جسد إمرأة ...احذري

[راجيه الرضا]

ليه الراجل تبقى مراته قمر ويقعد يقول انا متجوز راجل ؟؟؟

او يقول انا حاسس انى متجوز واحد صاحبي !!!

……………………….

من فترة كنت بستغرب لما تجيلي واحدة

شكلها ليدى كما يقول الكتاب

وتقولى جوزى بيقولى انا متجوز راجل

اللى هو بحس ان عقلي بيعمل error كده

دى راجل ….. طب ازاى ؟؟

كان عقلي بيقولو الراجل ده مفترى ومش بيقدّر النعمة

الست كل يوم عند الكوافير وفي منتهى الاناقة والشياكة

هيلاقي زى كده فين ؟؟؟

لحد ما درست علم نفس المشاعر

عرفت ان المشاعر منبع سلوكياتنا

وعرفت ان في مشاعر ذكورية بالفطرة

وفي مشاعر انثوية بالفطرة

ودى " فطرت الله التى فطّر الناس عليها لا تبديل لخلق الله " الروم ٣٠

يعنى حاجه كدة built-in

ادركت ان الانوثة بالنسبة للانثى هىّ هويتها

وكذلك الرجولة بالنسبة للرجل هىّ هويته

وان التنازل عن الهوية بيخلّي الانسان هلامي ضعيف

بيحسسه بالاضطراب ومش بيعرف يعيش حياته مرتاح

هنا بس عرفت ليه الراجل بيحس انه متجوز واحد صاحبه

الست بتكون شكلها ست وصوتها ومشيتها ….. لكن

مشاعرها ذكورية

صلبة جامدة متحكمه مسيطره بتنفذ كلمتها حتى على الراجل

مافيش مانع تعصى اوامره ولا تنصاع لرأيه

وممكن كمان تأمر وتتحكم وتصدر القرارات

مش مهم ايه الدافع اللى وصلها لكده المهم هو ده بقه حالها

تحت اى مسمى هتكون الاسباب

بس المهم النتائج المؤسفه اللى وصلتلها

للاسف الست في الوقت ده بتفكّر انها كسبت

ممكن تكون كسبت على المدى البسيط جدا اللى تحت رجليها

مكاسب هبله تافهه هتعدى ولا هتحس بيها

وممكن تشعر بالفخر والانتصار وانها independent

لكن للاسف في الحقيقة وفي واقع الامر هتكون خسرت كتير….

خسرت انوثتها

خسرت هويتها

خسرت كينونتها

خسرت سعادتها

خسرت فطرتها

وفوق ده كله

خسرت جوزها نفسه اللى بقه شايفها راجل قدامه

راجل ناقصله شنب

شايفها كده سواء قال ده زى جوز الست اللى كلمتكوا عنها فوق

او لسه ماقالش

شايفها راجل في جسم انثى ( حاجه كده مسخ )

بقه حاسس انها ريّس مركب الحياة

ساعات بيفوّت ….

وساعات بيعدّى ….

وده بيخليها تتغرّ بحِلمُه

بتفسر الحِلم ده ضعف و تحس بالقوة اكتر واكتر

يا ريت الستات تفوق قبل فوات الاوان

تفوق لمشاعرها وتعرف ان قوة الست الحقيقيه في نعومتها

نعومة مشاعرها قبل بشرتها

نعومة احاسيسها والعودة لفطرتها

مش بقول تبقى ضعيفة بس تبقى قوية بانوثة

مش عيب انزل واشتغل بس وانا شاعرة انى انثى

مش عيب ابقه مسئولة ابقى مديرة ابقى رئيسة وزراء

بس اى منصب اكون فيه احافظ فيه على انوثتى

سواء بره البيت او مع جوزى واولادى جوه البيت

والوضعين بينهم اختلاف اكيد

امنا خديجة رضى الله عنها وارضاها

كانت حجم تجارتها اكبر من تجارة رجال كثير من كبّار تُجار قريش

كانت غنية وبتشتغل و لكنها كانت تشعر بانوثتها

تشعر انها تحتاج لرجل في حياتها يسكُن إليها وتسكُن إليه

وفازت بأعظم رجال العالم محمد عليه افضل الصلاة والسلام

لم يكن غنيًا ……

كان رجلاً … بل كان اعظم رجل خَلقًا وخُلقًا

صلى الله عليه وسلم

فاحذرى …..

تمادى الرجل في الحِلم والصبر بيكون بداية النهاية

وهو هو نفس الراجل اللى هيكون اول واحد ينط في الميه

لما مركب الحياة تبدأ تغرق

واللى اكيد مع الوقت هتغرق

ولسان حاله بيقول هى هتعرف تلحق روحها ( ماهى راجل زيه )

مافيش مركب ليها ريّسين بتعوم وتستمر …. ابدًا

اهلنا علمونا ان المركب اللى فيها ريّسين بتغرق


منقول عن د.حنان عطية

كتابها انا مش عاوزة أطلق

 

[ام نوال1]

أحسنتي خيتي . . لا إله إلا الله محمد رسول الله